¹ Ne ufonfo pipid ngor ngbor mbarr ufonfo ngor irede, mbor yor ba ngor ulem, kor ba shershepemba mbor ber bor goro bom. ² Bor ba yen utal ibe benghe shaga ulem. ³ Bor yel ateng, mbor nyenem ngoji Ntol Jesu. ⁴ Ngha ibala ba jol, na ishumobor tugor jolor gara, irabem ikede, anepnom abal iba yeme ngho ne ababara awuror nya kporon. ⁵ Na anebkal iroror ne ubol bor nere ashemerr bor kak ngor ndege, mbor bong ne anepkal fonor, "Nan iwedor wun mer jang ne nyor nenor ikpen ngor igom ane mba iber kpor. ⁶ Ngha arem, abe jok,! Borro wun na abong nenene, igara ti akpelor ku ngor Galilee. ⁷ Yor bong ber, mon Ishor mbor ba fenghe nene ka ngor ubop ba lame abebe, iyor nji mbor yebe yollo ngo atu ara akpe nyemor. ⁸ Anepkal iba borro alom ye, ⁹ fenghe ngor ulem, ba toro abaga nya wa ka igol ne, newereng ne anne bagor waa. Ngha Mary Magdalene, Joanna, ¹⁰ Mary nyen James, ne anepkal mbagor nebor iba turo ibaga nja ka ba tuntulor. ¹¹ Itumti ngha ijolor na itum ti ne ka kpelor nti alema ka ba tuntulor, fufene mbor tamen na anepkal mer bong; ¹² Peter ba tum yeme ba tubotum ngor ulem, ngor nyeme yer bree ngor ulem ayem ababara abodo mbor ba fonor. Peter shoro ba fenghe tum ngor itek je yor tobor ijom ji iber jol. ¹³ Boro wun, mbor ishi-ibal,yol tumor ngho ufofo bor piee ngor ibugor nji mbor kok ne Emmaus ijolor nkpel atel-ara fer shaga Jerusalem. ¹⁴ Mbor yor ba torro ne attem yor gum abaga nya ibe jol waa. ¹⁵ Ibala ba jol nji, mbor yor lor yor turro fenghe yor beb atem mbeber shumor, Jesu yor ba yor ba jen ngho nebor. ¹⁶ Ngho amerr, ijol ngor na mbor yi mal yebor ranghe. ¹⁷ Jesu ba bong nebor, Ba aba ngha nya wun mer bar turro gum wun ishi-abal na wun mer jen mbor ba shaga yeme, ne ushaptem. ¹⁸ Nwereng nyor mbor koge ne Cleopas ba fangha, Wor neteng yor areror ngor Jerusalem, nyor ka yelor igomenji iber jolor ngha atu?. ¹⁹ Jeus bong nebor, Ba abodo? mbor ba fanghe, abodo nya irero gum Jeus ne Nazarene, wer raror nyena amerr, Nta-kpa wer,fefene alem ilom ne Ishor fenghe kog anne. ²⁰ Ne na ba yalanyala ne anepkol fenghe neme ka, mber bor renghe ngor iku nogor mbo kumer laga ngor ijar-te nji ishegor ntem ²¹ Wurr ukpe ukono-nterr, na ireror wer ba baga ba nok Isreal. Ay, fefene, jen ikelor re, ihele atu-ara nji abaga nya waa ijolor. ²² Fefene, anepkal mba ndege ngha igom jere ba tan wurrikor na mbor jolor ngor ulem ne funfo pipip. ²³ Igara nti mbor ka yenor ngoji yer mbor fenghe yor ba, ba bong mber mbor ba nyen amerr ngor idi ba rogitom ba ibongho ber are ikpen. ²⁴ Anepnom mba ndege mba ijolor ne nerre, iba tum ngor idi ulem baji nyen krededde naanepkal iber bong, fefenembor nyenem mer. ²⁵ Jesu bong nebor fenghe jada, wun adama ane, ne tiwara atama yen ya ngoritem ngor waa nji ba yenamerr iber bong. ²⁶ Ijolem gara na Christy ber nyen akanya yer? ²⁷ Ngha yege itulor ngor Moses ne ngor idi ba yenamerr waa. Jesu ba joro turo kabor abaga nya ireror kawer fonor ngor alom ye waa. ²⁸ Na mbor reror kulor ibugor nji mbor taro, Jesu ba lame na akpe ba shenghe idi njor shaga tum ngor mbog. ²⁹ Mbor ba nure yor bong, jol ne nere tap ne ire igara igorr, fefene ufonfonor imal yorngha, ngha Jesu sheng yel ji jol nebor. ³⁰ Ibala ba jol, ngor igara nti aber ba bemer nebor, nogor ali, "Aba tap nshege ayege-iya fefene na alelor bunafenghe neji ka bor. ³¹ Ngha amerr bor ireber, mbor ba nyie, fefene aba dada jok bor shaga. ³² Mbor ba bong ne atem, ijolem ntem yerre iyolor terp ngor ngoji yerre na ayolor bong nenere igara ntiaferor nji arebor alom ka wurr. ³³ Mbor ba tum yemer ngho igara ntor piee ba fenghe tum ngor Jerusalem. Mbor ba nyen ba igol ne nwereng, ibemor idi njereng, fefene mba ijolor nebor. ³⁴ Ba bong Ntil ber nyemer ngor itembaga fenghe ji jok tep Simon. ³⁵ Mbor ba toror ijom ji ijolr ngor mbarr, ne na Jesu nbor renghe, ngor igara nti ayolor bum nshaga. ³⁶ Na mbor bongho nyangha, Jesu fornor bayemer ngho igum bor, ba bongnebor, "terre ijol ne nene" ³⁷ Ngha, ikor itana bor, mbor fenghe ror ne ubol, yor ken ire ber ufu bi mbor nyenor. ³⁸ Jesu ba bong nebor nan iwedor won mer ka iji beneilam? Nan iwedor abeber mer yor jok won ngho ntem" ³⁹ Bree wun abor yama ne akpada yama, mer fornor yor. Laga mer wun abor nogor wun nyen tep ne nan ufu iyom fun ngoji ne akup na wun ber mer nyen nkpelor. ⁴⁰ Igara nti abe bong nta, atep bor abor yer ne akpada yer. ⁴¹ Mbor tegem yor tama tep ne uyebitem, fefene mbor fornor utanikor, Jesu ba bong nebor, wun kpekpe ijom ji wun ba lege? ⁴² Mbor ba kae irurugor nji iber yom. ⁴³ Fefene aba ta li ngho ushe-merr bor. ⁴⁴ Abong nebor ngha alom ya-ma yangha nya mer mbonghor nenene igara nti njolor nenene, nya waa iyob ngor mbene nji Moses nyornor ne ar nyene amerr ne alom igere nya iber ba lem ifangha. ⁴⁵ Ngha abe reber ntem bor nyorji mbor ba irenghe alom Ishor. Abong nebor, ngha iyonor nor mber ⁴⁶ Christy ba yenne akanya fenghe nyemer ngor iku nor atu-ara. ⁴⁷ Nyangha ne ubaga abebag, itoro gum ngor mbeng yer, ngor abugor nfam waa yegeitulor ngor Jerusalem. ⁴⁸ Won atenshe abaga ya waa. ⁴⁹ Bree mer ikpi wun itomor nti nshuwama konor nyor. Ngha shaga wun ngho ateng ibugor tete-te mbor wun kak ikornti ngor iborr. ⁵⁰ Ngho Jesu iba yage mbor, mbor jok, teler igara nti mbor ber regor kulor Bethany. Ayeb abor yerr ngor iborr ba yege mbor iya. ⁵¹ Ibala ba jol, ngor igara nti ayorlolor yege mbor iya, atum bor shsga, iba tabe tun ngor ikung iborr ⁵² Ngho mbor tege fenghe tum ngor Jerusalem ne igboro uyebitem. ⁵³ Mbor yol jolor ngor itaba ndor feli gara yor tege Ishor.