¹ Yeso ruko tong gerei, tansha, n dunni banani. ² Moishe nzuni, mokini ngoi sureni gendeno ka bushi. Moikok ona jire su, Yeso ankok ngoi surenoi, "lah i kuyu, yahankotik zunhukko." ³ Moishe ana tureshi ananko tintilsu, " ngo woi sabtinni. ⁴ Yeso manotik dibnasu me ta, "ki ka miya ngu dibshe ei disa tong tilinku? ⁵ Yiya kahuru a ani ta, yahankotik zunhukko; ɗo ani ta, 'hinɗi ko e marshe? ⁶ Kika ka,a ngu mantiti ta lah ngo an geɗo tong dunya ɗo yahe zunhu,..." si anko ki a sureshi, "hinɗi, ko nam bushikko, me ko go bano." ⁷ Moishe ngoi hinɗa hata gonni banonni. ⁸ Jajum yo algi moyanko ka a, nzuni yak saba a namshe ka Ndeyi, kit shida yo anko geɗo ki biya. ⁹ Jajum yo Yesu geɗa ki wondi, moiko ngo suni Matta, a ɗeino a ruta bei biska ngalana, "Si ani ta, ɗafti ne,e." Si hinda moishe ɗafko si. ¹⁰ Jajum yo Yesu ɗeiko tishi tong bano, moishe tim ki ana biska ngalana ki biyai anan zunhu ndano deiyin su ki Yeso ki majirakuni. ¹¹ Farisaku moyanko, n zuni enik majirakuni, "kika miya malumku tishe ki ana biska ngalana ki biyai ana zunhu?" ¹² Yeso kolko ka,a si ta, "Biyai anandi lahiya tong zugo a barta uska bu, kaba ana golla. ¹³ Ngu go mange 'ya woi dongo, ne'e men nda jikyayi biya sadkabu.' kika nen nɗino, ɗon weshe ana jire e bu, kaba ana zunhu." ¹⁴ Moishe majiraku yahaya ndano gani ta, "Kika miya Farisaku golshe kizi, me majirakunko golshe ki kizi bu?" ¹⁵ Yeso ansu ta, "Ana rutababno a ɗeyak yabtenok til I bu do na mizi markoi a wonɗe? hotito isno yo a namtik mizi markoi e ki gyemansu, a wonɗe nzuni gola kizi. ¹⁶ A n ngoi a ola guzur suɓa ka yo hoyo bu, be i yo takrenoi a takritik suɓai e, ngu ina yelu yam. ¹⁷ Biya me a zalshe ham yo inabi a tong jero jamjam bu, na nzuni 'yanko ka'a jamjam a hoyisu ham inani a zaranni. Jamjamiya a yabtisu. kika ka'a nzuni kas ham yo hoyo shafsu." ¹⁸ Yeso zuk anshensu 'ya woi ,shafni, moishe a nakko dino kuba domni. Si ta, "Ba'ano kauso ka a matito, me n diti ko zeto sara kato, te watik zau." ¹⁹ Yeso hinɗa nami ɗaf si, me ki majirakuni, ²⁰ moishe, mandus so a kashe dom sanito dirbolo, ndinok beini sab godoni 21 Te angkok guda kato, "Nan safko gadanni, nen darinno." ²² Yeso wakla moishe moiko te, me si ta, "Ba,ano shi damte bu, ono jire shi darintishi." ke mandus darito. ²³ Jajum yo yeso n dino tong ban anako, ana buya mele kidahik algi kaba hafta ɗolya ɓaɓa. ²⁴ si ta, "hata hena kika las matno bu, me te a monsom." me nzuni a zurshe si a tong bokshi. ²⁵ Jajum yo algi hetensu hena, si ruko tong bi, namko te ki sarani me las hindito. ²⁶ Somos ruto tong eli. ²⁷ Yeso gaɗak wonɗi, makumshe bolo ɗahano si. somanko lula anshe ta, "Kol jikyayimu, Lah Dauda!" ²⁸ Jajum yo Yesu dino tong bano, makumshe dano gyemani.Yeso ansu ta, "Ngu onankok jire nen itik woiye?" n zuni lafni ta "Ka,a, Bomu Abano." ²⁹ Yeso safko idansu ani ta, "Eri ɗo ɗeyi ka a aka ona jiretku," ³⁰ Idansu ahanni. Yeso nza kumansu yam ansu ta moyai an ngoi a mante 'ya woibu." ³¹ Me biya bolo ndano zal anshe tong lardi. ³² Do makumshe bolo donshu kaba mokini mbumban. ³³ sinkau ye hatnni bumɓag iko eni. Algi hante saba woi e damɓak ishe tong elik isra'ila!" bu ³⁴ Me Farisaku anshe ki geɗok ona mene sinkau, hoko sinkau." ³⁵ Yeso duko tong gabani nakshi shafki mimi,i. A shutansu tong ban Ndeyi, a anshesu eni ban Ndeyi. a daranta lei shida gollai yiya. ³⁶ Jajum yo moiko algi, kolkok jikyayisu kika a tong damto, ɗeyansu kit temkakui an ana de'i bu. ³⁷ Moishe anankok majirakuni ta, "nzunko tim me ana ruta shim. ³⁸ Ki bo ka'a yaklou a ɗonshu boti abano zunko a sarne tu ana ruta e zunkos e."