¹ Paul, nrogitom Jesu Christy, jolor ntontulor fengheh yigeh bom ka alomishor,. ² Nya akonor nyor itunjar itnja shengor bayeneh amerr-beh ngor anonob alomishor. ³ Gum moneh-weh jolor nib David garagor ngobji. ⁴ Shengor ufu gbole,mbor yigeh neh ikor nor ajol monishor shengor nyimeh ngor iku Jesu Christy Ntol wreh. ⁵ Shengor weh ubu fon igrasia neh batontelor utoror alome nkaga ntama ngor igom abugor waa tep ne ishikorp mbeng yeh. ⁶ Ngha igom abugor nya,mboba kok fufeneh nor ashumor Jesu Christy. ⁷ kanemba irerogor Rome waa mba ireror anebishor fengheh kok bor normbor jol anonob neh igrasia ijol nineh neh tereh ngor idishor nshu-wreh neh Ntol Jesu Christy. ⁸ Ngor mgbombarr, mbuka Ishor jama igafor kawun waa shengor Jesu Christy, tep neh ntama utoror mbong yineh ibujol gor mfam waa. ⁹ Tep Ishor ntensheh yamayi,wenji nmekag ngor ufubama shengor alom moneh, na-meh yor kokwun nininor. ¹⁰ Ngor aror yama, nyor sheb feligara shengor mbarr nyindendege ngor ikukulor malba fonor inonob nghatiga ngor ikor Ishor ngor mbaga-batop wun. ¹¹ Tep neh mkpi shebeh nor uyen wun inyor malba wunikaga nkaga ufu nyindegeinyor nji iba wunikaga atunor. ¹² Ntingho ire, mbeh mkpi shebeh nor wunwangho igom jineh wun kak meh nyamitem, shengor ntama fel neh, iyineh neh iyama. ¹³ Nghatiga nemorsgeb meneh wun jol ugbayen-nbi kredege na-meyosheb nogor njen klor wun, (mbor bamameh teh teh nghantiga), inyor nji ubafonor amegote nyandege ngor igom jineh fufeneh, na-meh nbebangha-fon ngor igom aneb Gentiles mba ishagor. ¹⁴ Meh neh ikone ka aneb Jews fengheh ka ajeneh, ¹⁵ Fengheh kaba nyigeh ibaga neh adama-ane. Fufeneh, kameh nyem dong dong nor-ntoror alom fufeneh kawun mba wun reror-ngor Rome, ¹⁶ Tep nimba begeh ndon utoror ilome, tep ne ntiti ireror ikor Ishor kanogor fengeh ka nindendege weh tamor, ka ibugor Jew ngor mgbombarr neh Greek. ¹⁷ Tep ne ngho ateng inonob Ishor ibu rebe gbole shengor ntama regor ntama, na ibeyon, anonob ane iba neneh shengor ntama. ¹⁸ Ngho uyamitem Ishor ibu rebeh-gbole ngor iborr gumba ika reror ka Ishor waa ne anemba ika reror welewele mba shengor ane-nba ikareror welewele ibeh tap itembaga shele. ¹⁹ Ntingha-ire tep ne ntireror gumishor ire gbole gor amirrbor. tep ne Ishor bulem mbor bu renghe. ²⁰ Ngor anonob yeh, nya ika reror gbole ngor amer, anonob yeh fonor ire ikor nti-ika kpelor ikukulor neh ibeneh ntireror gumishor, ibu jol gbole ngor amerr, gbeb imineh imineh na-nfam yib=gor itulor mbor burenghe abodo-nya ibeh- jol tep ne nor mbor kpem na mboba bongho. ²¹ Ntingha ire tep neh, jolor ijolr mbeh mbonyiyi gumishor, mbor tagem-meh na Ishor, afi mbor fengheh ka-eh igafor ikorkorbulombior, mbor ntobor-bor,ntobor ntembor nyi ka-kpelor gbor-ijenghe jol gbal. ²² Mbor yol taba ijibor nambor nyilor ibaga,namumga mbor fengheh shere atamaneh, ²³ Mbor yangha ashi Ishor ikpenigeng-geng fengheh ka utogor nfonghor nenom weh kaneneh ikpen ka arok, unyambi ikpada-ini neh abodoneya iyor gboror-lele. ²⁴ Ngho ikukulor, Ishor batabor ka abodonya mbor ka-kpelor ikorr ka ngor ntembor tep neh na-nbor kabarror, nor nkaga tijol ka ngobji bor ngor igom mboba fonor. ²⁵ Ngho-yor mbor taboa itembaga Ishor shere umumala, aneb-nba ikumor-arong fenghehtek nleme shaga nlemleme, weh reror iwewele ne-kpen nti-ikakpelor ikukulor. Nogor-ijol nor. ²⁶ Tep nena, Ishor tabubor ka ikorr titoror itembaga ka anebkal bor itaba anebitulor ibneh shere anemba ika yuror-ngor itulor ibeneh. ²⁷ Ngho mbarr nyor fufeneh, aneblomitumor mbeneh itulor bor ne anebkal fengheh yor ka ijibor nkpogo-tonor yor-sheb nor mbor fon-ikorr katem-mbangha ijolor aneblom mba ilemor abaga nya ika-kpelor ndorn ne anebklom fengheh kor ibebe nti mbor shebor tep ne ibebe bor. ²⁸ Tep ne mbor lemem fonaghor nambor kpelor Ishor ngor ntobor-bor, abatabor yagabor ko irong-ronghor yagabor ka irong-irong-ronghor itemtor, nor mbor kum lem abodo nyangho nya ika lagor. ²⁹ Mbobu rorr ne amumala, ashashab, utara akalatem, neh ujeng, mbor burorr neh uligala, uyolo ane, nra-ilam, nimeh neh ntobor ujeng. ³⁰ Mbor ray barebeh aneh. Bayolo aneh gor nyor, mba Ishor yor shabor, tifonkaga, ulagatong, ngaba, yor yel-ngor mbaga lemuli mbor kpem nkaga ka ane mba ibelor-bor. ³¹ Mbor kpem aronishi, mbor kpem ntama, mbor kpem ntem, ne-ntifon uyenimork. ³² Mbor nyiyi mbene Ishor, mbeh anembaiyor lem nkuk abaga nya ikpi shebh iku. Abaga-nya nenting shang mbor lem, mbortama-togor anembagor mba iyor bangha lem-nor.