¹ Gatsimɛ ŋva mia gbɔ lɔ, nyin de va kudo enyɔn masegɔnmɛnawo alo enu manyan manyan gatsimɛ Mawu nyɔn nyawo wlawla. ² Vɔ ŋsɔ gbeta be nyɛn ŋda nyan ŋȡéo gatsimɛ ŋle miamɛ sɔto Jesu Klisto tsiwo kan. ³ ŋle mia mɛ le gbɔdjɔgbɔdjɔmɛ, le vɔnvɔnmɛ, ku tsakatsakamɛ. ⁴ Enyɔn tsinyɛn wo ku kɔnnu ȡéȡé tsinyɛnwo ŋde na djiȡéȡé, vɔ ele ku gbɔngbɔn kɔkɔɛ ku rɔnrɔn, ⁵ nɔn xɔse miatɔ ŋgbe nyin nu nyan agbetɔtɔ, vɔ Mawu yio rɔnrɔn. ⁶ Fifiɛ mi le nuxoxoɔ so nuyan ŋtsi le amɛganhomɛ, vɔ ŋde nuyan xixéɛtɔ alo gahohoɔtɔ tsi va yi. ⁷ Vɔ mi le nuxoxoɔ leenuyan Mawutɔmɛ, nyawo wlawla Mawutɔ eleŋkɔ kanfukanfu miatɔ. ⁸ Ese ȡe ŋde le xixéɛmɛ yi ȡo nuyan tsɛ, ȡo nɔn wo mɔnnudjé ŋtsilɔ wo da kan axuetɔlɔ le kanfukanfu yetɔmɛ. ⁹ Vɔ letsi yi hlɛn hlɛn ȡo,"enu makpɔ makpɔ tsi éto ȡe ŋde seo, gbɔngbɔn ȡe ŋde buikpɔ, enutsiwo yi Mawu daȡɛ nɔn mɛn tsixué lɔnuiwo. ¹⁰ Etsɛwo nyin enu tsi Mawu ȡefia to gbɔngbɔn yétɔmɛ. Ðo gbɔngbn djéshi enuwo kékéɔn, kaka djé tsitotsito nɔn Mawu. ¹¹ Ðo Mawu djéshi bukpɔ agbetɔtɔ sɔxu gbɔngbɔn? yi ŋtsi mɛȡe ŋde djéshi tsitotsito Mawutɔ sɔxu gbɔngbɔn. ¹² Vɔlɔ mi ŋde xɔ gbɔngbɔn Mawutɔ nɛn mia nyan enu yúi tsi Mawu nan mi. ¹³ Mi le nuxoxoɔ so énuxɔ tsi tsimia nuyanyan ŋdetɛnuɔ akplamɛ, vɔ gbɔngbɔn kɔkɔɛ la kplan yi gbɔngbɔn kɔkɔɛ la ȡé enyɔn gbɔnbgbɔnmɛtɔwo to gbɔngbɔnmɛ. ¹⁴ Amɛ gbazatɔ ŋde xɔn gbɔngbɔn kɔkɔɛ Mawutɔ, vɔ mɛn tsi ŋde nyanulɔ. ŋde kpeŋtsi anyan gbɔngbɔn mɛnuwo. ¹⁵ Nɔn mɛtsi le gbɔngbɔnmɛ nɛn djronuwo mɛkpɔ, vɔ ŋgbe yigɔnmɛ nɔn ehuɛdonanmɛ amowotɔ. ¹⁶ Mɛn tsi dji la djeshi gbɔngbɔn Mawutɔlɔ, nɛn bɔiɛ? vɔ mi ȡo gbɔngbɔn Klistotɔ.