¹ Un mwakpi na fit kon nyhi mu zani un satih an ruvun sek kumi a yende ankusu mu yha mumi nang a napsa. ² An ruvah rikwang rimi azuwa rin rih apituwah pu sek kumi. ³ An nighi inung a rotoh ma zuwa ripuhm ri pikarnna Yesoh. ⁴ Mun wana ken, adhaor kami nang avhanduruwo anre zaku reghe a yar an yazare yhon an yhen nan makusu masin terereh. ⁵ Ken nan anyogho mi ama ra pok ukhau anre anku tukuruwo anyen a jhas awar ku kahau an verun nyogho mi awoh yenneze na insin rishi piya war ana yah amah kizih? Izayi nah kinih imah, cho insuwnu ken nang i mah verveneh nang ayini in royu ri un Galili, ⁷ awoh an roh pivezene ppiyar ana charah nayi vang an dhankhare yi, katuk katar igurah cho. ⁸ Anyogoho ami an dinni ikusu nang imah vere yhan. ⁹ a nighe a tek ku sek kumiaka migha a rikirih-api-yar-urhao an kusu su mumi nang amanzu. ¹⁰ adhaor kami ki mar yamu magadaliya, yuwana , Maryamu munu Yakuvu nangi a manzu a nyogho anka migha agwekseni an kusu mu. ¹¹ Agwekseni an zika vereh mi ne ki kusu ki zakin matin an ritih rume nang anyogho mi. ¹² Nan ken Bitrus i cho a sumah a ka ravah unsek kumi, a kagyumwo a sin rengze annre iku reghe Likafan rindi utegherin. Anre Biturus iku naogha a jara yi un rarah ku yi asin dinni i kusu keh wanah. ¹³ An rim avah innug un yhan an sin jarah rah ma kanung rong kuroh na ku kaghakun awoh imawus kumi nang uranganukun ureh inil ureh ama kanun Uirushalima. ¹⁴ An seri masarah aritih ren kusu moh wanah. ¹⁵ Mun wanuwoh, a seri masara mami a sin ripsi atih yhaon, Yesoh aritih ri yi ikotok arah jarah nan yhaon. ¹⁶ A yhize yhan aroto pi yaghatekeh yi. ¹⁷ Yesoh i vere nan yhan, yemi nang in sin verveneh uvah ken nang in sin jarah? An yazane a teghkmiara seri rikazheh. ¹⁸ Piyhar urhao unyhan rizayi riyih Kilyobas imaneh yi pigi utebu priun Urushalima pi zaku yha ankusu mnmi mo wanah ana tuk arah? ¹⁹ Yesoh ivereh yhan awoh anke nang an mane yiwoh anang aritih ri Yesoh piya yNazarat umi ireh annabi, piriseh ni unang a gwakazi nang maverveneh masirih nang ayhar na sang. ²⁰ Nan ken nang aya gwakazi ama Firist nang awomoh a roh yi awar kamateh awoh an wun yih angura dhankhareyi. ²¹ Tima reneh asuwhu awoh yhi enka tazooh Isra'lia yi, zah anang ara, ama rarayhi katuk kitar na anang ara ama wana. ²² Anreh arong anyogho inung umwuri rene iri ti dinni, amma kana usek kumi unmwapki nafit. ²³ Kadhaor kami na arotoh ma zuwa pirong, an ruvah, akuvereh yhaon amareyhe u wa'ayi u malaiku mami ma very unyhaon awoh. ²⁴ Arong arumi ami ama rih nang awuri un sek kumi an kanu sek kumi, aka zuwa kun kennang a nyogho mi avere anreh anku rotoh ma rehe yhi." ²⁵ Yesoh iverun yhaon," Ayhinimabanah ma rumih nang na suhwu na rih na za'ak-urume ankusu mumi nang annabi ima vere! ²⁶ Mun ku zah kuri uwoh Kristoh iseze urere