KI bei ei woi'e Yeso tamko kanni jo ki majirakuni a haushik tibariya. woi shida yo si tamko kanni: ² Simon Bitrus ki Toma yo a wunda si ta jonaku a gem zehe, Nataniyal yo kana a hak Galili milla Zabadi ki majiraku Yeso bolo. ³ Siman Bitrus ansu ta " ne gonno ngaftu kerwo" nzuni anita, "muni ke mu gonk koi" nzuni danko rako tong gyarai me nzuni ngahako'ya bu shaf ki beɗi ⁴ Kika shandal Yeso erko bo haushi me majirakui gyanako ta Yeso. ⁵ Yeso ansu ta, bunji, ngu anandi 'yak tishi ɗo? nzuni lafni ta " a'a" ⁶ Ansu ta, ola 'yak ngaha kerwotku a lahai tina yo gyarai, ngu wetik maɗɗi nzuni olanko 'yak ngaha kerwosu me gitagko 'yalla bu ka tim ke kerws'e ⁷ Me majiri yo Yeso ndalta ankok Bitrus ta, ai Bomu abano, ɗo Siman Bitrus kolko ta Bomu abano, si olko suɓani kika si kuntuni si genge nanni tong haushi. ⁸ Majirkui, madɗi ke rano a tong gyari kika hotnsu gerak eli bu, kit tata dalma bolo, nzuni me 'yolla 'yak ngaha kerwo ngamnok kerwo. ⁹ Ɗo nzuni urano eli, nzuni moyanko ru'ya yesi ki kerwo zeno kanni, ki sinakir. ¹⁰ Yeso ansu ta, mokati kewos maɗi song ngahano kauso. ¹¹ Siman Bitrus hinɗa nami 'yolle tu 'ya ngaha kerwoi a eli, ngamnok nashik kerwo 153 shafki timsu 'yak ngaha kerwoi tarko bu. ¹² Yeso ansu ta, nndati naming tadbo. meke an majiri yo dolko si, kok lo? nzuni manakoti ta Bomu abano. ¹³ Yeso dino, namko sinakir a onsu ki kerwos'e. ¹⁴ Woi yo kakunu Yeso tamko kannik majiraku ki bei hinɗanik hak biyo yo matno. ¹⁵ Ki bei tada bonsu, Yeso ankok Siman Bitrus, Siman lah Yahaya, ko da ne'e ko walik ko shaf su? Bitrus anita, "iyi Bomu abano, ko manoti no dakoi," Yeso anita , deiteno tamkano." ¹⁶ Si ani yo ka bolo, "Siman lah Yahaya ko da ne'e Bitrus anita, iyi Bomu abano, ko manotin ndakoi". Yeso anita, i hankalik temkano. ¹⁷ Si ani yo ka kuni, Siman lah Yahaya, ko ɗalono? Bitrus me tilini yabtinni kika Yeso anita ko da ne'e yo ka kunu, deiteno temkano. ¹⁸ Jire, jire ne anshenko dok bunga, ko ola suɓako guda katko kogo shafki bei sok dalo me dok jireko, ko ɗinta saratko, nami yo'oto olko suɓa a nami mok koi be'e sok da dishe bu. ¹⁹ Kauso Yeso anko woi kika ɗo tam shida matoi so Bitrus a ina a namka Ndeyi ki yo si anko woi'e, si anik Bitrus ta ɗafti ne'e. ²⁰ Bitrus wangla ko tiya moiko majiri yo Yeso ndalta si a ɗafshe nzuni, yo moɗi njina genga Yeso a bei tina wo'oto zoni bomu abano a ona koi lo? ²¹ Bitrus moiko si a anik Yeso , Bomu abano ngo woi a ina miya? ²² Yeso anita, " nan dalo si eri kaba mecheno, damta koi miya? Ɗafti ne'e. ²³ Eni woi taɗanni gya baeni majirai a mata bu shaf ki ka a Yeso ankok Bitrus , bu ta majirikui amatu bu. "nan dalo si eri har me metu damta ko miya. ²⁴ woi majiri moikon 'ya mamaye, ki yo tura 'ya mamaye ke mu manoti 'ya mamaye jire. ²⁵ Andi 'ya shei yo Yeso iko. Na shafsu turan ko dunya a mana lalaunai bu.