¹ Ngatingah, na abodo ny a ibesheng, ada bayigeh ishi atle arah neh igol kpebodo neh mbagor fenghe tombor joke, ishi ibal ibal gbor mbarr kaeh ngor abugor nyah amesheb nogor aji ababong nebor, ² Abodo kpepe ishen iji balemeh ifangha ireh tekeh beb nfonigbeh nogor atom balemifanya ba ngor akpu kongho yeh. ³ Shung ngor mbarr, breh, mbah toom joke nah ujoror ngor ngor igom nyam legeh nyam ⁴ Ka tab akobo, ibam afi ibam ijen afi abodo akpada, ka kag ne neh ngor mbarr. ⁵ Itaba njin dendegeh ayellor gbombarr, bong mon iterem ijol neh itaba njah ⁶ Jolor mon iterem ireror nghor iterem jaibashagah ngho, ikajolor nor iba fenghe batober. ⁷ Shagah ngor itaba fanor, li fenghe wor ijom jidendageh mbor kalah, nlemifangh lilack nrormor yeh. kajen shebeh ngor itek-itek ⁸ Ibugor yin dendegeh ayelor mbor fenghe koah li ijomji mbor gbelor kah ⁹ lem aneh ayam mbah ireror ngho bong nehbor, ikun ishor ibubah ikpedikped kula'' ¹⁰ Igara ntinedegeh ayelor ngoh ibugor, mbor kakola, joke yeneh ngor mbarbor afenghe bong,'' ¹¹ Joll ibuba ibugor nja nji lagor ngor abodo akpada yeneh, ubu-koom tugan tegeh nyi ntah, ikun ishor ibureng kped! ¹² Nkplatagah meneh ufonfo nti lemor lemor ngor sodom neh gomorah iba nobor sheng ibugor fonor ¹³ Ishashab iyaba tonor tonor chorazin! ishashab iyaba tonor bethsaida! ¹⁴ kenber itanikor nyah ibelem ngho idijah, ilemeh ngoh tyre neh sidon ngoh nlamer shengha kaeh. ¹⁵ Wor capernum, atobor wornber abah yibehjio iborror ran aba aba gbogor fenghe ndegeh ¹⁶ Neyor rangha atong, rangha meh atong, neyor tehnah, tenner meh, neyor tenor meh,teneh neyor tommoh meh'' ¹⁷ atle arah neh igol fonor iba fenghe neh uyebite, babong '' adah jol abebeh ufu ifenghe neh ujibor kawurr ngor mbangya. ¹⁸ Jesu babong nebor nyeneh nim ber foror ngor iborr nah iranah. ¹⁹ Breh, mbaka ikor nti aba yedeh nyor neh nnang, neh ikor nneh ikor neh ujing, ijomjom ngor mbarr yindage lemah ijome. ²⁰ Kpebodo ngoh, item itia yebeh nentay ngha ntah, na ufu iyobor ngor ubor, iten iyebah doll nah mbeh yineh iyonor ngor nwerr ikpen'' ²¹ Ngor igara ntor, item iyebeh doll ngor inonos ufu, abah bong mbah teg, papa, ada nji ngho iborr neh ndegeh teb asheleh abagah yah waa shsger anab ulongho neh nrenghe, afenghe rebeh ka mbah ika kpelor-mkpelleh, nah abone ibelleh tembagah, nah ikorah nghor amerryah. ²² Nshuwama bufenghe neh abodo waa kagmeh ubor neneh yem nah mon reror sheshi ndeh, kpebodo ngho, neneh yem nah ndeh renor sheshin mon, neh mbah mon shebor yogor arebeh kabor. ²³ yor abalobah shibeh yerr teb batun tulor beh fenghe bonwelleh,'' inya iba jolor kah aneb mbah imehyen abodo nyah ameh yen ²⁴ Mbah tag bayeneh amerr ferb, neh atolferb, kpishebeh mbor yen nyah ameh yen, mbor nimyor yenbor afi yoke abodo nyah ameh yoke ²⁵ Neyor yelor gum ibeneh dool tum yemeh nogor ayonghe, mbeh nkpe-kpeleh, bayom mbalemeh nogor mbangha fond ikpen igengen? ²⁶ Jesus babong neneh ''baijom iyonor ngor ibeneh?'' nanayor kok? ²⁷ Abakah nfangha mbeh, abah fonor ikorr ka ada, ishorjah neh itemtawaa, neh ufu bawaa, neh ikor ta waa, neh ntobor yahwaa, neh nneh yor reror kulah nah wor fono ²⁸ Jesu babong mbeh ''abufanya kpekpeh ''lennor, abah neneh'', ²⁹ Na ashebor nogor ali unor kaujibeh, ababong neh mbeh,'' yonor reror nkultek wama? ³⁰ Jesu bafanghe mbeh, nenom nwereng gbeb ijen gbeb ngor jerusalem ferr ngor jericho abagbor ngor igom aju mbah itaror abodo yehwaa, fenghe doeh tumeh shagah ngor ufen iku. ³¹ ishor jolem neh uden nwereng yol shenyer ngor ibarr, nah ayeneh, abah sheng ngor mkpa mbarr yigor ³² Shenge ngor mbarr yor, nrogitom ngor aten itaba ikobashi fufor na abalor ngor idi fonor fenghe yeneh, abasheng kuleh ngor mkpa yegor, ³³ Neh samaritan nwondegeh na ajenor lomo ngor idinji ajolor, na ayeneh abah fonimock kaeh ³⁴ Abajen tobeh, fengher gbach ajom yeh wureh akurr neh amem ngor agorm fonor aba tabeh konor ngor nyam ijen yeh, fenghe keeh ji ngor ashibitu fenghe breh ³⁵ Njim fonfo aba yigen ideri abal ka bafonor ashibitu fenghe bong mbeh breh kpekpeh ijommji atanor bodo nye fengheh ba, nkpeyabkagah. ³⁶ Yonor ngha ishi irah mbang ngor reror nkultek neyor gbolor ngor igom aju? ³⁷ Ababong, nyor terbor imog kaeh'' jesu ba bong neneh, ''shung alem nor keredeh'' ³⁸ Nghantigah, nah mbor meh jen shon feror, abayel ngor ibugor njindegeh, nenkal yondegeh mbeng yen martha, bah koeh kag ngor itabah jeh. ³⁹ Afonor mbayen mboryokogeh neh mary nyor yo yemeh ngor akpadah adh fenghe yok mbangyeh. ⁴⁰ martha yor jolifangha feligarah ngor illemijomlili igbebo. abatop jesu babong '' adah, inimyor fongha nah mgbayenjamah yor nenkal meh tum shagah yor rogor nentenghe? noyor mene atageh nogoh akag me ubor'' ⁴¹ Ada bafangha babong neneh, martha, martha ayo gbedeh fenghe ka ujibah ulam ngor abodo ferb, ⁴² Ijom njereng nenteng ikpelor ifan, mary beyegeh nti inobor sheng nji neneh nimalbah tarah ngor