1
Yezu jek ketiya ni nkayi te kule.Te tɔnpayibɛ sayi tehɔn.
2
mãyiãhɔn wo nã minɛmi,a kayi ntɛni nɔn sã Tepa nĩtiya wɔle.Te vlɛnawutɔn wo tek payi ni npɛ ju kɛ:<3
A nsayi sɛwu keni mariamu pihi ni zaki muni zoze ntãpo simɔn supi kɔnbo ni te dɔsiye pɛntó ndiya nɔnle,nbuɔkɔbó? Ni tɔ niya fɔ po napɛ po banã mãyi>>
4
Nimɛ Yezu pochiya kɛ: <>
5
Yezu ke fœpunã tiduk payi ketiya ni te mœ sanã kɔn jɔtɔn sug ɲɔn ni ppo jɔti.
6
Nɲɔnhɔn,po sɛnkɛ Tepa ɲɔn, kuwo te fœpu ni a kayi pɛ ntɛni a kunã nfiŋkɛn.
7
Ni Yezu te tɔnpayibɛ nɔbɔni juha ni poniŋ nɔn ni-ni, ni tetɔn hãyihi siye hɛ pokã
8
Kebɔn nani a pochïa kɛ po keke kuwaduk tœ poɲɔn a kœle kayĩtayi ni kiyãg kɔn: imi funã muni ɲɔn muni pœ kē lãni nwɛ iɲɔn.
9
nimɛ poni nãyikuwa dayi ni po keke flœnã ninã mã ndœli sewiɲɔn.
10
A tã po chiya kɛ: "Inake kayi wɛ ndeyi wœ nɛ le,ini tɛn ketiya fɔ npeyi nã i jegnãlɛ ketiya
11
Ni inake kayi tiyanɛ ni ketiyatɔn ke i vlɛna,inake pɛ jeg ketiya minɛ ini ibanãle siminã yegkuwɛ ketiya poni po pãyi nɔnɛhɛ ihɛn.
12
Po chiŋ nkayi ntɛni Tepa tiju nɔnlɛ kebɔn niyã poni sɛn Tepa tiɲɔn ni nsayi tehɔn.
13
ni po tutãyinã lele hãyi ni npɛ niarr mã jɔtɔn ni npɛ po sɛbɛ payi .
14
Ni kebɔn po deyi kutɛn Erodi niŋle komi Yezu ɲig napɛ tiya duglewɔ tœ,ni nɔn napɛn nju:"Zã batisi wo teviŋ njek nɔnkayinãle kebɔn wo je a pɛ nkuwɔni bayiwo tinã payi"
15
Nimɛ nɔnsug napɛ nju kɛ:"Elĩ" Posug pɛ nju mɛhɛ kɛn"Tepa tutuɛpayiwu yehe".
16
Herodi wo kebɔn nã,a tɛn npɛn nju kɛ: "Muna Zãnɛ ɲɔnkɔn tɔ wo teviŋ njek nɛhɛ"
17
Kebɔn niyãha Herodi na nɔn tɔmã nkayi te wœ po kayi Zã tɛn npo a te jatug te mɛn Filipu kayi Herodiya tœnã niya te kayihɛ.
18
Ni zã napɛ Herodi chiya minɛkele:"Nwɔk lɛ a kãna kepɛ nini a supi kayi tœ" . Ni
19
Te tayi napɛn Herodiya jœ ni a napɛn kelɛ nini a ku nimɛ a nake fã.
20
Êrodi napɛn tek payi Zã ya a na pãyi kɛ Zã nani nayi bayĩ muni a na ke pɛn tilɛ payi; ni a napɛn te jɔk.A wo te vlɛ na nti minɛ a ketã npãyi poni tœrr nɛ payi; ni a tãpɛ te vlɛ na nãyiwayinãhɛ.
Ni sɔnyesɔn wo po na ni npo nlã Herodi dudu viyahɛ ni a ɲɔn hɛ te tɔnpayiwutɔn ɲɔtɔn muni sektɔn muni Galile kule ɲɔtɔn kã po ɲɔn.
22
Ni Herodiya posuh deyi a wœle ni npɛ nyĩ ƒɔ tetayi nã Herodi mutani nɔnɛ napɛ nɲɔn te hɛn po diye. Herodi a sayipœk chiya:" A diye iyi nĩ nnɛ ni muni nkã sehɛn".
23
Nɲɔnhɔn,a tevu telɛ kɛ:"A nake kuanɛkelewɔ nĩŋnɛn muni nkã sehɛn fɔ npeyi nã te ku tœnug lɛ"
24
Ni a tevĩŋ nwuk ni te nug piyã:"M̃uni kuwawo niŋ?" Te nug a chiya:"Batisewu Zã ɲɔn niŋ".
25
A ɲã ntakœ ndeyi nkayi Herodi mã ni a chiya:"Npɛ kelɛ ini ɲã nkã Zã Batisi ɲɔnwa hɛ tesɛɲɔn.
26
Nɲɔnhɔn ke wo a kle nimɛ a ke fãyichi ndayi telɛ te viãŋ kãna muni nɔnɛ pɛn temã pubɔn niya.
