¹ Gaɗa kasən ci na be karambai ci nən, baci hagata gaɗa be mi wara ka hagatau i ndawa ci cam kakunu gaɗa ci ba ci hagatau ci cam ka dlama be akshi a dlamau. ² Amma wasgadu hagata kakasku jərewa wara a vigə i aɗak dlama wanattu. ³ Amma a dlam hankal na bitku, ci nən gayuwa, baci hagata nda dlama bitku. gaɗa ciye ka dlamau. ka tumangu ka sana aɗa hagata kakasku bi? ⁴ Ko ka muwana gawa herr kakasku wara rəina hagata i gəri na ƙimar gəri? kasga bai gaɗa herr gəri gaɗa da yi nakun i tubi? ⁵ Amma gaɗa gauɗak aɗaci na gəshi ƙi kur tubi, ka yuwai dlimatu gəshi kakasku i laktu hagata jərewa gəri. ⁶ A ni da bari təke kalkal be mi a ci dlamu,. ⁷ In ndewa wara kulum a wana herr go pasata, akshi bana gədlib na martapa na aro mi go dadgəri. ⁸ Amma i ndak intuta aɗa, na nda kur nakwana i jərewa, ɗa ɗlam rashi adalta nakwana. ⁹ Kakasku kuma a fuwaina zamra na ayuwa gəshi i ndawa wara a dlam ƙimangar, i yahudaucin səkur se Hellinacin. ¹⁰ Amma gədlib na martapa na salam a dlaɓe i ɗak ndawa wara a wana herr, i yahudacin səkur sai Hellinaucin. ¹¹ Gaɗa na intu aɗabai iri suku. ¹² Gaɗa gəd ndawa mi dlam aipu lakwtu mi na duma yabai, a kambeta nakshi go dumaya, gəd ndawa mi dlam aipu i lakwto dumaya da dlameksh hagata na dumay. ¹³ Gaɗa nda ƙimu dumaya ne akshi nda adali i rək kakaskubai amman nda wana na atu akshi ne a bina ra. ¹⁴ Gaɗa ndawa miziga sukubai mi na dumayai, dlam na be kək dumaya, ko da akshi na dumayabai. ¹⁵ Gaɗa kasən akshi tatku be wara dumaya ancu dik da tarna akun gəshakshi. Be kuraramshi abar seda In a dakshi, dalurakshi a gadakshi ko darakshi. ¹⁶ Kasən kuma i səku . sutku a dlaɓa i gafa wara kakasku a ni da hagaci kək duniyabu dək, ka ki labar herr, i kun yeso masihu. ¹⁷ Gaɗa ka ɗaura aɗaci Bayahude, ci dambasu a ɗak dumaya, a ka ɗladli aɗa ikun tligun kakasku, ¹⁸ Kasgana tuman gəri, kasgana betawanke mi kalkal na nakasun, kabana gugʒa da kun dumaya. ¹⁹ Her ci na aɗa ci ka ardatinaci ma ci baci zari dluguyu, bayan i ndawa mi akun ayuwa, ²⁰ Ba ci ɗuma ndawa mi na asumbai, baci gugʒa i karara tufa, cina zigawa i kun dumaya kə zigaya na jirewa. ²¹ Kun wara kwa gugze ndawatku kwa gugze i aɗakun bai? kun wara kwa waʒik nda dlama kira bai, kwa kira bai? ²² Kun wara kwa wazik nda dlama tapai bai, kwa tapai bai? kun wara kwa ɗabtina ɗlam garəm, kwa garəm, kwa garəm bai? kwa kwa ƙira bai i ri magita? ²³ Kun wara kwa fariya na purdai i kun dumaya? " ²⁴ Gaɗa ɗakun ndawa mi ziga sukubai a nanga dlugun suku" kaki mi da tarnu" ²⁵ Lalle kuwa wuda kun na alpanu sosai i rikun, in kwadgəna dumayanin, amma in kun nɗa ɗiga dumayaubai, wudakun dlamən gara wudabai. ²⁶ Gaɗa in nən dauda bin a ɗiga dik be wara dumaya ancu, kane nda ma rashi wuda gəri i gatir wudabai? ²⁷ In nən wara shari wuda adagiri bai a ɗiga na ɗiga na ɗik be wara dumaya anciu, ba se aci da karni nakunbai, ci wara cina dumaya da tarna na wuda, amman kaɗigau bai! ²⁸ Gaɗa yahudaucin kək jire acine mi da yawa da ritika bai na wuda kək jirewa atine mi da dlam i tika bai. ²⁹ Gaɗa aci mi bayahude i gizhi, ai acine bayahude kək jirewa, wuda kək jirewa atine wuda da gizhi, kə nunuwa suku, dari wuda tikabai. zada nən tuku gidlubshi ani dari ndawabai ani dari suku.gədlib gəri ani dari ndawa bai, amman ani dari kakasku.