¹ Cette zohn avereh ami amah rihm,avereh ami amah rhi nang Kasiri,avereh amih amah rhe Kasiri ² Avereh ami amah rhi cette zohn nang Kasiri ³ Ankusu nasang amah napsa nan yhi, Nzah uyhi ana maroto napsa. ⁴ Inung uyhi kuvoh kurim,kuvoh kumi kure anpeze moyaor nasang ⁵ Anpeze mumi mumah rho anpeze inung amarini,marini mami manroto pirka usunu anpeze mumi. ⁶ Amah rhi pirong uyhaor umi na Kasiri kama nurkarayi,rizayi riyi Yuhana. ⁷ Imah ruva awar kuwoh imik kennang anpeze mumi muri,awar kuwo ayaor nasang anka rume. ⁸ Yuhana ima zaku rhe anpeze mumi ,imah ruvah awar kuwoh imik kenna anpeze mumi muri. ⁹ Awar kuwa anpeze murivin, mumi mohn rukseh anpeze na yaor nasang, mohn ruvah inung urikuya ¹⁰ Imah rhi inung urikuya;amah napsa urikuya nan yi, kurikuya kumi ku gura kaku yao yhi. ¹¹ Imah ruvah nan ayaor ayi, ayaor ayi amah roto sere yhi (ayaor ayi amah vono yaon yhi ) ¹² Madung ma yhaor ami a sereh yhi, arume nan rizayi riyi,imah rho yaon awara an wan nohnoh na Sirih. ¹³ Ayalla azakure urewu umanyo vah usunu uripumh,vah upiyaor,areh ureh oh Sirih. ¹⁴ Averh ami amah wana ripuhm a zomo inung uwuri.Tima rehe Mazir mayi.Mazir murao kurao nazik mami momah cira nan putuh,akori nan Mapes nan rivin. ¹⁵ Amajaha nan Yesoh, Yuhana imah miya arinyi rigwaki, awoh,areh piya muru nan nma verh amajaha nan yhi awoh ''piya enka ruva ateni kanang ipirihm cette zohn irihm. ¹⁶ Inung nkoronu uyhi nan timah sereh Mapes aritih rhi Mapes. ¹⁷ Avereh amateh mami amah rho teh cara ka Musa,Mapes nan rivin mamah ruvah teh cara ka Yesoh Kristoh. ¹⁸ zah pirong imah nana a reghe a Sirih arong kadhaor.Kasiri kurao nazik, piya igbappwa ni a suwa ka putuh ima rene an yaogaotaoke yi. ¹⁹ avere ara ani areh avere a Yuhana adhaor kami na yahudawa yumah ama firistoci nang lawiyawa nan yhi awori Ushalima an riif yhi, ''piyi wahmmi?'' ²⁰ Imah mane a sugwu Kuvaok,aroto sarayi awoh, 'mini nkakure Kristoh'' ²¹ An gura a rivi yhi, "Na wammi ireh pihyi pire Ilisha?'' imane "a zakure mini,''ayhaor ami an gura awoh, ''piku reh anabi?'' imane awoh,''zah ken.'' ²² Annu gura awoh uyhi, ''piyi wammi,awar kuwoh tika zuwa ikusu na tenka mane aya a tuma iri,yemmi na pen vere a majaha nan titih ripu?'' ²³ Iwoh,Nreh rinyhii rimi risin magha arimi ;'Rene urina oh Sirih unyezene,'kenang annabi Ishaya ima vereh.'' ²⁴ amah tumah arong inung ana Afarisiyawa, ²⁵ anrivi yhi awoh,''yemmi erene pisu zuzze ayhaor nna pizakure Kristoh vah Ilisha Annabi?'' ²⁶ Yuhana imah mane yhaon akuwoh,''mini maku zuzze nang mani-masir.Pirong iyhazi inung uyhi umi nan inh zaku yhao yhi. ²⁷ Yhi ireh piya en ruva atini kanang,tih timi tiri anaraka ayhi manka suskahm uvinzi.'' ²⁸ Amasin riseh anang ara un-Baitalami urappwu urdun,atek na