¹ Aseseni ana gandu na ayhi vang ama sin rupsah nang Yesoh an pokoro yhi. ² Nasang ko farisiyawa nang a nyakarani anra roghorono anatih ayaon akuwoh, piyaor uruh eku sere ayhi vang asin gura rhao marinuru nang yaon ³ Yesoh ivere unyaon, un misali awoh, ⁴ Wammi uyhin innan iri magam akiri rikiri innang e vizah kurhao inung a nan enka zaku jhao akiri manaszikah anreh iku nighe arimi a jarayi aka righi kurhao kumi ama zuwa kun? ⁵ Innang ezuwa kun ipana kun ana pemeh ayhi ara seri righarhao ⁶ Innang inang zagha unrarah ikagha ijam uyhi nang ajami a zomtoko, avereh yaon awoh kannim righarhao uma zuwa ugam kumi kuma wurum. ⁷ Insin misini ken nang righarhao rirh izoh innang piya ivang ere ejighin, apirka ayaor akiri manaszivah mami na roto ma jighi urise ivang. ⁸ Vah piriku nyogho en ka rih ampha mu makpuk rikiri innang kirhao ke wuru yhi, izaku wonoh ampeze aveze urarah kumi a reghe na zhak anu ka zuwa ⁹ Innang eka zuwa ikangde ajami nasang aya jami azomtoko awoh, karnin righarhao awar kuwo umma zuwari ipha kukpuk kumi kum wuru ¹⁰ Na kinni maku vereh unyhin, righarhao renka rih anyen muma laikuh ma Siri aririh rih piyhaor urhao ivang umi asere Siri. ¹¹ Anre Yesoh ikuwo, pirong uyaor imarih nonoh avah ¹² Kutank kumi kun vere u putu awah, titah, rhom ikusu kire kinang. iwamgza yaon an kusu muyi. ¹³ An mosoh tivah, kutang kumi kun kongsozo an kusu mu kun nasang mumi nang kurih ajarakun ama rong mayinzi marangani, imari kun ra ka wunza ikorghoi ikun asin zemzene an kusu mumi nang ku zakun usumun ara ikorghoikun unrih uwami ¹⁴ Kadaor kami nang kuma ruruh uwuma an kusu mumi nakuri an yelli irong igwom igwaki unrho kumi kun kawana piyuwami. ¹⁵ Kun jarakun nang pirong urho kumi awar kutuma ituma kan akap kayi kankura vigha ayi alade asin ruske ani marinuri. ¹⁶ Iku rhao marinuru mami ma taka alade ami unwassa kohni ¹⁷ Adaor kami nang kama udinni aguru nang ritih rikan, anreh kanku woh, arere awar atitah unang aku zuwa marinuru na gwakane, na un nuruh in seri ivura arama kha igwom! ¹⁸ Man jighi ina mim akana nana titah unanag avere unyhi awoh, "titah, imma risse izoh nang pighi ivang. ¹⁹ In zah kuri uwoh pi kangdem awoh pivezene upighi, vandarem uwana pirere upighi." ²⁰ Anreh kam ku cho ma kunah nang putuh. Kan rotuh ranghani putuh ireghe kan achi nan ririllipovo, asunze aka puru kan ayelli kan usumba ²¹ pevezene umi ivere unyhi awoh titah uma riseh piya izoh ivang nang pighi uzakuri uwoh an kangdem izoh ivang nan pighi uzakuri uwoh an kangdem awoh pivezene upighi ²² Putuh avere ana rere ayhi awo renni arakharhao ayende makusu marip arene yha reneyi ipa achara nang anka ana vinah ²³ Ayende pinagha pi gwaki acheske pin sani ti riseh righarhao ²⁴ Awar kuwa pivezene unang kimmah khao, kini ira wara immah ma wuru kina kima zuwana. An samu ra serih righarhao. ²⁵ Adaor kami piyar chiruh upivezene ima riyi arimi aramah guru ima paturuwoh urarah a pokoro masivah nang mayigha. ²⁶ Kangde pivere urhao riviyhi awoh yemmi ewanah ²⁷ Pirere umi ivere yi awoh komminah kapu ka ma guruh na putuh upiphi ikuma cheske pinagha pigwaki awar kuwoh konau kama guruh unrarah. ²⁸ Kasuwu kan wanta piyar cirvuh umi, izaku nighe inung, putuh ichira ujah, a tanzana yhi, ²⁹ Piyar cirvu umi imane yhi yi putuh awoh reghe, a tiwah tigwaki kini umah rise vu utuma, urotoh mah nanah vunom ikusu nang rewoh unriseh nang ke pirotoh ma nanah arhum awhan kacunu kami nan man riseh righarhao mim nang abichi ³⁰ Na kenn konoh kapu kamah zagha kami kanah nazevuha ankusuh upette ku mah vhamkpa-avha rhao pi cheske kun pinagha pigwaki. ³¹ Putuh ivereh unyhi awoh pivezene pi rih nang mini koh kawampah an kusu munang nasang mu reh mu pu. ³² Mureh murip tih risse righarhao awar kuwoh konau kapu kamama kha naki kama cho, kamama wuruh na kuma zuwo kan.