¹ Ndi hwen azwi kye nsken, kata mbe Uhwesi re bakadyi mbe bra gye unu na e bwan mbe Yesu. ² E te mba, emba yun ka ke Bilatus na fu hwe e gon ma. ³ Azwi Yahuda Iskariyoti, de yon uzwen igibo etan e hwan uhwefukere yesu ma a kpu atkun, mbe ambi izwi mbo, abe asho fu ka ma nghato ka so azwi uhwesi ⁴ ayonna ndan re na nmbe e nyen voa edan kpenjima." E sha yonna " ibu re wuna ba aken mu, abi aken mi hwa fun? ⁵ A mbe asho mu se ere nke ikp mbe Ukachan a buzi aka kya bwan mbe egyo. ⁶ Uhwesi ton kpu sho ten a yonna, " sigyo na i mbe asho se nken azwi dgen asho, ken a hwe asho eken." ⁷ Eba yon re egye embe asho mu ka kpen azwi na e hwe ndgi eba ken mu. ⁸ Etki ino era tan azwi mu yonna " azwi mbe eken" bo ukin na tenhwen. ⁹ Nino aken mbe annabi Irimiya yon hwe ma bo uzwen, " ekpu ini asho, ihu mbe na biski Isrila fu vo etsu etki mbo muma, ¹⁰ kpen azwi eko re do, azwi Bami-idi ken uvun ma." ¹¹ Ndine hwen Yesu sen hwe ikiswn mbe gon, e gon ka yonna "abu hwe uhwe mbe Yahudawa?" Yesu ra yonfi,"azwi U yon ma." ¹² Azwi Uhwesi re bakagyi ten kpen edan mbo ra se ma are fkofia. ¹³ E gon nghauchi ka kya " u fkan hwa edan na ekpen ra se etki mbu hwen?' ¹⁴ A kpu yon fia re aken ugye re dea, ambi mu kya kpu e gon eningyi.K ¹⁵ Ka ma biu re eten hwen e gon fkun mbe enyen mbe ugyen na e ma chon re ra ke. ¹⁶ ufon imi hwen efu mbe enyi tkike ugyen chu hwe eben mbo yonna Barabbas. ¹⁷ azwi ebu funre ma Bilatus kae yonna, " enyen eni ra don nfkoto are ma aban? E Barabbas fen Yesu na era tan yon Krisiti?" ¹⁸ Ken agyi ken ebun mbe Yesu bo ka etki ize. ¹⁹ Azwi a hwe re etki azwi hwe kpen ehwan, ugho tkun ichun ka ka yonna " ti cho hwa enye wuna abgu igyie ken nka udda re do uchu naten hwen etki mbo." ²⁰ Uhwesi re bakadyi ten dgha to enyen ba fun te muma yonna eka to Barabbas re, ke a mbe Yesu bwan. ²¹ E gon ka yonna, " nken mbe ifan ten nto nani re?" e yonna, "Barabbas." ²² Bilatus she yonna " ambi nna vo re Yesu na era Tan Kirisiti ma ekon.?" kata e mbe uvun attan " mba ken ikan." ²³ E kae "etki ekon eddan mbo ekon" enyenten tke uvun " mba ken ikan." ²⁴ azwi Bilatus de akya voaka re de ufia ma, ken e gyu mbe ra tore aken gyu-gyu, ake e mbe enuben ka a sa mbe abgu mbo ikiswen, a yonna, "Nhwe ma re abgu ze eken mbe enyen hwena na hwa re edan ugyen, a te ra azwi mene." ²⁵ kata mbe enyen be te muma kpe ino yonna, " eken mbo a hwe etki mi re biski mi." ²⁶ A fko to Barabbas ke, ake fkon Yesu ama'a a mba ke yonn aka chu. ²⁷ Azwi kan eba degye igyi mbe gon mba ka nken idi gwamnati e tan fun kpu eba chuto kata mbe. ²⁸ E ten kpuzi ambi voigyi mbo ekpu udan ambi vore igyi. ²⁹ Eken swambe izwii mbe ken re etki ze ambibwetkiuhwe ma, e mbe utsun te ra abgu ji. ekin kpu kedzun se ikihwe e ken etki ka era skan re yonna " ivun uhwe mbe Yahudawa!" ³⁰ kama dnare etki ufi -re ufi. ³¹ Azwi e skan zwe re iskan mbe ma ten kpuzi udan ambi wuna ekpu ambi voigyi nambo vo kyare, akinmba bun ufu'u so azwi na emba ra ken ikan. ³² Azwi e biuzi bo ma eko tsu enyen ugyen eba Cyrene eben mbo e siman, na bun nken mbe idzun