¹ Tin ki kalou- kit yom kolanko, mu moyanko ki idamu, mu moyanko, saramu sabko aka eni zau. ² Zau se mento mato meke mu moyanko, mu onankok jire kanni. Mu onshenku zau yo an bo ernonni bu yo a gam bobi, me mante noni gemamu. ³ Si yo mu moyanko mukolanko mu anshenku, kika ɗo mu ngamte ka zehe.Gomta kamu ki gem Boti ki Lah ni, Yeso Kristi. ⁴ Har kauso mu turenko ei woi ei kika kuyu ɗo ngemani. ⁵ Woi sarnis so mu kolankok gemani a anshenku ta: Ndeyi hetere, hawonni an bei unu bu ko shim. ⁶ Na mu ananko ta mu gomta ka ki si me mu marshe tong unu, mu anshe rarei mu gishe jire bu. ⁷ Na me mu marshe tong hetere ki yo si tong hetere mu anandi gomta ka ki zehe, me dom Yeso Lah budimu shafmu ki tong zunhu. ⁸ Na mu ananko ta mu anandi zunhu bu, mu haita kammu, ke jire hawomu bu. ⁹ Na me mu hoɗin kok zunhu mu si a jire ki jikyayi a yahitik zunhu mu a buɗi mu. ¹⁰ Na mu ananko ta muya'ko zunhu bu, mu matani bo a rerei, eni ni a hawommu bu.