¹ Pɔlu, Jesu Klisto yɔɛ to amɛnɔn veve Mawutɔmɛ, ku mianɔnvi Sosthene, ² Nɔn Mawu yi tsɔtsi tsi le korinti lɔ. mɛtsiwo jesu Klisto djraȡo nɔn wa nyi amɛ kɔkɔɛ ku amɛtsiwo yinɔn miaxuétɔ Jesu Klisto yio nyinkɔ le tehue ȡékpikpimɛ. ³ Nɛn amɛnɔnvévé ku ŋtsi fafa Mawu miatɔ ku axuétɔ Jesu Klisto gbɔ nɛn nɔn anyi kumi. ⁴ ŋlé ŋtsi kɔkɔɛ sɔ kɔ nɔn Mawu tsi nyi gasiagamɛ sɔku ȡoamɛnuveve tsi Jesu Klisto sɔ na mi ŋtsi. ⁵ Eylami le nuwo kékéɔnmɛ, le nuxɔ xɔxɔmɛ ku enu djédjéshimɛ. ⁶ eylami sɔ to kunuȡeȡewo dɔ tsi Klisto wa to mia dji le nyawo mɛ. ⁷ Vɔ lɔ, gbɔngbɔn mɛ nu nana wo huédomi, shibe le tsi mi le étenɔ wɔ véviȡe kpɔ mia xuétɔ Jesu klisto yio ȡeȡe fia. ⁸ Ela do ŋsɛn mi kaka sɔyi vɔvɔnu. Le nɛn nɛn lɔ wo ŋda kpɔ enyiɔ ȡé so mia ŋtsi le kodjoȡo gbéwo. ⁹ Mawu nyi djɔdjɔɛtɔ, yɛ tsi yiɔmiva ȡeka wawa ku eviɛ Jesu Klisto tsi nyi mixuétɔ. ¹¹ ŋle ŋsɛn domixɔ fifiɛ nɔnvi ŋsuwo ku nyɔnuwo, le axuétɔ Jesu Klisto tsiwo nyikɔ mixɔ, yi mama ŋdégbelé mia mɛwo. ŋle mi tutuwɔ be mia nɔn du le gbɔngbɔn ȡékamɛ le susu ȡékamɛ. ¹⁰ Ðo ŋsé le kloé tɔwogbɔ be adjré le miamɛn. ¹² Fifiɛ ŋdi be makɔ enu tsɛ mɛn nɔn mi:"nɔn amɛtsiwué le totowɔ be, nyiɛlɔ Pɔlu ŋlé", "alo Apollosi dji ŋlé", "alo séfasi dji ŋlé"," alo Klisto dji ŋle". ¹³ Klisto wɔ ȡé ema yiwɔa? wo kan Pɔlu ȡo ta nɔn mia? wo nyrɔn mi le Pɔlu nyikɔ mɛ? ¹⁴ ŋdo akpé nɔn Mawu be nyiŋde nyrɔn amɛȡe le mia domɛ, nɛn glo Krispus kuGarus. ¹⁵ be mɛȡe nɛnva tobé wo nyrɔnyé lenyikɔ tsi nyɛn mɛɔ. ¹⁶ (ŋnyrɔn stéfane woxomɛtɔwo kékéɔn. To vo nɔn xɔlɔ nyi ŋde gbe ȡoŋkuvi be ŋnyrɔn amɛȡeo). ¹⁷ Ðo Klisto ŋde ȡɔ dandan be ma nyrɔn amɛwo ȡo tɔmɛ, vɔbe ma do ayɛn nyuiɛlɔ, ŋdé kuȡo amɛ ŋtɔ nu nyannyanwo. Be Jesu Klisto yio tsi sogalɔ ŋsɛn nɛn ȡéledjio. ¹⁸ Nɔn amɛtsiwué le kukuwolɔ, atsisoga nyiɔ nyinɔ enu ma nyia le woŋmɛ. Vɔl! lé mia mɛ, mɛtsiwo Mawu xɔna , éxɔ nyi Mawuwo ŋsɛn le wogbɔ. ¹⁹ Ðo wo hlɛn bé "nan gban enu dje shitɔwotɔ. Na tsa ka enu nyia tɔ nu nyia. ²⁰ Fié amɛ nyanuɔ lé? fié amɛ tsi séwoma lé? alo mɛtsi wuanɔn xixémɛ nyɔnwo lé? Mawu ŋde sɔ enu nyan xixémɛtɔ trɔ zuɔn ehalo? ²¹ so kaka gatsimɛ, xixé le yio nu nyan nyan mɛ gbe nu lé Mawu gbɔlo, Mawu tsan be yia ȡé yéȡe kifia amɛtsiwué be nu ma gan nyiɔ wo mɛ. ²² Jufu wo biɔ djéshi kpatsawo, Grɛki wo le enu nyan dikɔ. ²³ Vɔ miɔwo mi le Jesu kan kan djrakɔ, enyi gbedoȡa kpatsa nɔn jufu wo alo nu ma nyan nɔn grekiwo. ²⁵ Vɔlɔ, nɔn mɛ tsiwo Mawu yiwɔ , jufu ku grekiwo mi le Mawu ŋsɛn ku io nyia djrawɔ. ²⁴ Ðo Mawu ha djédjé enyɔnwu agbetɔtɔ yi ŋsen ma ȡo yétɔ esɛnɔ wu agbétɔtɔ. ²⁶ Mi xɔse nɔnvi^ŋsu ku nɔnvi nyɔnuwo be le mia mɛtsiwo woyio mɛlɔ amɛ su gbɔ ŋtsilan mɛ nuwo, amɛ gangan su gbɔ wo ŋde lé miamɛo. ²⁷ Vɔ Mawu sɔ nɔn xixé mɛ nu nyantɔ wo. Mawu sɔ nɔn amɛ tsiwué ŋde ȡo ŋeɛn dé kpikpi lé xixé mɛ sɔ tsa ka nɔn xixéɛmɛ nu nyantɔwo. ²⁸ Mawu sɔ nɔn enu vitun kui tsi wo gbe lé xixéɛ mɛ ku do enu ma ȡi nuwo sɔ glé nɔn tsiwué nɔn sébé wo ȡo ŋsɛn domɛ. ²⁹ Eva xɔwɔ be amɛyi ȡe ŋgbe va kɔ ȡekiɛ le ŋmɛ nyio. ³⁰ Kuȡo ŋtsi Mawu wa, fifiɛ mi le Jesu Klistomɛ, tsi trɔ zun enu nyan Mawu tɔ, djɔdjɔɛ mitɔ, kɔkɔɛ miatɔ kudo mia xɔnamɛtɔ. ³¹ Shibe letsi wo hlɛn xa, "mɛtsi la kpɔ ȡekiɛlɔ nɛn kpɔɛ le axuétɔlɔmɛ".