¹ Inde aibe akengengetisa li beyi beokiau , inde ai beoni au na isoasu, inde bei begalia, na inde njagaasu aya bhedei, inde alengeleli yonga nda Ngebe. ² Ngaa ngebeli ai ahobeli na aibe oni adhau na be lebei bete ande domi, na indondo beeno labhela mbino angebe a meyo inde ayaiki bhila Ebha, na inde aya bahangiani angaasu . ³ Inde bei be oni au na oka lau, beno tomila, anga na benu bobe na mpita imoti na besu, ngaama mpita indaasu ande imoti na Ebha na Naae Yesu Kilisito. ⁴ Na besaa ema nde nga bodjeme indaasu abe ati. ⁵ Mbino nde bei begoli angae nabe no tomila ande gea la bete MOKONGA ande bobhu na elie indoo asubae neede. ⁶ Naye beyongi bete bea nkindi naaye na betamba a elie, beyonga mbea. ⁷ Naye bea bobhu beankindi naaye na nsangi a Yeso naae aaso sosa ⁸ Naye beyonga bete inda bena budjede, beedhema besu baamene, na domi inda aasubaasu. ⁹ Naye bengoda budjede ndasu, indaetiaga nande N'to a domi ayongela lasu, na abhumisa laasu toa la budjede. ¹⁰ Naye beyonga bete indaga bena budjede beyongisa mbea na domi indaa suba asu.