¹ Dih nkansighin Par puus nook khi Naan, ndhi yaksi mu del npuus wu nshe, Maryamu Magdaliya nih khi Maryamu wukwah feh mu ji nphe naa tughun wum. ² Dang bhi, yil sighin bal-bal, npeh ndih ngu lep khi Naan tong khitingnaan, sam vee/bet pang fe shin ba, yaghal tong khi dhel fe. ³ Yit muk deh a khipe ndhi a peh milap si, yaghal leh khimuk piya a khipe daghar si. ⁴ Niyen tap khi phi peh mu dam khi lughut yaghal mu deh a khipe kum si. ⁵ Gu lep khi Naan sat nshorop fe mu nna, "Tap nlughut tih gun, nphe ndhi a man ndhi gun phi tang a Jesu, ndhi mu pwas nih kihdel shep. ⁶ Nih nbih si ma, nphe ndhi yaghal gwe, khipe ndhi dok sat si. Ji gu naa peh ndhi dok mu den Nda dih. ⁷ Gu mwan la-la deh ngun gu sat njep kam khimuk dih ndhi, 'Nih yaghal gwe nnaar niyen ndhi mu duwam. Gu naa, nih deltighim gu gwe khi yar yah nGalili. Nbhisi bhi gu naa nih.' Gu naa, an a sat ngun." ⁸ Shorop si mu yit khisher/tuhun wum fe dih lala/bir-bir khi lughut shin khi ret nyit, yaghal mu sho wak nphe sat njep kam khimuk mu dih. ⁹ Det bhi, Jesu kaat phimu dih nbhisi bhi sat nmu nna, "A tal gun!" Shorop fe mu ji, mu yak kwak muk yaghal mu dikyil nnih. ¹⁰ Bhi Jesu sat nmu nna, "Tap gu nluwghat ma. Gu mwan gu sat n'emnighin nih mu deh nmu wak yah nGalili dih. A dih nbhisi bhi mu nphe naa an." ¹¹ Ndhi shorop si mu phi del, det bhi, pak niyen tap phi peh mu del nJerusalem yaghal mu sat nniyen shiitnaan wu nan mu bih ndhi taa khiding. ¹² Ndhi niyen shiitnaan wunan mu shin kaat khi daskaham yiil mu bhi mu pring bilip fe phi shak khimu, bhi mu shin shaghal ndhi mak peh nniyen tap phi peh (soja) fe mu. ¹³ yaghal mu sat nmu nna, "Gu sat gokshi gurum mu gu lhi, 'jep kam khi Jesu ji mu mang kum fe nwat nlhipar ndhi sam mang mun.' ¹⁴ Kat bhilip si taa nkom long wuyon, bhi mun nphe man bih ndhi mun nphe sat nih deh nbhizung muk sam ter dih bhi khi shin meh bih ngun ma." ¹⁵ A si bhi niyen tap phi peh/soja fe mu lap shaghal fe yaghal mu shin khipe bih ndhi mu sat nmu si. Dung ndhi si kaat peh khinaar Yahudawa mu yaghal nih a phi deltighim det mwan ji wul shinih. ¹⁶ Dang bhi jep kam wu sar po khime si mu mwan yaa nGalili, khi peh pang ndhi dok Jesu sat nmu. ¹⁷ Ndhi mu naa nih, mu dikyil nnih, dang bhi pak mu phi tankoo. ¹⁸ Jesu ji nder mu yaghal sat bhilip khi mu nna, "Duk-duk yon ndhi khitingnaan khi ndhi ndighinyil bhi mu shin n'an." ¹⁹ Nphe ndhi a si bhi gu mwan gu kat jep kam mu n'an khi dhighinyil si khiding. Gu shin baptisma nmu ndighin sihm ndih nih a mhi Nda, khi La, yaghal nbut Riin Wubang. ²⁰ Gu kam nmu deh nmu loghot khi bih mu khiding ndhi a lhi a tiit ngun. Gu naa a, an nphe wet nder gu shi-bhit shi-bhi, mwan ji rhi nlat khi yil."