²⁰ aubhe te imbe ansisa imbe atu aheli anga Mokanga toala naande abungili nee anamisi in'to toala kua na adegi budjede atii. ¹ Anganu benu bateke! Bogame na bobenge angaa boanya nde abhia anganu. ² N'tondo ndanu na ngombe ndanu aekeketigi na bamboa. ³ Holo ndanu na n'tonda ndanu aeku bankeenge; na bankeenge ndo bamabadja bondemu anganu, na ama bakeketa ngobho anu sinda insa. ⁴ Bolenge, moosolo a bato ankasi nde atuma bagubhi tio ndao, na oetanisi, bagama, na ngamo abo akidi a etuela Mokama abha bia. ⁵ Bonbgui leengo a budjede lae, bokutisi meema a elie la budjede. ⁶ Boi '' hukumui'' na booli bande bande batonganani na ibo ndaga basani na benu. ⁷ Bobubilie, badhami, kida la elie nde ama Mokama ama abhia nee. Boone, ndemi li abubilia bhua angaa tio ae atoe au elea ati. ⁸ Na benu, bobubilie, na bomidilie meema anu, boloai angaa bhia la Mokama aye bhi. ⁹ Bosanai tondo benu, angaa banolondisai: bolenge sinde nde nondisi li aampume li. ¹⁰ Badhami, bebe bia batomi bhino la Mokama, bande bai banobi na aibamidili meema. ¹¹ Booene u, beyonga bete ngowa anga bande bai banobi kpee asuba Yeso. Boi booki anda bubilia nda Yobu, na boi booni inde Mokama aiakoleli, ngaa Mokonga atumi na lilia na bolie. ¹² Mosala ema li bhuu, bandami, boselai ani na kobha, na ani na dodo, na ngee a ema atoo. Che lebea ndao abe lebea, na koma ndao abe koma, angaa boguai asuba elondi. ¹³ Aa meeme anu imbe aa enobi? Ameme. Aa meeme anu imbe aa bodjeme? Alembe. ¹⁴ Aa meeme anu imbe adjega? Aekoge banuno bande bana Kanisa angaa bamemele, na bansie gamba aina Mokonga; ¹⁵ Ememi'a lebea ama lamisa djegi li, na Mokonga ama ameisa; na abe na koli budjede, ama banyongela. ¹⁷ Elia ainde n'to sinda besu. Ai amemi na meema imoti na bhua indaya loi, na indaya loi a dodo kelemo isalo na mosela motoba. ¹⁸ Na aba amema go, na kobha li abadoisa mbua, na dodo-li aba lasisa bhoo. ¹⁹ Badhami, abe naa meeme anu imbe asisani bhusa a domi, na dhae abnsisa anga Mokonga, ²⁰ aubhe te imbe ansisa imbe atu aheli anga Mokonga toala naande abungili nee anamisi in'to toala naande abungili nee anamisi in'to toala kua na adegi bugjede atii.