¹ Bulus, muwanak Yeso Masihu da ri nǝpi(ntu) Kakasǝku, i ndawa mi gacikɗak kǝ Sǝku, warra a Afisa, akshi ke a iman naYeso Masihu. ² Herr da dlaɓe kun, na saalam da ri Kakasǝku Afǝkwa, na Mǝgǝnyi Yeso Masihu. ³ Kakasǝku Afǝk Mǝgǝnyi Yeso, katanas, da baa sakǝrrta. Aci ne bari wa barkakin tawanke kǝ Nǝnwa Sǝku da dǝsku i kun Yersu Masihu. ⁴ Kapǝn dlama duniya, Kakasǝku cikɗu wa, warra mi dlam iman na Yeso. aci cikɗu wa gaɗa wa dlaɓi goaipu i da gǝri. ⁵ I kun mantukwina,Kakasǝku cikɗu wa tin sǝkurr, da mǝsci na wa i kutligǝri da ri Yeso. Dlam kasau gaɗa aci a kǝmu karak bee mi aci a ndǝlamgu. Gaɗa kasǝn, Kakasǝku bana sakǝrrta gaɗa marǝmkwina herr Gǝri. Sutku ne bee warra Aci bariwa i vatku gaɗa ntukwinaGǝri. ⁷ Aturro gaɗa ntukwinaGǝri ne, wa ba ra da ri payi dǝdẹm Gǝri, na tupta aipapin wa, da ri bǝrǝɗ herrGǝri. ⁸ Acu baru herr tǝku nak-kada bai i kun zǝgaya na asǝm mak i wa. ⁹ Kakasǝku da-diwa ashǝrr ga-dǝɓsak sapǝrraGǝri kǝ jirrewa, i ɗak ndǝlamGǝri, kǝ bee mi Aci ancu da tatki ndawa da ri Masihu. ¹⁰ Lakwtu dama sapǝraGǝri dengara nin, Kakasǝku a ni na betawanke mi a dǝsku na ɗa mak i ɗagayi i kun dlǝgun Yeso. ¹¹ I kun Masihu ne nda cikɗu wa, wa dlaɓ bi gado i Kakasǝku. Kakasǝku dlamiwa sapǝrra tǝku, gaɗa Aci ne a dlama tamke mi a ci ancu. ¹² Kakasǝku dlamu sau gaɗa wa kaci gaɗa sakǝrtaGǝri na saksaktaGǝri. Wa ne kǝ sǝkurr warra a tlǝraɓu i kun Yeso Masihu. ¹³ Aturro da ri Masihu cam kwa kǝmau tǝlam kǝ jirrewa, labarr herr da ri Yeso kǝ ra kun. Kwa dlam na iman na aci cam, wate nda cimna(sǝmu na) kun na Nǝnwa Sǝku warra nda dlam alkawargu. ¹⁴ Nǝnwa Sǝku ne a tatkewa katanas wǝ na gado wǝnduwa Sǝku, kapǝn wa bi. Sutku, gaɗa sakǝrrta saksaktaGǝri. ¹⁵ Gaɗa kasǝn, tin lakwtu mi na kǝma labarr iman kun i Mǝgǝnyi Yeso, na tatka ntukun i ndawa mi kǝ Sǝku. ¹⁶ Na bǝzu sambarrkata Sǝku bai gaɗa kun, na tana kun i kun magita ga fatawanke. ¹⁷ Na magita i Kakasǝku Mǝgǝnyi Yesu, Afǝk wa kǝ saksakta, da barekun Nǝnwa asǝm na kǝ parrakta zǝgayaGǝri. ¹⁸ Na tǝka magita gaɗa gǝshakun da bi parrakta, kwa zǝgi dalil ɗaurakun katanas. Na tǝka magita gaɗa kwa zǝgi bǝrrǝɗ kǝ saksakta garva gadoGǝri i kun ndawa mi kǝ Sǝku. ¹⁹ Na magita gaɗa kwa zǝgi marǝmkwina kǝrrmiGǝri warra ɗǝkana tawanke, mi a kunawa; ndak iman. Marǝmkwina tǝku, dlaɓu dari wana awayu kǝrrmiGǝri rro. ²⁰ Na aci ke Sutku kǝrrmai warra dlam wana i kun Yeso, lakwtu mi Kakasǝku tlatla ci da mutu da mpi na aci, i bakaGǝri da mata i kun dǝsku. ²¹ Aci mpa na Masihu fak i dǝsku garva, na kǝrrmai, na awayau, na baci tamke i dǝsku dlugun tawanke. Aci mpa Masihu rro gaɗa zaman tǝku rrugara bai, amman harr gaɗa zaman warra a ni. Kakasǝku ɗawu na betawanke i dǝɗ zǝgǝr Masihu. Ɗawu na Aci dǝsku tamke i kun Coci. ²³ Coci ne tǝkaGǝri, ganiyak, ke a niya betawnke i kun tamke.