²⁰ Timoti, ankalchi na be mi nda bariciu. Athlab pudum dari rama thibginu na be mi anna gamdaya mi ndak papiya adaro ma zigaya. ²¹ Ndo jigab ayayata sau amman har da gwapi nakshi da duvo jirewa. Her da thlaba na ci. ¹ Abzina ndawa mi guzabcin a diɗa afafkin wənduwakshi da thlab na martapa. Da thlam kasau gaɗa kar nda nangi dlugun Kakasəku na gugza gəri. ² Guzabcin me na afafkin wənduwa ndak ɗiga, akshi da muwekshi bai gaɗa akshi yaganauccin. Gaɗa kasən, da thlamici wana na fatawanke. Atiro afafkin wənduwakshi mi ata barka wanakshi ndak diga, kuru nda tutau na gugza wara thlan rama tuku. ³ Inde thlabin gara dagai agugza be daman, kuma kasaktu bai na gugza chanduwa tuku bai, wato rama afəkwa Yeso Masihu. Amman akshi kasaktu na gugza mi aɗau gaɗa Səku bai. ⁴ Nən tunu baci aɗa gauɗak, kuru gobe zəgau gaɗa kasən aci baci 'yuwa rama na gamɗaya idak ramau. Rama tuku anna ta gizhi 'yuwa rama na nanga na gabshu tuman. ⁵ Gawak thliri i gadavak ndawa wara na təka i gadavan ndawa ndak gatirabak ankal kurna jirewa. Atuman ma dəga Səku dəvuk birid. " A birna aɗaci da gadavakshi. ⁶ Gususku adalta na impi aro i Səku marum riba. ⁷ Atiro wade na be bai i duniya, wakaci na be bai. ⁸ Gaɗa kasən wa thlama kəmar na bikta na kachum. ⁹ To in ndawa mi anchu burid aviginakshi kun jarabta na kun arakau avigi kun be ki thlibginu na bithladu mi na kur betawanke mi ara anina thlimiɗ na dagu. ¹⁰ Aturo ntu dagwda atune aro kəmangar tawanke. Ndo jəgab iri maka dagwda thlagdinakshi da jirewa, da dlapina aɗakshi na ayuwa kunu gawa. ¹¹ Amman ci, nən Səku, arawunaci da miyakshi, adgi jirewa, dəga Səku na gizhi gayi na ntau na kardi tər, na aro marum bai. ¹² A thlamina dligəd, dligəd bəlan ki bari jirewa. A jəb aro mi go dadigiri me nda darici i aɗau. I aɗakasən ka bar saida i kima saidadain gawa i aɗa be bəlan. ¹³ Na barici linok tuku i kəma Kakasəku baci thlid be na aro tawanke na kəma Masihu Yeso baci rama jirewa i Bilatus Babanti. ¹⁴ A dəgəm dumaya bəlan, na bi nanga bai har ni afawa Yeso Masihu ¹⁵ Kakaseku a tatkana pakayi gerti kalkal lawktu, Kakaseku baci barka, getak geri na kermai, digim baci garva, afuk babu garva. ¹⁶ Aci rugeri me mutu bai, babu mbasikun bayan mi ndye dantugu bai. Gonin a lawan geri, ko da sanuta ci. Marim na kermai duk kiri. Amin. ¹⁷ A ramik ndak birid ki duniya tuku akshi da sukta ada bai, akshi danpa aro idak birid wara go pirtik bai. Amman dampa arokshi i adak Suku mi abariwa birid ki jirewa gada kimu karak. ¹⁸ A ramikshi da thlam bilan, da birdi i kun wana bilan, da thlaba ndak bari na gizhi getak. ¹⁹ Dari kasin akshi ki jirewa. ²⁰ Timoti, ankalchi na be mi nda bariciu. Athlab pudum dari rama thibginu na be mi anna gamdaya mi ndak papiya adaro ma zigaya. ²¹ Ndo jigab ayayata sau amman har da gwapi nakshi da duvo jirewa. Her da thlaba na ci.