¹ Baninde bamo, noono saela ema nde, ngaa bokolai go budjede. Nayeli naye akoli budjede bena nyongeli bhila Ebha, Yesu Kilisito imbe ndana budjede. ² Ande iye meene nkuulii nolii abudje ndaasu, kanga indaasu bosa, inka go naanda leengoli bhuu. ³ Naye be bhisi mahano ndae, iwa beubha sindande bemuubhi. ⁴ Imbe ayongi: Nee muubhi inka nanda bhisi mahano ndaae ande mbembea na domi inda asubae, inda nangee neede asubaae. ⁵ Inka imbe abhisi yonga ndaae, ikondi nda NKONGA ande nda domi asubae: Iwa beubha sindande bea subae. ⁶ Imbe ayongi te aiki asubae atoleli atambe nie sindande aya tambi ne iye meene. ⁷ Badhami, indagande mahano a MOKONGA nda ndiende inde neono saeli. Impa, maano nda kala MOKONGA ande inde ai ba oni a kengetisali. Mahano a MOKONGA ana kaala ande yonga nde ai booki. ⁸ Nangee bo, ande Mahano a MOKONGA inda ndiende, inde neono saeli, inde ande domi agae na ande asubanu, ngaa elie li aleleani na bobhu a domi a hobeli. ⁹ Imbe ayongi ate aa bobhu, inka nanda nkondi dhaae ahasuba elieli. ¹⁰ Imbe ankondi dhaae, aiki asuba bobhu na inda angae taloka la ema. ¹¹ Impa, imbe ankomi dhaae aasube elie, atamba asuba elie na inda ubha ama aga, ngaama elie adegisi isoae. ¹² Neono saeli, bania mbenje, ngaama budjede ndaanu balilii. ¹³ Neono saela ba Ebha, ngaa baoi bo mubhi imbe aa kengetisali. Neono saela Bakota naba sea boi bo ngbui n'keti. Nei neono saeli, bania mbendje, a ngaa boi bo mubhi MOKONGA. ¹⁴ Nei neono saeli, ba Ebha ngaama boi bo mubhi toa la kengetisa li. Nei neono saeli, bakota na basea bona kaala, na yonga na maano nda MOKONGA aasubaanu, na boi bo ngbui n'keti. ¹⁵ Bokondai leengoli na emande aaleengo li. Yeli naye akondi leengo ekondi nda MOKONGA indaga asubaae; ¹⁶ Ngaa inde bhuu aaleengoli, bosebose la ngobho, bosebose la iso, botondo abalabe, inda toa anga Ebha, a toela nde na leengo. ¹⁷ Na leengo li ateisa na bosebose laae, na imbe akola inde MOKONGA akondi atiga too. ¹⁸ Bania mbenje, bende a ndambia sungia, na sindende bai bano ngodei bhia la mbe aedjisa Kilisito na andi'ye, bande badji ndiende baati: Ngeelindo beubhi ndambi asungila. ¹⁹ Baabatoa angalaasu impa ndagai nde adha besu, nainde adha besu, ngaa nabainde adha besu ainga baika na besu, impa indo akidi ngaa ahangiane biande bobhu ndagande adha besu. ²⁰ Nangaa indo benu, ai booni edado angambe mabhu, nabenu bobhu boubha. ²¹ Nei noono saeli, gelebe te inda ga boubha domi li, impa ande ama boi boubha domi domi, na inda be mbea na sinde nde mbea ndaanga hobela a domi. ²² Imbo ande mbembea, ande imbo akomi biande Yeso ande Klisito? Angana sinde Yeso ande Klisito iye ande n'komi Klisito, an'komi imbo ande Klisito naandaga nde iye , andembe angana Ebha na Miili. ²³ Imbe a n'komi miili indaga go na Ebha, na imbe anabha Miili, kesi imbo ana Ebha. ²⁴ Boi boiki nde atoa la kengetisa lande ayaiki asubaanu. Nabe inde ai bookia au a kengetisa aasubaanu, bouma boika asuba Miili na asuba Ebha. ²⁵ Na beela nde aya sopi, ande bala beli nda meyo. ²⁶ Nei neeno saeli emande angaa bande bakaba bate bano helise. ²⁷ Angaanu, edado nde atoa a meema ndaa bhu imbe aasubaanu nanda ga bona bungu la egolisi; m'pa edado nde aono golisa emali bhulibhu na edado nde ande domi nandaga nde mbea, baike asubaae na bolenga egoli nde aya nopi. ²⁸ M'pa, andambi nde, bania mbenje, boike asubaae, angaa esande ama bhia beba-uma na maha domi, na siana la oni inda ibale behelai na beikai dholo ae. ²⁹ Naaye boubha sinde ande domi, boubhe sinde imbe akola domi aboteani asubaae.