¹ Yesoh ewo, una gwekseni ami, pirong imare pikarma ari phiya ire riti reyha ku tumzana yhi na kuma nan migya awoh, piyhi re riti rimi isi naze yi an kusu, ² Pikarma uruiku vere nan piyaor ine riti rete kutuma umi awoh, yen nan inpok a riti repu, ruva roh uvaru ikusu kimanine penzenku pi wana viti retegye kono naka ini. ³ Piyu tumumi ivere ritiri yin, "yenna man rene, piyu rara kunang rana sere ituma unang? In zama suru urikava a gurah pok an chin mu rise tanzu. ⁴ Nyao ikusu na mang riseh, "in yao knna man yelli, inna eh rikem un tuna unang, ayhon an seren ama rarah yaon. ⁵ Anre piya ire ritiri ku kanghah ayha na adorkoniyhen uvasi ipikarma uru, a rivi piyah zoni, awar na pimah sereh nang piyu rara?" ⁶ Iwo, ma gaura dari kuma mani," ivere yi awo, "sere ava apu, azomo a raokaoraoh, a nyara akiri ishi." ⁷ Piyu tuma'umi ivere pi muzu awoh, "Awar na pima sere/" Iwo, "mabuhu akiri-rikiri mu alkama." ivere yi awoh, "sere avah apu, a nyakara akiri manaziva." ⁸ Anre piyu rarah kuyi, iku riseh piyu tumumi zaku ri rivim uzambarka awar ku tipamba ti yi. Awar kuwoh nono nu rikuya, na dar kanah nari tipamba tu rise manang nang ayaor ayaon, apiri nam pezeh. ⁹ Ma woh nang ayini, riseni ijam nang ikorwoh izang irivim, awar kuwo inka re eravah anka serinih ana rara ami an ka zaku rasah. ¹⁰ Piyi rih rivin inkusu ki chini enka riseh rivin in kusu ki gwaki, piyih zaku rih rivin in kusu ki chini enka zaku riseh rivin inkusu ki gwwaki. ¹¹ Inna in rhoto ma yeni rivin in korwoh izah rivin, wami enka rume nan a yini in korwoh irivin? ¹² Inna in rhoto ma riseh rivin nh tuma nang ikorghe ivang wami en ka rohni a iyhin? ¹³ Bah piyu tuma nmi enka riseh a yaoar avah utuma, enka vonoyi piyade amma nang nmazu, ya irume nang anre ajeh nreh mim ban ka zaku dorkoro Asiri nang ikorgo! ¹⁴ Adaor kami a farisiyawa ami a suni ikorgo, anku pokoro a vereh nasang, an yelli yi a yak ¹⁵ Ivere yaon awo, ayini insin wuzze atih ayin anyhing mo yaor Kasiri ka yao na suru na yin. Kikusu nang ayaor asin ruze kin ti cirvu nang Kasiri areh kikusu kizizih. ¹⁶ Attaura nang avah annabawa a rim seh kadaor ku ruvu nYahaya. Adaor kami, anra seri a vuru rarah ko Siri, kowani isin righi irhem ritiri yi mim. ¹⁷ Awar ka manani muruwo an vere woh izoh nang kajas an chunuwo nang ku woh an chune piyarah pire in jarah e tunara. ¹⁸ Piya ezovoh pinyowo nsi ayirah nrhon eyelli ivang, pirumumi eyirah a piyowonmi nang ama zovoh yi eyelli ivang ¹⁹ Pirong nyi kongo ima rimi, nri imatu renen makusu mariv mi korgo a gwakane iku sin renteneh ko ka rike tuk. ²⁰ An tara pirong nyuwam an nang kayi riza yi rih yi Liazaru nmi nang ripun riyi na sang a reh a nhon ²¹ Iku suniiri amarinuru mami nang piyi korgo imi ekusin rhao man sin riksi, a sang an ku ruvah a sin reneh a nhor aripum riyi. ²² Mun wanuwo piya na tanzu nami ekeh an yenku mun ja yi nh pette ki Ibrahim, piyi korgo imi nna yi ekeh an kave yi ²³ i nun Hadis a sin sezi virah, ande iku zokkwo yizi izhe a reghe Ibrahim in ranganani Liazarus rin ri nh pette ki ni ²⁴ Ande iku kanyhe awoh, tita Ibrahim, pokoro ririllipovo rinang a tuma Liazarus, rin jokkwaro inuh kini a marmasir anang zuwunen arirem mim, awar kuwa iviran makun sin seze inung nh rah nrunah. ²⁵ Ibrahim inwo kono kayhe nang kukoh adaor ka pu pima seze marentu ankusu mu pu, Liazaru anreh ivurah nan rizin seze kini kasuvu ka rin, kasin nanzono inah pi pirah sezi virah ²⁶ Ararana azang ani kuwhok kari a titi ka wuri nang kabeth nang pirim, awar kuwo piyah en rakkwa ina ma ruva nang a yini enka zaku suska, nang piyah en rakkwa a tegmi ama ruva nan awuri ²⁷ Piyi korgo imi ivereh woh, nh ku tanzana pu tita Ibrahim, tuma yi awo ika mig nrara ku tita. ²⁸ Ivhri a komine nang , kishi awar ku woh ika kokone yaon ateh yaon mah an ka suka ruvi nan atek ki virah. ²⁹ Ande Ibrahim inku woh, ari Musa nang annabawa, ji yaon min an pokoro yaon. ³⁰ Anre piya ukhorghwoh imane, babu, tita Ibrahim, inang pirong ekana nang yaon ama kinirih, anka tuttuh. ³¹ Anreh Ibrahim iku vereh unyaon, "inang arotoh ma pokoro Musa nang annabawa, ini nang anka pokoro ayha ama kizi."