27
A kutɛn ɲa te segwu ye tɔmã nkayi nug ani kayi a ɲɔnwa tœpo.Ni a kayi te ɲɔn kɔn te tug tiya
28
ni keda tesɛyole, ni npo a sayipœk kã ni a kayi te nug kã kehɛn.
29
Zã Batisi tɔnpayiwutɔn wo ke na minɛmi pupo te ku tœ nkayi nda dœkle po diye pukɛn tiya.
30
Ni Yezu ̧tɔnpayiwutɔn po tuwimã te jani ni puwokayi tinɛ payi muni nɔn sã dugnɛ po seduglewɔ iyãmã a chiya.
31
Ni.a pochiya:" Ibɔn ni ibiyemã nkayi tiyayo ni ini imãyã sãyinã."Ni kayiwutɔn muni vĩtɔn napɛn lœ ni wa yarr kepɛn polɛ ni nɲɔn.
32
Po deyi kurule ni powɛ nbiyemã.
33
Nɔn wo powɛ chiŋ tiya ni nɔn lele po tayi na ni a kuletɔn duglewɔ tu ni nmã po jani ketiya.
34
Yezu wo wuk kurunle minɛ ni a nɔn wɛ kœboduk, po ikuwarr a tɛn po napɛn a npeyi nju tɛnkɛn npiyɛ.A tamã npɛ po sã ti lele hɛ.
35
Ɲɔmi wo po nã te tɔnpayiwutɔn po jedeyi temã ni a chiya kɛ:«Suwã pɛn kelɛn ni nkó,ndiya dɔni bɔnfœhœ.
36
Nwɔk hɛ nɔn kã po ni wɛ nkayi po ɲɔɲɔn yi duwi kufœle»
37
A po chiya kɛ:«I po kãɲɔn iwœ.».Po a piya kɛ:«A pɛn kelɛ nani kayi imi funã tibɔ tayi duwi npo po kã po ni tah?»
38
Yezu po chiya kɛ:«imi funã nple darrwo pɛn ilɛ? I kayi ja.» po kayi ja ni nṗ a chiya kɛ:«Imi funã nple kle muni jeje nple ninã.»
39
A po chiya kɛ:« I nɔnkã poni tɛn tuwituwi».
40
Posug tɛn nɔn tikuɔkuɔ ni posug tɛn nɔn tini-pobɔbɔ.
41
Yezu a imī funã nple kle muni a jeje nple ninã,ni te ɲɔn ɲãg tɔgha ni Tepa niŋ ni a imi funã kɔnkɔk mã ni te tɔnpayiwutɔn kã se hɛn poni se diyœrr nɔn lɛ;A ajeje nple ninã diyœrr to ni po kã.
42
Po duglewɔ seta fɔ ni ntãg .
43
Ni a imi funã muni a jeje tɔnɛ wo mvĩŋ te tɔnpayiwutɔn se kumã fɔni duh nple ninã jug.
44
Nɔnɛ wo a imi funãtah, po napɛn nɔn puŋkuwɔ.
45
Ketiya,Yezu ɲã te tɔnpayiwutɔn chiya kɛ link deyi kurun le ni nmã te jani kuɔyɔ jamɛ nkayi Bɛtisayida mãni sani mun̄ nwɔk hɛ nɔn kã poni chiŋ.
46
Yezu a nɔn chiya poni kayi po bunã le.Telɛ nɔn tɔmã ntina,a chiŋ a'nkayi dœ ɲɔng he tɔgha ni Tepa niŋ.
47
Ni suwã wo po nkó ni te tɔnpayiwutɔn je a kurunle,ni Yezu wœnug napɛ suwatã.
48
A wo wɛ kɛn kurun tumã wo te tɔnpayiwutɔn kle ni nɲah napɛn po ja. Suwãdɔmĩ a jek ni nkœ nĩŋ ɲɔn ni nkayi po mã ni a napɛn kelɛ ni po kɔmã nchiŋ.
49
Puwo a wɛ minɛ a pɛn nkœ niŋ ɲɔtale po sɔn kɛ nayipi mœrr ni nkœ ni po iyã.
50
Ni po duglewɔ na a wɛ ni tek potɛn.Ketiya Yezu ɲa nvlɛ polɛ ni nju kɛ:«I inãyitɛn ,muhu,i keke tek payi»
51
A teflɛ ndeyi pumã a kurunle ni a ɲa ɲĩg nug. Ke po fœpu nkayi kamã nchĩŋ.
52
a na fœpunã tinɛ payi a imi funã tile;po nake kebɔn jawɛ,po hãyiplɛ na feyika sebɔn tinɛ pãyinãhɛ.
53
Puwo a baa kati,po kayi Zenezarɛti kule ni npɛn Tepa niŋ.
54
Puwo wuk minɛ kurunle,nɔn ɲa Yezu pãyi,
55
ni po tukayi tiyanɛkelewɔ ni nɔn na nah kɛ Yezu pɛn tiyaho-tiya,pó jɔntɔn tɛn nkayi telɛ.
56
Yezu nakœ kayi kuwókule nɔnpɛn jɔtɔn tɛn npo ni a niŋ ani fãyichi poni wɛ ntumã te fœ viãŋlɛ.Nɔnugnɛ wowɛ ntumã telɛ pubɔn jɔtĩ ni fafa deyi polɛ.