ynkusu mu, a gura ka ninghr inung atiwomoh ti yhi?" ²⁷ Inung a maseme, ama zika nang Musa amaka jaha nang annabawa, Yesoh ima mi'ah yhaon ankusu mumi mure muyhi inung anavere a Siri. ²⁸ Amara pati uroh kumi nang arama kanam, anreh Yesoh ikura jara ne ekurama ka vharhao. ²⁹ anreh anku veruh yhi, akuwoh,"zohmo nang awuri, awar kuwo ararayhi marong anre katuk kan rama wana." Anreh Yesoh iku jara yhi aka zohmo nang yhaon. ³⁰ Muma wana ken anreh, adhaor kami nang ima zohmo nang yhaon asa an rih i zika ufaowhari, a zikine kun, anreh iku gbwekpwe, anreh iku roh yhaon. ³¹ Anreh ayizi ayhaon an wontoh, anreh ku yha'oh-taoke yhi, anreh iku vintya an nyen muyhaon. ³² An vere anatih ayhaon, "Na suwhu na wuri nang kuma zah kusin seme un wuri, adhaor kami nang imasin vervenun wonzono a vereh-siri nang a wuri? ³³ Anreh anku cho adhaor kami an re amku naonghao un Urushalima. An kazuwza agbwekseni arikiri-a-pirha ateghemi, nang ayami ama rih nang yhaon, ³⁴ anku vereh,"pikarma ima cho a rivin, ima cira nan Siman." ³⁵ Anreh anku miyha yhaon ikusi mi ke wana unrinah, nang kennang Yesoh ima sa'ah yhaon atek ku gbepkwe ku faowaori. ³⁶ Asin vervene anang arah, anre Yesoh a ritiriyhi e yenzene a tete kayhaon, a verun yhaon"mavoak man wan unyhin." ³⁷ A mazakuguranu akura yih'a ripuhm nang ukhaowo, ako boko ankuma reyhe uvik. ³⁸ Yesoh iverun yhoan, "yemmi erene inpok ukhaow yemmi erene na riip nang rih ana suwu na yhin? ³⁹ Reyheni na can nanang nang na vinah, areh mini aritih rih nang. Rikenim agura reyhe . Kuvik kuzakun ina ma nang akuvuh, kennang enrehem unrih." ⁴⁰ Kadhaor kami nang evere ken, anreh iku sa'ah yhaon na cara nang na vinah. ⁴¹ Anrotoh ma rume awar ka righaorhao anreh ankura dinni. Yesoh ivere unyhaon, " inri-ramgwa kurahao?" ⁴² Anreh anku rho yhi api sani pimah poksoh, ⁴³ Anreh iku zika arhao ana yizi a yhaon. ⁴⁴ Iverrun yhaon,"kadhaor kami nang ima rih nang ayhini, ima miyhi-ni ankusu mumi nang ama nuakara an a vere a Musa nang annabawa nang a Zabura awoh an koroh." ⁴⁵ Anreh iku wonoh yhaon na suwu, asa an yaotaoke a vah. ⁴⁶ Iverun yhaon,"ama nyakara awoh Kristoh en seze urere, enka cho ama kinuru atuk kitar. ⁴⁷ Ukuvuruwonuh nang uwharghanu ivang anka misseh ari zayi riyhi amajr'ari amayinzi, aseme un Urushalima. ⁴⁸ Inma reyhe ankusu muh. ⁴⁹ Ryhe, man tumihni ikusu nang titu nang ima rho- anaoh. Takani inung un roh amaka ja'ari adhaor kami nang arenini makusu mu siru umi a cira izoh." ⁵⁰ Anreh Yesoh iku yhanghaorhao amaka pattun Betanya. Izakpwao na cara na yhi anreh iku zikine yhaon. ⁵¹ Muma wana ken, adhaor kami nang imasin zikine yhaon, i jiyhi yhaon mim anreh an ku zikayhi amakana izoh. ⁵² Anreh ku tutuh yhi, an naogha un Rushalima arighaorhao rigwaki. ⁵³ Amaturih inung un-wata asin zikine a Siri.