¹ I Bulus, GuʒubYeso masihu, dalcraci dadlaɓ muwanak, kuru ndampaci cam gaɗak muwanak herr kakasku. ² Sufku atəne labar herr wara aci dlam alkawari tun waci dari nabaucigiri dari da kakkadu giri mi go aipu. ³ Gaɗa wungəri, wara nda yawu da kadugum Dauda da gəre təka. ⁴ Da Ratarati dici da dlamin giri wun suku da kərmai nunuwa suku, kə mi go aipu dari tlayi giri da mutu, Yeso masihu migəyawa. ⁵ Darigiri wagin herr na wanak muwanak gaɗa ladaɓ iman ikun ndaƙ duniya, gaɗa daraja tligungari. ⁶ Ndawa mi ʒəga sukubai, kun yeda ɗaurekun kwa dlab kəyeso masihu. ⁷ Tarantuku ikun wara kwa kun Roma, kun wara səku ancu, wara nda ɗaureu da dlaɓ go aipu. Herr da dlab i kunakun na salama dari kakasku afuwa na masihu məgənyi. ⁸ Sukur, na sambakati kakasku dari Yeso masihu gaɗakun gəd gaɗa nda bar labar barjirewakun i kun duniya gəd. ⁹ Kakasku ne baci shaiɗata ga, wara kulum na dlameci gusapina na nunuwaga i kun labar herr ƙi wungiri, wara zəgər gawa na ramakun. ¹⁰ Fatawanke na magita, i kun magitaga kakusku da banatayu na zaji rəkun kəlappiya. ¹¹ Gaɗa na makə nakə kun, gaɗa na bari kun zəkaya dari nunuwa suku gaɗa ɗa na dauʒatikun. ¹² Na pək da nabi ɗauzata tlapar da kuna kun, darik bar jirewaja wato ka nai na kukun. ¹³ Nancu kwadlaɓa na rashi zəgaya bai, yagananənga, i fatawanke a gəshiga nanci nayi rəkun, amman naba laktu bai sai gusəsku. Nancu kasən gaɗa nabi kutlai i gadava kun kaki mi akun kaki mi akun ndawami ziga suku bai. ¹⁴ Na dukshi a ɗaga ƙi nda helinaucin na gagzhin ndiwa, nanda asən na ndawa mi na asən bai. ¹⁵ Iyiu ga shiryatak, na Yayaci labar herr ikun wara kwakun Roma. ¹⁶ Gaɗa I yu na kəmu zhuru labar herr kə masihu yeso, gaɗa atu kamai suku in,ye ra i nən tawankə mi barjirewa , gaɗa yahudanci sekur se henaucin. ¹⁷ Ikun gara nda tatku jərewa səku dari barjərewa iye barjərewa, kaƙi mi nda tarnu, "baci adalta abi a ro dari bar-jirewa " ¹⁸ Shitan kakasku viri patata da disku gaɗa dak wana aipu na nami ziga sukubai na ndak rashi adalta, mi dari wana kəmangarshi da cim na jirewa. ¹⁹ Gaɗa kasən be wara ndasgau i dak səku virin gara i patata i akshi Gaɗa səku tatki dikshi. ²⁰ Gaɗa tun dlam duniya lamari suku mi gasgayakbai, wato kərmaigiri mi goda. dadi giri, na kakasku kuinaguri , gasgayak i patata, da duvu be aci dlamu zam da lawangu.Gaɗa kasən ndawa na Hujjabai {purtikbai }. ²¹ Gaɗa kasən akshi zəga seku, akshi da sambarkacibai. gaɗa kasun da dlam kakabaucin ikun kura-ramshi, gəzhishakshi mi go asum da dlam gara ayuwa. ²² Da maitatuna aɗashi nda asən, amman akshi kakaɓaɓin . ²³ Akshi da misci na kərmai suku mi a mutu bai na gə nawak nən gayiwa, na ƙi ɗutatin, na fayin,na nda zəgir fuɗu, na nda vaga kunakshi. ²⁴ Gaɗa kasən kakasku barnakshi da dlam be gabshi dari gabshi intu gəzhakshi her a dlumud na tikakshi i gatukshi. ²⁵ Akshi ne paltina jirewa səku na papiya, her da dlam na kwana i garəm, isurum kakasku mi sakakta kə har dumaro Amin. ²⁶ Gaɗa kasən kakasku da barnakshi i dlama bik zirau, her amatinshi paltina basakshi kək halan" na kək haram . ²⁷ Gamsaɗin ke daivina basakshi kə halal na amatin, da kaci nakshi i makatikashi, gimsik na gimsk atatka bik zirau ayai i a ɗakshi tsirin kalkal na gwapakshi. ²⁸ Gada akshi kurna zagayi, kakasku barnashi i halvatku, da dlam bik zurau. ²⁹ Gishakshi da nəya na rashi adalta, kimangar, ta gishi, zim kunu, guru, tik gənən, na tlatliankal, munafuk kwaina, na gabshi hall. ³⁰ Nda ruburubu na ndak wada ngadar, nda kur kakakasku. Nda tlatli ankal na nda gauɗak aɗa, nda tlimatu, na nda wuda be gabshu tawanke, na nda kur ɗiga ma yawakshi . ³¹ Nda ayuwak gishi; nda ta aman, na nda kur intu ndawa, na nda rashi jəgiyayi ndewa. ³² Akshi zəgana rama kakasku, na mak nda dlama bətku tumatu mutu da jibnakshi. akshi a dlama bətku rugara bai herr aniɗa akau i da dlamau.