¹ Azwi hwe wen itan hu mbe ukin kaiswen mbe atko Maryamu Madagaliya re Maryamu nagyen bo na ebu de umui mu. ² Tei dede, ikihwe gigyi kagyi ine,etki na Malaika mbe Ukachan zu akpo subo a gan mbezi Uchen kagyi hwen banzi fen a mbe ichi hwe etki mbo. ³ E na dide mbo ra zu enigyi, ambi vo igyi mbo kye hwe ze echu ma. ⁴ Eba te igyi ten ken afuken dow te zena a hon ma. ⁵ E Malaika yon aken a she yonna, "Niti ken na afuken'e, Ngyi aken eni ra don Yesu, na a mba ken ikan ma. ⁶ A hwa ate, a shi yun re, tan mi afu yon ma. Ni bo de azwi e ba mi idi dow mu ma. ⁷ Nmuine ni so ka she abgu enyen mbo bra, ' A shi yun re azwi eba fure ma. de, a kaiswen mene so re Galili. Ana re dzu ebwa re do. De, nshe re ne." ⁸ Eburo ten nmuine che to azwi umui hwen nken afuken re utsu nten, e don azwi eba hwan abgu aten mbo ten. ⁹ Yesu re tsu ebwa ufu'u a be ino, azwi ede ken ahwe ibu ma e che bo tebun mbe afkan mbo, ¹⁰ " Ni ti kyenna afuken. ni ka she befgini mi bra e bun ufu'u so Galili era dzu ebwa re den." ¹¹ Azwi eburo ten bun ufu'u ra so ma, eba tegye igyi ba ekpue dow dgen umuin ma ka nken uten e ka she Uhwesi ambi ba vo ten kata. ¹² Azwi uhwesi re bakagyi ten fun e yon aken regue etki ambi ten ma, e bun mbe asho kagyine ke ba te igyi ten ¹³ e she yonna " ambi eni she enyenhwe ma yonna eba hwan aten mbo bra bo uchuchu azwi ira dow edo ma ebu zwi mbe zi igyi mbo.' ¹⁴ Nke aken ma ka enyetkun mbe gon, ira mbe aken ugyen ghato are ka ati mbe edan ugyen ne de enea," ¹⁵ Eba teigyi ten kpe mbe asho hwen ezi vo ambi e she ma. Ashe eden hwe gban nken mbe Yahudawa bra bo ukin na ten. ¹⁶ Eba hwan ambi abgu mbo ten bun ufu'u so Galili, etki ihwen na Yesu she ma. ¹⁷ Azwi e da ma eka bwen ikihwe ken etki ka, ebagyen nken mbe ta kpea ino yon Ibua. ¹⁸ Yesu sku bo azwi mbe a she yonna "Kata mbe ekie na attan re na ikihwe e mbe kenen. ¹⁹ Ni ka so ni ka tan enyehwe nken mbe eswi uten ke ni vo re baptisma nken eben mbe Atta, re Imba, re na mbe Nvun kikye ²⁰ Ni hwan tsun ke eba ambi ba nhwan ene ma kata. de, nne hwe igigye, ka bu nhwen mbe azwi iginghy."