1
Sungiali nndai betoisi midila la meema, bea belebea tiga la '' Athena',
2
baa be n'tea Timoteo, nd'asu, mokobe n'ema Mokonga a n'kasia lhabpa la bhino ndadja nda Klisto, aa be n;tea loongonu ngano moe ekanda a bhino'a lebea la Mokonga,
3
ngaa ata moti angal'anu a nobai; ngaa boubha benu bamene sinde noba bia indo aangai asoobela.
4
Na sinde bei ama imoti na benu(bei m'pitiaanu), naye beno ngodei mosa sinde benoba, bia indo asokidii, na sinde boubha nee.
5
Na nga indo, sinde ndaaye nebubilii mobilili(n'kasili), neba nen'tea imbe nga neubhe sinde bonebei Mokonga, na nea eboboo la ndemigi indai a ''pimi'' dhema lanu, kesi mobili nde bei bekoli akuai bosa.
6
Mpa Timoteo, akidi esesene nde ani longonu, abhii asu na bhino anja sinde bonebei na ekondi nde bonee, ab'asongodea sinde akiboika na bosokanisa, na bokondi aona lasu sinde bekondi nee betebeno kidie.
7
Indo, dhami, asuba enobi nde bhu na laka ndo, inde aso hii, ande sinde bolebei Mokonga.
9
Neboli sinde aaga be n'sesea nee Mokonga a bhino'anu, abudjeme nde benee anganu, mosala Mokonga!
10
Kiia n'etonge, be mema na mohuo nga ekondi'a ''onana'' na m'palanu go inda abolani a lebea ndanu.
12
Mokama abiise anganu, na anga besu bobhu, ekondani nde benee anganu,
13
Anga be kandise meema nu na boike hele asuba bobhu mosala Mokonga Ebha, esala bhia la Mokama ne masu Yeso na ba ''takatifu'' li bobhu.