¹ Pœ wo nã Gadari tɔn kule yɔ jamɛ ŋɔn, ² Yeezu wuk mi kurule,tetɛnŋ tɛ ye wuk dek le ni po te jani. ³ A di na pɛn n'sɛn deknale.Nãyi na ke ƒã a bâ ale jar derr hɛ. ⁴ Susun hɛ,pœ na pɛn jar mã te banã le ni te muhɔn nã ba jɔrɔkɔ nã hɛ,a na pɛn se duk le kuɔk ni nãyi na ke ƒã a tɛn ⁵ Mitɔn sekã a na pɛn n'tɛn a dek nɔn muni a ŋɔnnɔnŋɔn ni pɛn ŋa ni pɛn te wɔ sɔ duhɔnɔn hɛ. ⁶ A wo Yeezu wɛ tiya sɔ,a tukɛ a ja ni te sɔmɔn te jani ⁷ Ne pɛn ŋa ni ju kɛn:kuwa pɛn mu muni ɔ sitar le ,Tepa pidi Yeezu, n'pɛn ni Tepa. niya,n'ke n'ti ƒɔk. ⁸ Yeezu na pɛn a chia kɛn: wuk te bɛnsek lɛ tetɛnŋ lɛ. ⁹ Ni a piyã ɔ ŋik hɛ nɛ? A chia mu ŋik wo Legion ke kuwɔr wo nɔn pɛn le. ¹⁰ Ni ŋɔn pɛn Yeezu ni a ke pœ mã kɛhi ku nãhani. ¹¹ Hle nɔn ye na pɛn vik tâ a ŋɔn bopo le. ¹² A tetɛnŋ nɔn Yeezu chia kɛn:nɔn mã kɛhi a hle nɔn le nɔn ni kɛhi vi se le. ¹³ A wɔ hɛ se kã ni a tetɛnŋ nɔn wuk n'kɛyi dehi a hle nɔn le.A sɔnkle hle nɔn duk le tu dehi a yɔ le ni a yɔ se ŋɔn. ¹⁴ Se tɛnhɛn tɔn tu ni kɛ ke ŋã biya muni klin nɔn le.Nɔn na pɛn kɛhi ja ter nɛ wo pɛyi. ¹⁵ Pœ po Yeezu mɔn,ni po a tetɔn tɛn tɛnnɔn wo ƒle le sɛsɛhi.Tek wo pœ duk le tɛn. ¹⁶ Nɔn nɛ wo a ti pɛ nɔn wɛ,na pɛn pœ chia n'tɛnɛ wo a tetɔn tɛn munia hlenã nã. ¹⁷ Pœ ŋɔn tiya ni pɛn Yeezu ni kɛn a ni jek tɛnhɛn pɔn ku le. ¹⁸ Te dɔhɔ mi a kuru le,a tetɛnŋ di a chiya kɛn puni sɛhi tehɔn. ¹⁹ Yeezu dɛhi ni a chiya :kɛhi a bule a nɔnmã ni pœ chiya Tepa wo n'tɛnɛ pɛyi a lɛ muni,a yikuar wo a tɛn duk nɛ. ²⁰ A kɛhi ni pɛn nɔn chiya kã tiya nɛn kɛle Yeezu wo n'tɛnɛ pɛyi tilɛ.Pœ duk le fœ puk. ²¹ Yeezu wo kuru tɔ kɛhi yɔ jamɛ ŋɔn,nɔn lele po temɔn,a na yɔ bopo le minɛ. ²² Tepa ni wɔ jani tɛn Jaïrus wo a wɛ minɛ a ŋɔn po te sɔmã te jani, ²³ ni pɛn a bâtɛn ni kɛn:n'pusɛ pɛn kelɛ ni ku,po a mɔ mã teŋɔn a ni vuwɛ wɛ. ²⁴ Yeezu sɛhi tesɔn.Nɔn lele sɛhi tesɔn ƒo n'pɛ a tukmã tiya. ²⁵ Sɛhi yo na pɛn tuhɛn kuwɛ nã jɔ hɛ,ke yî bɔn ninɔn wo nɛhɛ. ²⁶ Te ja wo viã dɔtɔr nɔn mɔ le.A pó lele vlek n'ka,kuwa pɛn tarmã tiya a jɔ ŋɔn,a ke vuwɛ wɛ. ²⁷ A wo Yeezu tɛ na,a po nɔn le ni tumã Yeezu ƒle lɛ ti nãni. ²⁸ A na pɛn ju kɛn:muna wɛ tumã te ƒumu lɛ,munivuwɛ wɛ. ²⁹ Kɔn minɛ,a tuhɛn kunɔn ŋik;ni a wɛ a vuviã ti. ³⁰ Yeezu ŋã pɛnŋ kɛn ƒãka yehe wuk pu le.A ŋik ni nɔn piŋã,n'wo temã n'ƒumu lɛ? ³¹ Te sɔn tɔn a chia kɛn:nɔn pɛn n'tukmã ni a pɛn n'piyã kɛn n'wo se tumã a ƒumu lɛ? ³² A ja kɔn te bopo nã lɛ ni pɛn te tɛn ƒiye. ³³ A pi ŋɔn po te sɔmã te jani ni a chia n'ŋɔn duk le hɛ ni pɛn siya. ³⁴ Yeezu a chiya, n'pusɛ,a Tepa ŋɔn sɛn nɔn wo n'jamã.Kɛhi vuwɛ hɛ,ni a jɔ ni ti. ³⁶ Yeezu kɛ a vlɛ nɛn tɛn,ni a Tepa wɔ jani tɛ chiha:n'ke a fɔ mã,sɛn mu ŋɔn. ³⁷ A ke ƒɛnchi nɛnŋ a tɔmã ni Piɛr Jak muni te mɛ Jã mar kɔn. ³⁸ pœ wo nɔn a Tepa wɔ jani tɛn bule,Yeezu nɔn lele wɛ po pɛn mi ni ŋa. ³⁹ A dehi ni pœ chiya: kuwâ n'wunk muni minɔn wo i lɛ n'buhɔ? A sɛpuk ke ku,a pɛn n'de. ⁴⁰ Pœ na pɛn a pɛmã che.A a nɔn duk le vlekmã ni dehi mutãni a sɛpuk nã,te su muni nɔnnɛ na po tɔmã kɛhi. ⁴¹  tɛn te mɔlɛ ni a chia:Talita Kumi ke kuhɔr wo kɛn a sɛpuk ni jek. ⁴² A sɛpuk ŋã jek ni pɛn n'ke.A na pɛn yi bɔn ninɔn hɛ.Pœ duk le fɔ ŋɔn po puk. ⁴³ Yeezu pœ tãhã chiya pœ ke ke nɛnduk chiya tiduk hɛ,ni pœ chiya po nɛ a sɛpuk kã ŋɔn hɛ.