¹ Bulus muwanak masihu Yeso i aɗak ramak Səku babu raa wa, na Masihu Yeso mi wa lawan dəvo gəri, ² I nye Timoty wunga ikun barik jirewa: Herr na kanjino na salam dari Kakasəku na Masihu Yeso məgənyi. ³ Kaki mi naskunu rameci ka thlami na yanga i Makadoniya, sai ka dirayu ii Afisa gaɗa ka dawi ndawa jəgab da gugza gugza dama bai. ⁴ Da thlinta lakwtashi i kərəmta zinzin na wathlingida ki dama bai. Su a nina zurba aɗa iɗak labenta shirik Kakasəku, dari bar jirewa. ⁵ Be mi kagala ancu kuwa ntau dakun gizhi me gaviyak na gizhi bəlan na barik jirewa getak. ⁶ Ndo jigab thlakdinak shi da ɗak dəvo bəlan miste nakshi ɗak ramamin vatku. ⁷ An chi da thlab nakshi malamccin shariya, amman akshi thlan yakin na be mi akshi aramo bai; na be mi akshi irdi aɗau. ⁸ Amman jazgadu shariya bəlan in nda thlamna paida na atu iɗak shariyan. ⁹ Aturo jazgana sin, shariyoro gaɗa babu gizhi gayi bai, amman gaɗak ndawa mi adigo linok bai, ndawa ndak thlathli hankal, ndak diga Səku bai, na ndak aibu, ndawa mi na Səku bai, na ndak wudak ngandar, nda bari shariya gaɗak ndak tək mayawawin gamasak na gamaɗ, na ndak tək aɗa, ¹⁰ Gaɗa ndak thlimatu na ndak maka təkak shi, gaɗak mapapiyauccin, na ndak pipiye da gainin, na ndak be mi a GABA na ramak jirewa. ¹¹ Ramak tuku iɗak saksakta ramak Səku mi barka, me ndabara i aman. ¹² Na sambarka Masihu Yeso afək wa. Mi dauzatu, aturo ginayu ikun jirewa, da dawu na iyu ikun ndak wanak Səku. ¹³ Tun waci i babu thlimit dlugun Səku, babu barik bone ke na thlathli hankal. Amman duk na kasin nda thlanda rama gaɗa na thlami kun rashi zigaya na rashi bar jirewa. ¹⁴ Amman herr məgənyi da pe ɗaga na bari jirewa na ntaume akun Masihu Yeso. ¹⁵ Sutuku ramak Səku mi gaginak, batadu tike daginyi, gaɗa Masihu Yeso deu kun duniya gaɗa bar aro i ndak aibu, i kunnakshi gathlatak nin iyu. ¹⁶ Gaɗa kasən ne nabi herr, gaɗa dariga i ki sukur, ki tatika kəmar Yeso Masihu. Thlan Kasau gaɗa na thlab gənawa i ndawa ndak bari jirewa inye aro go dadigiri. ¹⁷ Gusku, so dəgəm zaman me a mutu bai, gadəbsak Kakasəku getak gəri, marim na saksakta da thlab dək ki ri i chakchak. Amin. ¹⁸ Na bar ramatuku i chi, wənga, Timoty. In ka sinin gaɗak rama be mi awakate kəma me nda thlamu dakau gaɗa ci, gaɗa ka ti fi zhiya bəlan na jirewa na gizhi bəlan. Ndo jəgab kurna kərəmtau da bukuna bari jirewakshi. ²⁰ Ka ki ja Himinayus na Iskandari, ndangu na barnakshi lisper gaɗa da foraci da gugzi da thlam babu wudak ngadar bai.