¹ Bandami, lebealanu anga Mokama nde masu mati Yeso Klisto obe amakanga tonda la bato. ² Aanga babiande asuba kanisa ndanu angi into nde aloli nkondo a holo, na ngombe adja, na angie go beli muyene mbe aloli boobo; ³ i'mpa noye nengi imbe aloli hele, ongodee ote: owe oike a phuo a boumu nde! na ongodee muyene li ote, owe ome ohii, '' ao '' oike ate '' marchepied'', ⁴ ibo kesi ndagwe botondani benu baamene, na bokaleanai asuba maako ndanu nda djede? ⁵ Bookanee, badhami: Mokonga ndaga aesomboli bayene na beengo, anga babe bateke asuba lebea, na babe na moando asuba boame inda aya aebeeli bande aekondi? ⁶ Na benu, bobhona bayeneli! Ndaga bateke ndo bando bano kendelisa ndo na bano loisilaga ama '' tilibinali''? ⁷ Dhaga ibo bando bano udja ina adja inde bonee ndo? ⁸ Naye bosikisi maano eboame li, sinde nsaoli ayogi ne : on'kondale ndao sinde oweyamene, okoli hele. ⁹ M'pa naye okoli tonda la bato, okoli budjede, ''salia'' nda Mokonga aokalea sinda mochweka. ¹⁰ Anga imbe asikisa maano bhuu, inka antaloki moti, ataloki bhulibhu. ¹¹ Ngaama imbe aimeno ayongi: otetai, abayonga: oolai. Nengee noondogo teti, inka obomoa nto, iwa otaloki '' saliali''. ¹² Boyonge na bokole na boubha sinde ama boteisa a '' tribinale'' nda mokonga. ¹³ Anga ''tribinale'' nda Mokonga inda na lokoo anga n'to nde ndaga ayakoli lokoo. Lokoo nda Mokonga aan'tate'a ''tribinali'' nde. ¹⁴ Badhami, ana boumu sina imbe ayonga ate anebei Mokonga nanda akola bodja? Ubha la Mokonga bosa anga namisa kwe? ¹⁵ Dhasu kota na dhasu nsea na ndaga bana bhongo alola na ndagwe bana inde balea, ¹⁶ na dhasu moti aba aengodea ate: bogaaye, boote insa na bokute! na ndaga aeboi ema nde balaeli au, ana boumu sina? ¹⁷ Aande bo a ''imani'' li: '' naye ndaga na mobili, ''imani'' ndo aku. ¹⁹ Olebei ote awe nde Mokonga iye nganga, oyongi hele, na baketi li naibo balebei aande bo, na batetemana. ²⁰ Bhobho, okaba nde ote oubhe sinde ''imani'' li makanga mobili inda na boumu? ²¹ Abolahamu, abhasu, Mokonga indaya n'tangeli bodja teisiala mobili, bheno nde ahaholi nae Isaka a n'tatea ndekele? ²² Olengi sinde nde '' imani'' li ai abaemeani ankindi na mobili, na angaa mobili li '' imani'' li ayatongnani. ²³ Angi'ndo nsaoli ayongi te: Abolahamu aya negei Mokonga, na indo ayi tongananisi, na aba bakoga abho aya. ²⁴ Bolenge sinde mobili aangisi ntoli abe na tonganana, ama kanga na ''imani'' li asunga. ²⁵ Lahabu n'teti niye ndaga aya tonganani nde angaa mobili, bheno nde aesesei batomi-bhino na aba aeteisisa ahe angboo? ²⁶ Sinde nkeke inde ndana meema aku, na ''imani'' nde nda kola mobili adja aku.