¹ Iba jol na Jesu lolor jumdor ngor idendege, igara nti abemal, ntontolor weh nwereng bong neneh , " ada kpele wurr na mbor jum ndor na John kpelor ba tontonor beh." ² Jesu bong neh bor, "wun yeh jom ndor bong wun na, nshuama, inonob ijol ngor mbeng yah, ikun iborr ja iba. ³ ka-werr ijomlele fele ufunfu. Bag ⁴ wurr abebe abaga yereh, na wurr ubagor abemba ilemor abebe abaga jum wurr. ka wurr togor ngor nshumutugor.'" ⁵ Jesu ba bong nebor, nyonor ba fonor- ntem, fenghe jitobeh neh atu -kpaa, fenghe bong neneh, mbea, borr meh ikpaga nshige ira. ⁶ tep neh ntemama ba top meh ngor ijen, meh nkkpem ijomjom nji nyebe kaka.' ⁷ Neyor yobor ngor ateng ba bong, kameka ilam. meh mbu-bam mbo, abone bamah, neh meh fonor ubu nugho ibedi. meh nem-malba tomor yemeh ka-nshigeh.' ⁸ Meh mbubong nenah, jol atomom yemeh ka ikpak nshige na ntemeh, tep neh akpim ndon, akpe yor gorey, aba tumu yemeh fenghe ka akpaga shigeh feb na abebeh. ⁹ Meh mkpe bong nenah, beb, mbor yaba kaga; jang, wor aba yeneh, kebeh, iba-rebbeh ka. ¹⁰ Ka neyor yobeb, yokukor; neyor yor sheb yor-yiyen; ka neyor yor kebeh, iyor-rerebeh. ¹¹ Ba ndeneh ngor ijom jeneh, nyor moneh yor bebeh nkobor, ayoka, nyoh shaga nkobor? ¹² Ba ndeneh ngor igom jeneh nyor moneh yebeh bebeh ikpaga nshege, ayebe kaga utal? ¹³ fofor njolor wun mba wun reror abebe aneh iyelor na wun malba kaga inonob nkaga ka abon beneh, nan iwedor nshuwene ngor iborr yitimalba kaga inonob ifu kawun aneba ibebeh? ¹⁴ Nyantiga Jesu yol kama yegeh nem nji kamabong. Igara nti nim-yor beh jok, nenom nyor kamalor bong, bong, bong. ikor ibatan igom aneh. ¹⁵ Aneh mbandege ibong, "ikor beelzebul, ntol ulem yor amemali kama ulem yegeh." ¹⁶ Nbandige iyoghe yorshep nogor atape-bor iyonor ngor iborr. ¹⁷ Jesu beyi ntobor bor, ba bong nebor, "ibugor njindegedege nji ibagor ijibor iba rada, itek nji ifonor mbaga ka ijibe iba gbogor. ¹⁸ Jolor nem bebak ijibe nane ibugoje imalba yemeh? wun are meh nyokam ulum yege ngor beelzebul. ¹⁹ Njilor nyo kam ulem ngor ikorr Beelzebul, ngor-ikor yonor ba tontonor beneh iyor kambor yege? tap neh na, mbor ba jolor balamlama beneh. ²⁰ Meh nye kam ulem ngor ayegebor ishor, nor ikun-iborr Ishor ibah-tubwun. ²¹ Itontonor nenom yor beh log-ngobji yor gome itek jeh abodo-ye iyom-tan. ²² Jolor neyor-galor tonor ye-sheghe' nyor-galor-lonoh yor tara abodo ita-yeh nya ayokono-nterr fenghe yole tara abodo yeh. ²³ Neyor kareror nenamah rey- gumeh, neyor ka lugor nenama yor rada. ²⁴ Ishashab ufu iyejok shaga neh iyor jen-shang ngor idi alep ika reror yor sheb uregasheh. ikayenor neneh iyor bong meh nba fenghe tum ngor itek iji nbalor. ²⁵ Iye fenghe, abayen mbobeh fol-itek njor feghe log- gbeh. ²⁶ Ngha ayefenghe tu ji tab-afu aremini nya igalor-shab shenghe, nogor nbor -waa ibabanene ngor. Ngor, ikukolorikpen nemon fonor iyo-sheb shenghe na iye-itolor. ²⁷ Ibajol na igara nti ibebong nya, nenkal wereen ba yeb ilam-teh yororsheng igom-aneh bong neneh, yegemeh inya ngha ileng-ala ji ibela neh abel nya ilelah." ²⁸ Ngha ababong, ijol ka anebah ibe yok alom-Ishor fehe gbeh. ²⁹ Na igom aneh ikpelor yororr, Jesu ba gbeb