¹ Yeezu wo te vi po Kapɛrnãhun mitɔn dar ye chinã le.Nɔn wo na minɛ mi kɛn a pɛn, ² nɔn duk loho tuhimã tina te pudu wɔ biya muha,Yeezu tamã n'pɛn Tepa vlɛ ju pœ lɛ. ³ A na pɛn sã minɛ mi,nɔn po spuk tɛnyehɛ telɛ.Nɔn ŋiã na pɛn te tɔ nɔn hɛn. ⁴ Pœ na ke fã vlɛ telɛ nɔn le kanɔnhɛn.Nɔnsun kɛhi kesɔn ja yehe ni a spuk damã,Yeezu na pɛn wɔ nɛn le. ⁵ Yeezu wo pœ nɛīŋ wɛ minɛ,a spuk chia:N'pi,a tipuk kɔn wo da ale. ⁶ Tepa vlɛ nã wãrhutɔn na pɛn tɛn nɔnhɛ,ni pɛn sɔn pœ fɔle: ⁷ kuwawo niã dimɛ pɛn n'vlɛ n'bɔ? A pɛn vlɛ lɛ vlɛ:N'wo ƒã nɛnpi tilɛnɔn kɔn da ni Tepa kɔn? ⁸ Yeezu wo pɛnŋ te mur le n'tɛnnɛ na pɛn pœ fɔle,a pœ chia:kuwa wo niã i pɛn sɔn n'bɔ? ⁹ Kuwa wo tɛn ƒɔn ti ninɔn mɛle:A tilɛnɔn kɔn wo da ale wahâ,a sɛnsɛn kuwa tɔ nihi kɛyi? ¹⁰ Kɔn niã i ni pɛnŋ kɛn ƒãkã pɛn Tepa pilɛ ni nɔn tilɛ nɔn kɔn da. ¹¹ Jek ni a sɛnhɛ kuwa tɔ ni kɛyi a bule. ¹² Kɔn nɛnŋkã nɛle,a te sɛnsɛn kuwa tɔ ni wuk.Nɔn dukle ƒɔ pœ pu ni pœ pɛn Tepa nî ,ni pɛn ju kɛn :nɛn ke te hɛn duk wɛya. ¹³ Yeezu tɔn te vi n'wɔk yɔ baŋɔn.Nɔndukle sɛyi n'po te hɔn ni a pɛn pœ chia ti lele hɛ. ¹⁴ Te chiŋ mi a wo Alƒe pidi Levi wɛ tɛn na hɛn wɔ bupole.A a chia:sɛhi n'sɔn.Levi jek n'sɛyi te sɔn. ¹⁵ Yeezu na pɛn ŋɔn nɔnle Levi wɔ lɛ minɛ mi,nɔn nɛn ke pɛn Tepa wɔ ke,muni tilɛ nã pɛyi tɔn,kɛyi tɛn ŋɔn tiya tehɛn mutãni Yeezu tɔn pɛbɛ hɛ;nɔn lele na sɛyi tehɔn. ¹⁶ Vlɛ na wãrhutɔn muni ƒariziɛn nɔn wo a wɛ,a pɛn ŋɔn tilɛ nɔn pɛyi tɔn,pœ Yeezu chia:kuwaho niã a pɛn ŋɔn tilɛnɔn pɛyi tɔn hɛ? ¹⁸ Jã tɔn pɛbɛ muni ƒariziɛn nã na pɛn sun deyi.Pœ kɛyi Yeezu lɛ ni a chia:kuwaho niã Jã muni te tɔn pɛbɛ pɛn sun deyi,ni ɔ tɛnã ke pɛn n'deyi? ¹⁹ Yeezu pœ chia:I pɛn sɔn kɛn ƒur pɛyi tɛn na i juya,i peyi a fur ŋɔn dɛhi ni te tɛnã je i s'tarle? ²⁰ Sɔn pɛn peyi,sɔnɛ sɔn puhɔ tɛn n'peyi vlek i s'tarle.Kɔn minɛ mi,sun n'pi tamãhã. ²¹ Nɛnduk ke pɛn ƒo diya kuwa n'tari ƒo chiŋɔn ŋɔn,a ƒo chiŋɔn n'peyi ke diya tehe.A tenã n'peyi pek pɛyi. ²³ Sɔnye sɔn,Yeezu na pɛn ƒarkun suhã le.Te tɔn pɛbɛ na pɛn tesɔn n'pɛn a ƒarkun ŋɔn kɔk. ²⁴ Ƒariziɛn nɔn a chia:Ja,kuwaho niya pœ pɛn tɔn pɛyi mɛnyi viha sɔn? ²⁵ Yeezu pœ chia:Kuɔ wo Davidi muni te ²⁶ tɔn pɛbɛ tɛn sɔn nɛ sɔn,ni ŋɔn na ke pɛn pœ bupo le,puwo n'tɛnɛ pɛyi i ke kɔn pɛnŋi wo? A ke deyi Tepa wɔ le wo? A ke Tepa bur tɛ pœ s'ta tɔ muni te tɔn pɛbɛ hɛ wo? Abiatar na ni Tepa sarke vlekhe ŋɔntɛnhɛ.Nɛnduk na ke fã ƒɛnchi bur nɛ ta ni Tepa sarke vlek ŋɔntɛn kɔn. ²⁷ Kɔn na ni a pœ chia:mɛŋi via wo pɛyi nɛpi tɛ niã,nɛpi ke pɛyi mɛŋi via tɛniã; ²⁸ kɔn niã Tepa pidi pɛyi mɛŋi via ŋɔntɛn hɛ