¹ Ki bebeɗi a ka baɗis so tono a tong sommoɗi, be'i anto ki tutuɗu, Maryamu magadaliya ndino bei bure; moi ko tubangkok goshos ki bo bure. ² Te ndinok jijo ndino gem Simon Bitrus ki majiriy yo Yeso ndalo, te ansu ta, "Namangkok bomu abano ki tong bure, me ke mu manangko beis yo zangko si bu." ³ Bitrus ki majiriy yo'oto hatangko hena, ndako bei bures'e. ⁴ Shafsu 'yako jijo ki zehe; me majiriy yo'to kayatkok Bitrus ke taɗa bo burei ki tono. ⁵ Si joma moiko suɓa malui kasangko gengga si me ruko bu. ⁶ Simon Bitrus ndinok beini ruko tong bure moko suɓa malui kasno wonɗi ⁷ Me jobto boɗa kanni a bei moɗi ki suɓa malui boɗeno bei moɗi. ⁸ ke majiriy yo teɗeno, bo tonoi ruko tong bures'e, moino ongko jire. ⁹ Ɗo tong sommoɗi woi nzuni managkok eni Ndeyi bu ta hinɗinik hak biyai yo matanko ¹⁰ Majirakui mansu bono jo. ¹¹ me, Maryamu me erno bo bure a katok bele; ɗo te bele joma eli a moishe tong bure. ¹² Te moiko taktaka a tong karei yo hetre a ɗeino, moɗi a bo kanni be'i so zako zuk Yeso.Nzuni ananto ta mandu kika miya shi bele? "te ansuta, kika namankok zuk Bomu abano, ken man beis zangko sibu." ¹⁴ Ɗo te anko woi'e, te wangla zugonto a moi Yeso erno wonɗi me te man ta si Yeso bu. ¹⁵ Yeso antota, "mandu, kika miya shi bele? shi barta lo? Te dibshe ta si a deite beis 'e, moishe te anita, " a na'ako, na ko namini hena, a no beis ko zakgo si, nen gon namini." ¹⁶ Yeso antota, "mayamu." wagla, te ani ki boh Yahudaku, "malum," a ansheta a shutu." ¹⁷ Yeso antota, "shi safne'e bu, kika dongo ɗa ɓaɓa gyem Boti bu; me du gem ba'insheno shi ansu ta ni gonno ɓaɓa gem Bono ki Boku, ke Ndeyi no ki Ndeyin ku." ¹⁸ Maryamu magadaliya ndino angkok majiraku, "ni moyinkok Bomu a bano," si anta 'ya woiye'e. ¹⁹ Hoti wonsisk, ki bo zoni, hosi tono a sommoɗi babilo, bo duɓano yo majirakui a hawonniy heno kika zuba Yahudaku, Yeso nfino moishe erko tintil su ta salamku. ²⁰ ki beiyo ansu woiye tasu sarani ki geggani. Majirakui 'yako kuyu, kika zuni moyanko bosu abano. ²¹ Yeso jo ansuta, salamku kit yo Boti sarno ne'e ken sarshe nguni. ²² Ɗo Yeso angko woiye si buisu nesumni ta biska kelui bu'uno. ²³ Shaf ki ngo yo ngu yahanitik zunhuni ke yahaniti shaf ki ngo yo ngu ngafkok zuhuni ke ngafno." ²⁴ Toma modik hak dirbolo a wunda si ta jona ku a wonɗi ki zuni bu jajum yo Yeso ndino ²⁵ Majiri moɗi a anita, mu moyagko Bomu abano," moishe ansuta kaba na nj moiko kusa usa yo tong sarani ni zof kolani a kusa usaiye, nen zofko sarano tong gyagani bu nen ona jire bu." ²⁶ Ki bei sommoɗi horɗo majirakui a gebe jo, Toma ke gemansu, Yeso ndino ɗo bo dumɓi heno, erko tintilsu a ansuta salamku." ²⁷ Si anik Toma ta, mokti kolanko ko moi sarano mokti sarakko ko sahi a gyagano. kada ko ɗeyi a mure ona jire bu." ²⁸ Toma lafko anita," Bono abano ki Ndeyi no." ²⁹ Yeso anita, kika ko moiko ne'e namik onjire barka ka biyai moyagko ne'e bu me onankok jire." ³⁰ Yeso iko 'yak dobo tim a dom majirakuni, yo turako a tong lalauna wonses bu. ³¹ Me turanko woi ta ɗo ngu on jire ta Yeso sine kristi, lah Ndeyi, a tong ona jire ngu we zau a tong suni.