Yuhana imah seri ubaptisma. ²⁹ Amasin cira ari manzu rikata Yuhana irhehe Yesoh isi jara maruva nan yhi ivere awoh; ''Tirkiri, khono kugham ko Sirih kumi konka zika izvang urikuyha! ³⁰ Yhi ire piya nan nma kuwo, piya enka ruva atini kanang ipirihm, awar kuwoh irihm cette zohn,' ³¹ Nzaku yhao yhi,mumah wana ken awar kuwo an verke yhi nan Isra'ila ikusu ke rene nruva a seri ubaptisma nang mani masir.'' ³² Yuhana imah rume awo, ''Nmah rhehe Mazir mansi tozzono neh kaputtu ama cira izoh,atarkuruwo unyhi. ³³ Nma rotoh yhaoghaothaoke yhi,piya imah tumahm nrise ubaotisma inung a mani masir ivere unang,'piya na penka reghe amazir mansin tozzono ataka uhyi,Yhi ireh piya iseri ubaptisma inung a mazir mavur.' ³⁴ Nmah reghe agura rumeh uyhi ireh Pivezene u Siri. ³⁵ Rhi manzu rikata reh vak,Yuhana imah yhaozi na agbwekseni a yhi avah, ³⁶ Anreh Yesoh isin jara, Yuhana iwoh,''Tirkirini ;khono kugham ko sirih.'' ³⁷ Agbwekseni ayhi avah amah pokoro kenna evere, an dorkoro Yesoh. ³⁸ Yesoh imah vanduruwo arehye an dorkoni yhi ivereh uyhaon akuwo,''yemmi na insuni'' an mane yhi ''Rabbi(pimiseni nna avandare) ³⁹ Iwoh uyhaon,''Ruvani a rehye.''amaka rehye ateheh na izomihm; atuk kami amah zomo nang yhi,awar kuwo ikorwo rikiri ima ra pati. ⁴⁰ Andarawus komina karumi ka Siman Biturus kama rhi inung ana yhaor avah ami pok avere Yuhana,anu dorkoro Yesoh. ⁴¹ Imah semu zuwa a kommina kayi ka rumi avere ukan awoh,''Tima zuwa a piyu waska ''(nna a vandare anwoh Kristoh) ⁴² Imah yende yhi nan Yesoh, Yesoh itirkiri yhi awoh ''piyi pire Siman pivezene u Yuhana,anka kuh kagha vuh Kefas ''(nna a vandare anwoh Biturus) ⁴³ Ari manzu rikata,Yesoh imah ra suni jara yhi n- Galili,imah zuwah Filibus aver yhi, ''Dorkorohm'' 44 Filibus imah reh piya Basheza, kurho ku Andarawus nang Biturus ⁴⁵ Filibus imah zuwa a Nataniyel avere uhyi '' piya na Musa ima nyakara inung a mateh nang anabawa,tima zuwa yhi ;Yesoh pivevene u Yusufu umi e cira n-Nazarat'' ⁴⁶ Nataniyel nama vere uyhi, ''ki ramwa kiriif kin maka cira N-Nazarat?'' Filibus ivere uyhi awoh,ruvah aka reghe'' ⁴⁷ Yesoh imah reghe Nataniyel isin jara makana nan yhi anreh ikuh vere majaha nan yhao,''Reheni Isra'ila irivin, u yhi zah tivata!'' ⁴⁸ Nataniyel i vere yhi awoh,''ini na peh yhaoghaotaoke!''Yesoh imah mane yhaon awoh,''Nmah nyen vu,pi zomi atii karoos, Flilibus irotoh kangde vuh. ⁴⁹ Nataniyel i mane, Rabbi,pireh pivezene u Sirih!pireh piwomo u Isa'ila'' ⁵⁰ Yesoh imane yhi awoh, ''awarkuwoh ma vere upu,Nmah reghe vuh unhaok kotih karoos;piyi pe rene rivin?pen renze ankusu muh pisazi muna'' ⁵¹ Anreh iku gura awoh, ''Rivin arivin ma miya a yini,inna ka reghe izoh in wonti,maleku ma Sirih man tuksa akan tuzzono u pivezene u piyhaor''