nbongho, nfamya, nfam-ulum-yi. Iyor sheb iyonor, nbornimba fonor ayonor yendegedege isheghem ayonor jonoh. ³⁰ Na Jonah jolor iyonor ngor Ninevites, noyor mon nenom bangha ba jolor iyonor ngha nfam-ya. ³¹ Ntol anebkal ngor south ba tomu-yemeh ngor nlama neh aneblom nyah mfam-ya ba felebor rongho, tap weh bala ngor ikukulor ndege nogor aba yok ukunabaga Solomon, fenghe yen ne-nweren nyo fulor sheghe Solomon nya. ³² Aneb-lom niniveh iba tumor yemeh ngor nlama neh nfam aeh-ya, fenghe fele bor rongho,na nbor yaho shaga abebaga na Jonah torrar, yen-wun neyor fulor shenghe Jonah rengha. ³³ Neneh yom kag-imolor, tap-sheley afi tap itetere bolo, iyor konogbol, iyor neyo yelor ba yen-irana. ³⁴ Imerr-ta nti ireror imolor ngobji amerr-ya inbor ngobji ya waa yo-rortr ne irana. Amerr-ya ishabor ngobji ya yor-rorr ne igeghe. ³⁵ Konowun nterr nogor irana teneh iti sherey ijenghe. ³⁶ Jolor ngobji yeneh waa ibeh rorr neh irana, nkpa yindegedege rem-ngor ijeghe, ngho, ngobji ya-waa renah imolor nji imeh-yah gbol ngor iga idi. ³⁷ Igara nti abebong-mal neh Pharasees tageh mbeh ali-igomlili neneh ngor itek-je, ngha Jesu ba yel ji bemeh . ³⁸ Aneb Pharasees ikor-iba tanbor nah Jesu katogor gbor-nbarr row kemli li igomlili igorr. ³⁹ Ngha ada baong neneh, "ngha wun Pharasees wun-yor fol-akpa kpa agbangala neh akpeghe, aten-ye iyor rorr no ashashab. ⁴⁰ Wun adamaneh aneb lom menega neyor lemor akpakpa yo bangho-lem ating? ⁴¹ ka nji iyobor atin neh nbaga, abaga waa iba weheh ka. ⁴² Ndon iyeneh Pharasees, tep neh wun yokah abodo yawun kpelor ngor item, neh abodo ngbe-yineh, wun yofeghe ten nlama ne ikorr Ishor, nogor wun tekpeh fenghe ji lem abaga nyagor fefeneh. ⁴³ Ndon iyene wun pharasees, wor wun yor lem ikorr ite bebemeh ngor nbok ikobashi neh ukaga-nyoh ngoh ujere areh. ⁴⁴ Ndon iyineh, wun yosheb amogote nya nbor kabor tikag ireghe aneh iyo jen shang shaga tikun. ⁴⁵ ." Nweren nyor yelor nbeneh ba bong neneh, nkpele, nti abebong iwurr ka-ndon." ⁴⁶ Jesu babong, ndon iyeneh, ba kpekpele nbene wor wun yor kag aneh akanya nya nbor yitimalba sholor wo wun yom lagabor ngor akaya fonor neh ayege-ubor yeneh. ⁴⁷ Ndon iyeneh, tapnenan wun buyor alum ka bayenamerr, mba akundege yene iyolor-bor. ⁴⁸ Wun atenshe, wun bangha shumor nleme akundege yeneh, nbobah iyolobor wor wun nyor alom-bor. Tap nena, ukunabaga Ishor ibong, meh nba tomo tugobor bayen-amerr neh ba tontonor, nboba toro-ashashab feghe yol nbobandege. ⁴⁹ Tap nena, ukunabaga Ishor ibong, meh nba tomo tugobor bayen-amerr neh ba tontonor, nboba toro-ashashab feghe yol nbobandege. ⁵⁰ Nbabobor nfam-ya tep neh alomg ba yene-amerr mawun wuror gbeb ngor iyek-itulor nfam-nya. ⁵¹ Gbeb ngor aiong Abel lomo-ngor along Zachariah, nyor nbor-yole ngor ati idighege ikobashi ngor itaba ikobachi. noyor, meh bong nenah, mba bobor nfam-ya gara ngor. ⁵² Ndom iyeneh, wun aneh nbene, tap neh wun butab igbogoror uyege-abaga, wun mamyel wunbafonor wun fenghe tem nebah ime-yel. ⁵³ Igara nti jesu tumor ngor, aneb scrib ne aneb pharasees iba tentugeh faba neneh gara ngor abaga feb. ⁵⁴ Nogor ngho yor-shegeh, nogo nbobob ijom njindege nji iba-jogo ngor nyor-meh.