e ka tken mbe ikan hwen a bwere. ³³ Tetete bibiu azwi era tan yonna Golgotha, na ini mbo yonna "azwi afuetki." ³⁴ E mbe ezwen ndghon re uwon ka vuo. azwi a mode ma ase naara vuo. ³⁵ Azwi e mba ken to re ma, ekpu ambi voigyi mbe ka regye, ³⁶ ete mu do ra dgen'a. ³⁷ Etki mbo e bambe ufka bahe mu na yonna "A hen Yesu uhwe mbe Yahudawa." ³⁸ E kpu eba uzwi ifan, ugyen ishina abgu ji nagyen abgu swe. ³⁹ E ba kyun vonra zi kyua atku, era vgun etki ⁴⁰ era yonna "abu enyen fu yonna a be bgan ikpik mbeUkachan nken ukin ita u take , fkazi etkiegyo! ke uma hwe imba mbe Ukachan pe zubo etki ikan " ⁴¹ Azwi uhesi bra re eba ba mi re bakagyi, bra skan re nino, yonna ⁴² " afkazi e baufi a fka etkigyo. A hwe Uhwe mbe Israila. Ka ama fkanzi sibure etki ikan, ira so uzwen azi mbo. ⁴³ A mbe ikube mbo ke Ukachan hwe, ke Ukachan mu a fkazi naten e ke ide. A ra yonna ' ame nhwe imba mbe Ukachan."' ⁴⁴ Azwi eba uzi ba ekpue ken ikan re do ma skan mere, e kyua nino. ⁴⁵ Ichufu to tan Ufon na itegyen ka biu ufon na iteni. ⁴⁶ Ufon na to iteni, Yesu kpi ino re uvun keke a yona "Eli, Eli, lamasabathani?" na ini mbo yonna " Ukachanmi, Ukachanmi, ekon vo ke utobighan nyifun ken?" ⁴⁷ Eba temu ma fkan ambi ara yon ma, e yonna " ara tan Iliya." ⁴⁸ Nmuine ugyen nken mbe che aka mbe uji sa ambi te zwi uti ahun shi azwi eswen uwon, mbe ka ka a vuo. ⁴⁹ Eba chito yonna " ko igyi re do. ihwe ki de azwi Iliya bu fskazia mu." ⁵⁰ Yesu mbe kya uvun attan a kpi ino chito ugyon mbo re. ⁵¹ Tidede, atikpo kagyi na efu mbe chiken to azwi na kikye ma tan koto ifan. ⁵² Umui ifkine fko to igyi mbe enyinhwe ba fu fure ma shi yunkya uhwun. ⁵³ E zubo eka nken uten kikye e ko tsu enyinhwe ifkine, azwi Yesu shi yun etki umui ma. ⁵⁴ Azwi e bakagyi soja hwen de ambi ba vo bwan ten a ken afuken e yonna " uzwen a hwen imba mbe Ukachan." ⁵⁵ Buro ifkine ba bwe Yesu yun Galili bo ma te dzwan fen era de. ⁵⁶ Nken mbe e Maryamu Madagaliya, Maryamu aya mbe Yakub re Yusufu, re ayya mbe ibumba mbe Zabadi. ⁵⁷ Azwi ukin udgo vo ma, enyen ugyen hwe re ambi abgu zi Armatiya eben mbo yon Yusufu, ibu ben a so uzwen he ze Yesu. ⁵⁸ A ka so ikiswen mbe Biltus a ka bgu ka ambe igyi mbe Yesu ka, Bilatus kpi ino a ke uvun yonna e mbe ri ka. ⁵⁹ Yusufu mbe igyi mu a bwe mbe ra udan atukpo itin, ⁶⁰ a mba ka dow nken umui ififi na mbo na e kyu nken utku. akin gan mbe uchen kagi mbe chiken to unuswen mbe umui. ⁶¹ Maryamu Madagaliya re Maryamu nagyen una te azwi eki temu ma. ⁶² azwi kezi, na ukpen mbe ukin kyakya, Uhwesi re farisawa, fun te ikiswen mbe Bilatus, e sha yonna ⁶³ " Bakagyi, ikobun yonna eten enyen egha hwen fu hwe mbo ne ma afu yonna ' Ukin ma vonzire nna shi yun kya re uhwun' ⁶⁴ a hwe ino ma ke dow dgen umui mbo ke ukin na to ita avo, nvoa ino abgu enyen mbo bra bi swi mbezi a hon mbo era yon she enyenhwe yonna a nghauchi ri shi zu bo re; Egha mu ra tkan na kaiswen." ⁶⁵ Bilatus she yon " eni kpu eba te igyi. ka so ke ni ke chuto hwo umui azwi eni ra chon ma. ⁶⁶ E fan kpu eba tegye igyi so aka kpue se chiken azwi mu tan era chon.