¹ Yeezu wo te vi kɛ dehi Tepa nihi wɔle.Dihe na pɛn ketiya,te mɔ kunã na pɛn. ² Punã pɛn Yeezu tchiɔmã ja,ni n'te a pi te sɛbɛ pɛhi juwifunã taviahɔn:te sɛtinã niya. ³ Ni Yeezu a mɔ kudi chiya:jektɛn nɔnle. ⁴ Ni a pœ piŋã:kelã juwifunã tavihahɔn ni tilɛ walima ti sɛbɛ pɛyi,ni nɛŋ jamã walima nɛŋ ku? Pœ dukle wɛhi tɛn. ⁵ po ƒiŋjanɔnle sejɔhɔɔ,a pœ nɛŋ kɔnɔn,tchɔmɔn ni a di chia:a mɔ tãpo, a te mɔ tɔn ni a mɔ jenɔn ŋã ti. ⁶ Ƒariziɛn nɔn muni herodiɛn nɔn ŋɔn wuk ni pœ wɛ te kuhu tile. ⁷ Yeezu mutɔnɛ te tɔnpɛbɛ pœ mãbɛ n'kɛyi yɔpak mãni.Nɔnlele sɛyi te sɔn n'kɛyi Galile muni Jude. ⁸ Nɔnho te ti pɛyinɔn nã Jerizalɛm muni Idume muni Jurdɛn jamɛ muni Tyr mutã po Sidɔnle,pœ sɛhi tehɔn. ⁹ A tetɔn pɛbɛ siya kɛn pœ nɛ te dehi kuru tãhã te ƒɛnnã niya nɔnlɛ. ¹⁰ A nã pɛn nɔn lele sɛbɛ pɛhi mikɛ,,jɔntɔn duklow na pɛn powɔ sumɔn teŋɔn niwɛ tumɔn telɛ. ¹¹ Tetɛnŋnɔn na wɛ minɛ, pœ pe sekur sɔmɔn te jani,ni pɛn ŋã kɛn:''A ni Tepa pihi''. ¹² A na pɛn pœ chia n'kɔ,pœ kœkœ pœ duk ju nɔnlɛ. ¹³ A ti ni dɔ ŋɔn tukya ni te dihe tɔn juha pœ po temɔn. ¹⁴ A nɔn bɔnninɔn jatɔ ni pœ mɔnkɛhi Tepa vilɛ ju. ¹⁵ ni pœ kã tetɛŋnɔn hɛnŋi ƒãkãhɛn. ¹⁶ A nɔn bɔnninɔn wo:a simɔn ŋiŋk sã Piɛr. ¹⁷ Yeezu Zebede pidi Jaki muni te supi Jã ŋiŋk sã Boanɛrzɛs ke kɔr wo bɛntak pidi. ¹⁸ Andere,Ƒilipu,Bartelemi,Matiye,Toma,Alƒe pidi Jaki,Thade,Simɔn nɛ pɛn jek Kãnã ¹⁹ muni Juda Iskario,n'tɛnɛ wo Yeezu tɛnkɔn.Pœ po vi kɛhi bule, ²⁰ ni nɔn tã pi tuyimɔn ƒo pœ na ke fã pœ ŋɔn ŋɔn. ²¹ Yeezu nɔn wo a tipɛnɔn na,pœ po te tɛn tiya ni pɛn ju:''te ŋɔn ke pɛn puhɔ. ²² ''Tepa vlɛ nãwãrhutɔn nɛn wo jek Jeruzalɛm wo ju:''Tetɛŋ nɛ ŋiŋk wo bɛlzebule pɛn tile,a pɛn a tetɛŋnɔn hɛnŋ tɔ ŋiŋk hɛn. ²³ Yeezu pœ juha ni teŋ bɛhɛmã pœ hɔn kɛn:''Tetɛnŋ ƒã tetɛnŋ hɛnŋ dukho? ²⁴ ''kunɛ na ke wɔ tœ,kɔn kunɛ ke ƒã muhɛn ²⁵ muni bunɛn na ke wɔ tœ,kɔn buhu ke ƒã muhɛn. ²⁶ Sutana na ke pɛn nã te wɔ lɛ,te tœnɔn pɛn ,a ke ƒã muhɛn,a pɛhi te wɔ lɛ. ²⁷ Nɛduk ke ƒã dek ƒãka tɛn wɔle ni ti yî tɛnchi ni a ke a ba. ²⁸ Muni i chiya n'ŋɔn hɛn,nɔn tilɛnã muni pœ vlɛn lɛ kɔn dukleho n'pi da pule, ²⁹ nipinɛ na Tepa murn tɛyi vlɛlɛ,ke kɔn ke da tile:ã tɛn tilɛ pɛyi tɛnhɛn. ³⁰ Nɔn na pɛn sɔn kɛn tetɛnŋ pɛn tile kɔn a vlɛ n'bɔ. ³¹ Te nu muni te supi po ŋin kɔnkɔnŋɔn ni nɔn mã kɛhi a juya. ³² Nɔn na pɛn tɛnɔnhɛn te kīnkīnhɛn ni pœ a chiya:kuwo,a nu muni a supi pɛn a tɛ piyã kɔnkɔnŋɔn. ³³ A pœ piŋã kɛn:n'wo ni mu nû,ni nɔnwo ni mu supihî? ³⁴ A ti ni te kīnkīntcn vlake,ni ju,nû muni n'supi wo. ³⁵ N'tɛnɛ nã pɛn Tepa diye tɛyi pɛyi tɔ ni mu supihi,n'dɔsu muni nû.