¹ Paulo, mukoli wa Luhanga, na Mukwenda wa Yesu Kilisito habhwa nikiliija ya bhakomuwa bha Luhanga n'okumanya majima kukwamilana n'obhwobha bhwa Luhanga, ² ebhimiliye ha kuniila kw'obhwomili bhw'ebhilo n'ebhilo, obhwalaghibhuwe kulugh'ambele na Luhanga oghu atabhugha bhsuba, ³ Oghu akoleka kighambo kiye kusaalila mu kutebheja oku Luhanga Mujuni watu ampaye ku kwamilana n'entgheka yee, ⁴ EwaTito, mana wanje wa majima omu nikiilija y'etuwe bhona: Ngughuma n'obhusinge bhiibhe nawe kulugh'ewa Luhanga Eseetuwe na Yesu Kilisito Mujuni waatu! ⁵ Nka kutigha mu nsi ya Kuleto nikuwo oghomole ebhyatighalilane kukolebhua, na kukwamillana n'etegheka yanje ujweke bha jei bh'ekanisa omubhuli kibhugha, ⁶ kakubha musasa abhoneka oghu ata kusoghosuwa, oghu asweye mukali omui, oghu ali na bhana bhadoti abhatakusoghosuwa omubhusiyani n'obhutaghua. ⁷ N'abhweki muloleleji, abalibhuwe kutabha na nsobhi ngo mubhiki w'ensahu wa Luhanga, tabonganuwe kubha muntu wa kwebhona, muntu wa kinigha, mutamili, muntu asakaye keda mubali w'etunga lya bhukulungu; ⁸ Noo, abhe muntu wakwebhaliya bhaghenu, botu sya bhantu bhalungi, muntu wagatigati mu bhuli kyona, muntu wa majima, mudoti, ⁹ anakwatiliye kighambo ky'amajima ngoku ky'eghesebhuwe ni kuwoo agube kuhanulila kukwamangana n'enjeghesia eghi eseniye na kukukamu abhahakani, ¹⁰ Nanga, munumunu omu nsaluwa, alimu entaghuwa sikaniye, bhabhughi bh'empeho na bhadimagi, ¹¹ ebonganuwe kabhaghala kanuwa. bhakutabhangulagha maka mbeghesiya ebhitabonganuwe bhwakubala nsimbi sya mululu. ¹² Omui wabho, mukwenda enini akaghila ati: Bhakuleto, bhakubhagha bhasuba, bhisolo bhisakaye, matundu ghakusimaane. ¹³ Bhukaiso bhuni mbwa majima. Nibhuwo obhasoghose na maani nikuwo bhabhe na nikiliija eseniye, ¹⁴ Na bhataguba kutegheleliya bhighano bhya bhayudaya n'ebhilaghilo bhya bhantu bhatakwamiliye majima. ¹⁵ Bhuli kintu kisenie ha bhantu bhjona abhaseniye; Noo, takiliyo ekisenie ha bhantu bhalofu na bhakafwile, magheji ghabho n'emitima syabho bhyelaghuye. ¹⁶ Bhakwelangagha kukenga Luhanga, kyonkaa bhamubenga kukwamana n'ebhikoluwa bhyabho, bhakoli bha bhibi kuhingulane, ntaghuwa, na bhatakuguba kintu kyona kilungi.