¹ Milla, Nen ture woi ki nguni kika kada ngu e zunhu bu. Me na ngoi ikozunhu, mu anandi a shutu gem Boti, Yeso Kristi, si yo an jire. ² Si ki kanni sadkak zunhu mu, ki ka muni moɗa mu bu me dunya shafto. ³ Kika ka, a mu mantiti ta mu manan ko ni, na mu ngahagkok dokani. ⁴ Na ngoi ta, "Manotik Ndeyi," me ngafko doka ni bu, a rerei, me jire tong hawonni bu. ⁵ Shaf ngoi na ngafko eni ni jire, a tong ngo woi ye, e yardu Ndeyi gemni. Bei ka,a mu manan koti ta mu hawonni. ⁶ Na anko ta zuk zehe ki Ndeyi si guda kanni et marses Yeso Kristi iko. ⁷ Ana ndaltuno, Ne turen ku doka yo hoyo bu, me yo jero dokai yo kolanko tuki zalshe ni. Jero doka eni yo kolanko. ⁸ Kauso nen turen ku hoyo doka ki nguni, yo jire tong Kristi ki nguni, ki ka unu geɗato me jirek hetere ka talku. ⁹ Na ngoi anko ta si tong hetre me kukok ba' i a tong ko unu har kauso. ¹⁰ Ngoi na a ndalta ba'i tong hetre an ei yo yakta si bu. ¹¹ Ngoi na ku'uko ba'i a tong tutudu me marshe tong tutudu; man be isso ngoni dishe bu kika be, i unu nakmenitik ida ni. ¹² Ne turenko woi ei milla mimi, i kika zunhukku yahanko kika suni. ¹³ Nen turen kuti,woi ei bobenti, kika ngu manankotik si tin ki zalshe ni. Kok anashe kika ngu talshan ko disa wonse'e. Ne ture kutik millai mimi'i, kika ngu manankoti Boti. ¹⁴ Ne turekuti, bobenti, kika ngu manankok si tin ki zelshe ni. Nen turekuti, goraji kika ngu anandi geɗo me eni Ndeyi ɗeyinni gemku ngu talshitik ka ei disa woiye. ¹⁵ Ko ndalte dunya ko e ei tong dunya bu, ndaltu Boti a hawonni bu. ¹⁶ Kika le miya tong dunya ei yo ella hakali ngoi tonh zugo, ei yo a ellai moino ido, ki alwashik sarei ki gem Boti bu kitong dunya. ¹⁷ Lei miya tong dunya ki kareito shaf a wuyasu. Me leilo na a ishe ei zina dom Ndeyi a deyak zau so an wuye bu. ¹⁸ Milla mimi'i, sa, a takanni shafni. Kit yog kolanko a ngaha kristi isno,le kauso ana ngaha kristi hinɗensu, kika ka, a mu manankoti sa, a so teke ɗo. ¹⁹ Hatankok hawosu, me ma hawonmu bu, na mamu me ka ɗeyan su ki muni. Me hatansu kori, woi tamko zuni gamu bu. ²⁰ Ngu anandi monmoni ki ge ya'bu Uno, ngu manankok le miya. ²¹ Ne turen ku kika tan mananko jire bu, me kika ngu mananko kika an rerei atong jire bu. ²² Ngoi yiya a rerei kaba ngoi na shantikkok Yeso Kristi? Ngo wom a ngaha kristi, si yo a shanak boti ki lah. ²³ Shaf ngoi na shanak Lah ki Boti. Ngoi na a sheiditi Lah andi Boti ke'e. ²⁴ A ganku ei ngu kolanko tinki kalou a ɗeyi tintil ku. Ei yo kolanko na ɗeyinni tintilku, ngu ni me ɗeyanku tong Lah ki Boti. ²⁵ Woi ngra ni so imu zau so, an bo ernoto bu. ²⁶ Nen tureku ei woiye kika biyai yo bo'itiku kika billa. ²⁷ Ngu ni dai shafkui yo ngu biskanko gonni ɗeya tintil ku, ngu ndalan ko le ngoi yiya shuteku bu, ɗeya hawonni. ²⁸ Kauso, milla mimi'i, ɗeya hawoni ɗeya hawonni, na si heteno, mu ɗeyi ki geɗok tili kada mu e kawa jajum yo isno. ²⁹ Ngu manankotik si andi tili moɗi jikyayi ngu mananko ta le ngoi yiya na iko ei zina le, ki gamni.