¹ Na zake ŋi Phoebe u wanome ohodo, se manze orere o church se u ra anyimi Cenchrea, ² baka da ŋi kai me ənyimi Aco. Wuza igiya aza u guna eze kima baka ano u yiya birwa, konzen i male me a zale emegeme se mara giŋǝrǝ mi iŋi. Bakan me nan rete a reme mana cikǝ uga ono u giŋərə ti mala ano cebete, konzen immi nan rete a roŋ. ³ I goŋ Priscilla nan Aquila, arene ituma e hoŋ ǝnyimi Yeso Ukase, ⁴ ano ageme se ŋa gaŋ dere ruma reŋe bakan mi. Min ra gusaŋ ŋe koo, konzen dan mmi base ne, baka zale ti churches ti ano ǝpǝn. ⁵ O goŋ church ogome se oze voto nan ətitəu koo. O goŋ Epanaenetus se in barse koo, ono ogeme se manze bi buri bu bura a Asia a ka Yeso Ukase. ⁶ O goŋ Mary koo, ono ogeme se ma wuza ituma gaŋka baka nŋo. ⁷ O goŋ Andronicus nan Junias koo, Reno aroŋ, nan arene inyaŋ ehoŋ. Ŋanze ano ǝmumuru ǝnyimi ituma, konzen ono ogeme se marǝ ənyimi Ukase batan mi. ⁸ O goŋ Ampliatus koo, ono ogeme se in barse ənyimi Aco. ⁹ O goŋ Urbanus koo, ono ituma e hedo ənyimi Ukase, nan Stachys, ono ogeme se in barse. ¹⁰ O goŋ Apelles koo, ono ogeme se Ukase na garan me. O goŋ ano ətitəu Aristobulus koo. ¹¹ O goŋ Herodion koo, Reno aroŋ. O goŋ ano ətitəu a Narcissus koo, ano ageme se ŋa ra ǝnyimi Aco. ¹² O goŋ Tryphaena nan Tryphosa koo, ano ituma gaŋka ənyimi Aco. O goŋ Persis ono u barsa koo, ono u wuza ituma derte ənyimi Aco. ¹³ O goŋ Rufus koo, se a zaka ənyimi Aco, nan əyinu o home nan mmi. ¹⁴ O goŋ Asyncritus, Phlegon, Hermes, Patrobas, Hermas, nan ayeno ogeme se ŋa ze nan ŋe. ¹⁵ O goŋ Philologus nan Julia, Nereus nan oyeno o home, nan Olympas, nan zale ano u yiya birwa se ŋa ze nan ŋe. ¹⁶ O goŋ adaŋara ano me koo u ti barsa isana ti saŋsaŋ. Zale ti church ti Ukase ti ra gusaŋ ŋi koo. ¹⁷ Wagiya na ŋuna ŋi, ayeno, wuza ni adodonzo aza ano ageme se ŋa ra rasa nan epe u warna nan upikəru. Ŋa na waka isana obezezze ogome se ŋi wa wuza ŋe me. Suru ni ənyimi a haŋe. ¹⁸ Ano uga nane dan ŋanze ano wuza re rere ra Aco Ukase o hodo ne, se i tipuru a teŋe. Nan isana agaŋgaŋ a haŋe a lellen, nŋe a waŋara iruwa iwa ano u dira u ruu iyabo. ¹⁹ Uga nane se ŋi ra tarse me ina ka deŋe ku əvi. Na wuza izalla, baka nane, na a muru aza ǝhəŋi, raa barsa u huŋi da ŋi cikə nan rekese aza egeme se eze iwuma, konzen i cikǝ alakere aza egeme se ita reze iburu. ²⁰ Ədəshəri ashammo mara a shishika shetan a maro tuva ta atau a hame. Da ogwene o Yeso Ukase Aco u cikǝ nan ŋi. ²¹ Timothy, orene ituma ehoŋ, mana guna koo, nan Lucius, Jason, nan Sosipater, reno aroŋ. ²² Mmi, Tertius, ono ogeme se manaa darsa ere igiya, naa goŋ ŋi koo. ²³ Gaius, ono u məntə o hoŋ nan o church me kweren, ŋara gusa koo. Erastus, ribiŋa ra ape reme, rina goŋ ŋo koo, nan Quartus oyeno. ²⁴ Ogwene u Aco Yeso Ukase u cikǝ iŋi kweren. Amen, Amen. ²⁵ Wagiya ono ogeme se a nin iza me anze Mme ono ogeme se mana ŋuna ŋi etore baka u yisu nlen ŋa maŋ nan u biyǝ nlen ma Yeso Ukase, egeme se ə bursi se iwaze nan u pate nan u dakano. ²⁶ Wagiya konzen anaa bursu, eze ǝnyimi udarsa ere iwa tuma se ǝpǝni a zale te pee pee, baka ubuku Ədəshəri a suŋ, aza u tarse eboze u yiya birwa. ²⁷ A wame base Ədəshəri Okese, ənyimi Yeso Ukase, cikǝ nan u ziya o hoi a waŋa suŋ. Amen.