¹ Kauso mu anandi geɗo muni ana shaida biyaiyo zugonsu matno, ma kada mu damte kammu bu. ² Eri ɗo le ngoi yiya zof a ka banonnikuyu kika ka ai zina,ke ɗo ko hafte si. ³ Kika le si Kiristi ndalta kanni bu, me konta shida yo turanko, "hulii yo ma'ato ya'ku shafto mento kanno. ⁴ Me eiyo turanko,"tinki onzi turanko si ɗo shutemu, ɗo mu ɗeyi tong ko habri ki ngara tili shida yo lalauna anshmu muɗeyi ki zoha tili. ⁵ Kauso Ndeyi ana habri ki ngaryak tili onku ɗeino lahiya ki sha'en ku kit shida yo Kiristi Yeso. ⁶ Ngu e ka a ki sha en ku ki tili moɗi ngu nama kah ki bo moɗi ki Ndeyi boti Yeso Kiristi. ⁷ Kika ka a biska sha enku, kit shida yo Kiristi biska nguni, ɗo ngu nam ka Ndeyi. ⁸ Me nen anshenku kristi ramta ngaru ana ɓato kika tama jire Ndeyi. iko ka a ɗo tilimu mantitik ngara eni ki gem boti, ⁹ algi nama ka Ndeyi kika jikyayinni. Kit shida yo tureno, "Kika ka a ni kunneko hotok algi ni ina arkok kunna sunko." ¹⁰ Har kauso a anshe ya' kuyu, "Nguni algi ki biya." ¹¹ Har kauso, "Kunnak bomu abano, shafku algi; eri ɗo shafki biya a ini kunani." ¹² Har kauso, Ishaya anko, "zuryak Yesse, yo'to hetetu a ina mene ka algi. me algi zoha tili kanni." ¹³ Kauso Ndeyi yo a mokshe zoha tili a ngamta tilinku ki kuyu ki ɗeino lahiya kika ona jirekku, ɗo ngu zof tili ka geɗo Kelui Bu'uno. ¹⁴ Ne guda kanno ni yardinno ki nguni yageneno, ni yardino ki nguni ngu ngamno ki goodness ki mantu. Ni yadinno ka ngu gitik zoha kola ida zehe. ¹⁵ Me nen turekuti aka shida eni ma'to ɗo ngu tunge, kika shada onom yo Ndeyi ino ¹⁶ onom woiye waglino ngaru Kiristi Yeso sartu gem algi, wagle kasu ina ruta Ndeyi. ni ina ka a kika onom ki algi ɗeyi biskeno,mmate hagkali gem kelui bu'uno. ¹⁷ Eri ɗo heterenoi tong Kiristi Yeso aka ruta Ndeyi. ¹⁸ Menen ina batimo ni e enibu kaba eiyo Kiristi iko ngemano a be'i zoha hafte uhe ki be'i eni ki ruta, ¹⁹ Ki be'i geɗo rutani ki et dobo ki et monmoni,ki mene kelui bu'uno. woi zalko Urushalima, ki lehento har amok Ilirikun,ni ishe eni Kiristi le to miya. ²⁰ Ki billa woiye, ei bo tilino ni nda ɗo ni'e eni Ndeyi, a be'i yo damɓoko kola sun Kiristi bu,kika ka'a ni zeshe salino aka yo ngoi yo'to. ²¹ kit shida yo tureno: "Biyaiyo damɓako kola suni bu ndati ngu moi si, biyaiyo damɓa ko kolshe bu zuni ganiti." ²² Kika ka a katim ni wakanno dishe gemaku. ²³ Kauso me, andi kine lardii yo'to ki nennobu , sani tim ni ngar ko tilino ni ndalon ditu gemanku. ²⁴ Mele eiyiya yo ni bo'ita, ni zofshe tili ka moya nguni na gonno geɗe, ki bei na meno lahiya ²⁵ Me kauso gonno urshalima ni kunnak ana ɗafshe. ²⁶ A ina zina gem biyai Makadoniya ki yo Akaya kol zei rutansu tintil ana mure ɗafhsei yo a Urushalima. ²⁷ Ki jire zuni kolan ko zei ishe ka aiye, kika konta guda kasu. Ɗo kit tinki onzi algi yoko ɗeino ki zuni aka aka rutan sui yo tong Kelu, kika zuni ke a isu ki karei yo tong dunya. ²⁸ Kika ka'a, nan nan ta kakko woiye ni onsu tik karei tisheiye, ni haɗa ki gemanku. ²⁹ Nen manoti, nandino gemanku ni ditu tong barkak Yeso Kiristi. ³⁰ Kauso ni ɗonsha nguni, yageneno, a tong sun bomu Yeso Kiristi, ki shida ndaltu Kelui bu'uno sauwa ne e ki ɗonshu gem Ndeyi a kanno. ³¹ Ɗonshai aka ɗo ni watik kanno ki nge ana kuɗe jire ma tong Yahudiya, aka rutano moktik le tiya tong urshalima, ɗeyi biskeno gem ana ona jire. ³² Ɗonshai ni ditu gemanku tong heterek tili ki yardak Ndeyi, ni ɗeyi zuk zehe mu'e huti,ki nguni. ³³ Ndeyi a ona ɗeino lahiya ɗeyi zuk zehe ki nguni shafku. Amina.