¹ Atoinde wani bia nde, na atoi nde wani esani nde ameeme anu? Anda ga nde maako adjede nde aangobho anu? ² Bona isoiso, na inda bona ema; bonde baoli na bona ''wivu'', naanda ga nga boona, bona esani na emani, na ndaga boona ema, ngaama ndaga bomema. ³ Bomema, na inda boona ema, ngaa bomema adjede, adjemisala inde bokondi benu nganga. ⁴ Bateti sinde nde boiki, inda boubha sinde nde ekondi'a leengo ande djala nongo'a Mokonga? Imbe akabi ate abe aya leengo akaba djala nongo la Mokonga. ⁵ Boaka bote nsaoli ayonga mbea? Mokonga ana '' wivu'' angasu a meema bobhu nde agesi angasu. ⁶ Che aasopa lokoo ati kpee; naangeli ndo ndo nsao li ayonga ate: Mokonga aeona adjede bande bae bhebha, che aemoa lokoo bande baehohia. ⁷ Na ngeeli ndo, boohohie anga Mokonga, bonkome nketi, na amaga dholo'anu. ⁸ Bosedee bhila Mokonga, niye amano sedela. Bosose djaga nu, benu bato'a budjede; bosose meema nu, benu bato'a maene ibale. ⁹ Bosusumane; bobe asuba doisa la bibiso na asuba ngamo; tebhalanu aetie ngamo, na bodjeme ndanu aetie susumana. ¹⁰ Boohohie mosala Mokama, amano daisa. ¹¹ Boyongeanai adjede, bandami. Imbe ayonga adjede anga dhae, ''ao'' djala suse anga ndae, ayonga adjede a salia li na adji suse la salia. Ngaa neyo odji suse la salia, indo nde nengeleli a salia, che odji suse. ¹² Imbe adhusa maano na kalea ande n'to moti, iye ana kala a lamisa na lamisa; che owe, onde mani, imde anonda ndaae? ¹⁴ Benu nde ndo boubha inde ama kida huma! ngaa ngebe'a nu ande ee? Bonde ebundu nde akida a ndambi nede, na inde aleleana. ¹⁵ Botiga boyonga bote: Mokonga naye akondi, bema habe, na ama bekola inde na indoe. ¹⁶ Na booene sinde nde boobhebha nee a meema nu. Aadjede boobhebha la ibo. Imbe aubha kola la bonja, na inda koli, akoli budjede.