¹ Yakobo, mokobe ne ma Mokonga na Yesu Klisto, aendua moko na ibale nde abuananigi, bhino sina! ² Bandami, bolenge sindeli nde mayalibu nde beteisa auu nde ande bunjeme mati, ³ na buubha sinde mayaliboa imani anu abota midilia la meema. ⁴ Naa indo atoleli bubiliana anja, ngaa bobe baanja makanga gua. ⁵ Naye moti angala nu anda na maako aubha la bonja, imbe agabha makanga lehisa. ⁶ Na omeme noubha sinde nde anda opa. Ngaa n'to nde atekiteki a n'kegi kokisa an'tata genji. ⁷ N'to mabo aesobelai bala na ema anja toala nga Mokonga. ⁸ Ande bhobho ainde akola bhuu. ⁹ Na bande bana bowede baebhebhele bowedw dhabo. ¹⁰ Na ntondi aebhebhele nde anee ngaa auma beteisa bia ''maowa'' kasa. ¹¹ Manili anjogi, abasisi kasa li, na '' maowa'' ae agu, na bugisa la bonja lae: na sindindo bande bana ntondo bauma bagua nee a mobili ndabo. ¹² Bonje;e anga nto nde alebei inde an'kidii, ngaa sugiala indo, naye a '' vumilii'' mayalibo'' nde an'kidii, auma lola kuku a ngebe nde abeeli bande bankondi. ¹³ Abai nganu ibhe ayonga te ama adjede nde an'kidii Mokonga iye yeu abhisi eyu. Anga Mokonga inda na budjede na indanga ndema nto. ¹⁴ Bosebose nda Kela nto yeu a anholela mankengeo ndae iyemene. ¹⁵ Bosebose ndo naye amoti ababota budjede, na budjede ndo naye amoti ababhisa kukua. ¹⁶ Bandami, nto aano dhemai: ¹⁷ Bonjala lokoo na ema nda nja nde bhuu atoi nigoo, anga Ebha nde ma bobhu, imbe nda angae bootiaga. ¹⁸ Ayasoboti aekondi ndae, ayongala domi, bia nde nga benja mososolo nda bande aetelekisi. ¹⁹ Bandami, boubhe. Sinde nde kela nto ahumane aokanea, na yongala ahu, na bowede a bonjoki; ²⁰ nga bonjoki inda toleli anga Mokonga. ²¹ Na ngeli ndo, na bookenga la na budjede li bhuu, na kela budjede nde ateisili, bodhungile yonga nde na meema anja, na aanga lamisa meema nu. ²² Bokolise yonga nde booka au, na booboselai aokaneali bosa, na boondemisagala benu baamene na maako adjede. ²³ Yeli nayeaoki adha yonga nde, na konata li, ande sinda mbe aelenga a mongalia, ²⁴ na mbusa boolenga li, abaga, na aba ebosela. ²⁵ Impa imbe auma alenga maano ndadja, maano la budjeme na abadja na mohuo, naanda nde mookanei m'boseli, impa imbe aehahola a mobili nda Mokonga, amadjanga a mobili ndae. ²⁶ Abeyeli na aaka ate amubha Mokonga na ana edaa adjede, na aedhema iyemene, dini ndae ande aboobo. ²⁷ Dini ndadja na kangana budjede, mosala Mokonga, a Bhasu, ande nde aelenga bangubi na bamekusa asuba bungu ndabo, na bookanisa budjede nda na leengo oni.