¹ Gaɗa ra me Masihu ranawa. Se kwar i tərr kwa sukuna kalakta i kun guzabuna bai. ² Akina I Bulus, na rame kun ma, in da wadanakun nin Masihu a dlama na paida i ri kun da dəvo tawanke. ³ Zam, Na saida duk nən tawanke nda wuduna aci nin dlamin gara kiske da dlam ladaɓ na dumaya mak. ⁴ Kwa bərna kun da ri Masihu duk kun ndawa mi wara nda "rau" da ri shariya. kwa vuguna kun dari herr. ⁵ Aturo da ri Nənwa Səku, i kun bar jirewa, wa diri awayu gəzgi ki adalta. ⁶ I kun Masihu, wuda ko rashik wuda na paida bai. Bar jirewa rugara mi a wana dari ntau atu ne dikaɗu i bəlan. ⁷ Da kwa rakinu bəlan nin, da ardi na kun nin ntai da ri bar jirewa? ⁸ Rinjayata kwa bau dari babu daura kun bai. ⁹ Gangam yeasti a ɗawa be fincik da tlatliri. ¹⁰ Ina kəma adla i ɗa kun, i kun diga Məgənyi aɗak kwa dlam kuraram ɗiga dəvu ɗagai dama bai. Baci kəma ankal kun aye sa hagata, ko aci tai. ¹¹ Yaganaucin har gusuku yaye na wazik dliga nin dawuntam har gusku yaye nda bara nai bone? In kasən nin, ai gugyak mi dawa dagamu ku dliga a rubgan gara. ¹² Na tuman ndawa wara bari kun katana aɗakshin su 'ya (babani). ¹³ Yaganaucin, gaɗa Kakasəku dauri kun dligɗa kwa dlama wana na dligɗa tuku ga bi ntu təkakbai. Gaɗa kasən dari ntau, a dlamina wana ntau i gadavakun. ¹⁴ Gaɗa shariya tawanke niyin gara i kun dumaya getak; Jibin gara ka ntuti makabut ci ka ki aɗaci" ¹⁶ 'Iyu maya, a rakinina i kun Nənwa Səku, kwa dlama ntu wana təka bai gaɗa halwana təka a gamzazigai na wana awayau na ki Nənwa; Nənwa ye a gamzaziya na təka. Gaɗa jandau mak laruta təkak shi. Gaɗa satuku kwa dumu kwa dlam be kwan cu kwa dlam bai. ¹⁸ In a ɗiga kun Nənwa nin, to kwa diɗa shariya bai. ¹⁹ Gusku kasən wana təka a patata akshi ne, wana dlimit buka jəba aɗa, ntu bik duniya, ²⁰ gusapuna i garvaucin, gaza, gawa tliri, gamɗaya, ta gəzhi, ayuwa gəzhi, garzalma, bura aɗa, azum kunu, ta gəzhi kuyo, na gagshin be zaɗak janɗau na gabɗa kun ka ki na gabɗi kun waci, idak dlam jandau tuku, bi tufa bai i kun garva Səku bai. ²² Amman kutli Nənwa atune, arawai gəzhi, salam, kəmar be bəlan, na dlama be bəlan, jirewa, ²³ kasakta, na jəba aɗa na shariya wara a gamzazigai na zaɗa jandu bai. ²⁴ Ndawa wara ki Masihu Yeso dligəna hal təka na ntau. ²⁵ In wa dlam mbasu a kun Nənwa nin, wa dlama rakan i kun Nənwa. ²⁶ Wa dlam nda marəm aɗa bai, ko wa chokɓa təkawa, ko wa ti gəzhi tekawa.