¹ kurloo’tɨ kɨ njégangɨ rəbɨ tà’gɨ oin ɓee də Israel’tɨ ngá ɓoɓoo oso tipɨ kɛ̀m ɓeekon’tɨ. Dingəm karé kɨ Bethlehem, ɓeekon’tɨ kɨ Juda, aw ndi sə dinyen lənn sə ngann’gɨ kɨ dingəm joo kɛ̀m ngonn ɓee kɨ Moabɨ. ² Dingəm nè rinn nɛ̀ Elimelɛkɨ, dinyen lənn rinn nɛ̀ Naomi a ngann’gɨ kɨ dingəm kɨ joo ridə nɛ̀ Malon a kiljon a tɔ. De doo’gɨ kɨ kɛ̀m ɓeekon kɨ Epratɨ kɨ Bethlehem ɓeekon’tɨ kɨ Juda. Dè ree tee kɛ̀m ngonn ɓee’tɨ kɨ Moabɨ ɓaa də ra ɓee tutɨ. ³ Elimelekɨ ngaw Naomi uwəi loon’tɨ nè, ɓaa Naomi nain sə kar’n sə ngann’n gɨ kɨ dingəm kɨ joo nè ngá. ⁴ Ngann gɨ nè nga taai dinyen gɨ kɨ kɛ̀m ɓeekon’tɨ kɨ Moabɨ. Dinyen gɨ lə də nga karé rinn nè Ɔrpa ā karé rinn nè Rutɨ ā tɔ. Dè ndi loon’tɨ nè asɨ ɓa dɔgɨ. ⁵ Go’tɨ gugu, Malon sə Kiljon weii kɨ lədə tɔ. Ɓa Naomi kuwə nain sə kar’n nal ngann’n kɨ dingəm kɨ joo ā nal ngaw’n ā tɔ. ⁶ Loo kɨ Naomi oo titɨ Njèndisənon ilə kum’n də koosə doo’gɨ lənn ā adə nyan kusə, ɓaa Naomi in kɛ̀m ngonn ɓee’tɨ kɨ Moabɨ sə um’n gɨ kɨ dinyen kɨ joo. ⁷ Dè d’in nan’tɨ loo kɨ de ndi tutɨ kete nga d’unn rəbɨ kɨ aw ɓeekon’tɨ Juda. ⁸ Ɓa Naomi ədə um’n gɨ kɨ dinyen kɨ joo nga ədə nɛ̀ : I təli awi, nan-nan gea kɛ̀m kəi-tɨ lə kon’n. Majə kadə Njèndisənon ra səsi kɛ̀mkanm titɨ kɨ səi gea raii sə nje kɨ weii gea raii sə’m man tɔ. ⁹ Majə kadə Njèndisənon adə nan-nan gea dann si’tɨ ndi sə ranəl kɛ̀m kəi ngaw’tɨ lənn kɨ rangɨ. Go’tɨ gugu, è uwə də kadə’tɨ sɛm ɓita inyən də lə kad d’aw ɓai. Dinyen’gɨ kɨ ra də nain ngonn kɨ joo nè ngá noin siki mbikɨ-mbikɨ. ¹⁰ Ɓa d’ədə’n d’ədə nè : Mm ! j’a dan-in kaw sei ɓee kuji’tɨ. ¹¹ Naomi ilə də dətɨ ədə nɛ̀: I təli awi ɓee lə si gugu, ngannəm gə! tədə ri a i ndigi kawi səm wa? man nɛ̀ m'a k'ingə ngann gə kɨ dingəm lə kadə təli taai sei ɓai wa? ¹² I təli awi ɓee lə si,ngannəm gə awi,man m'ɓugə ngain, man m'təl taa ngaw tɔ le ta.M ne m'tam m'ədə nɛ̀: ngann gə tooi k'adə m'ɔjə kɛm dətɨ ɓai, ban-in lea m'a k'in ndɔ́ nɛ̀ k'aw k'unn ram k'adə dingəm k'ingənn ngann gə ɓai. ¹³ Ké ai nginəin də kadə tɔgi wa; ké a i tai ngaw kɨ rang le lə ndii nginəi də wa? M-m, bè lé kare, ngannəm gə! Man gea kumndoo ra'm ngain dum lə si, tədə Njendisənon ra səm nyan kɨ tur. ¹⁴ Umə'n kɨ dinyə gə kɨ joo nɛ̀ nga ali də non tɨ non-in. Goo tɨ gugu Orpa il tà umə'n ɓa təl aw ɓee, nɛ̀ Ruth ɓaa rɛn goo umə'n tɨ mbatɨ təl ɓee! ¹⁵ Naomi təl ədə nɛ̀: An ngokɔin təl aw ingə gir kojə gə lə'n sə mag gə lə'n. I ra titɨ kɨ e ra'n tɔ. I təl ingə nje kɨ ləi gugu. ¹⁶ Nɛ̀ Ruth ədə nɛ̀: ɔsəm kalang-kalang lə kadə m'inyəi le ā, m'təl gooi tɨ le a tɔ. Loo kɨ ra-ra kɨ a aw tutu, man m'aw səi nan tɨ loo kɨ i ndi tutu man m'ndi səi tɔ. Gir kojə gə ləi a ei gir kojə gə ləm tɔ, Nubə ləi a è Nubə ləm tɔ. ¹⁷ loo kɨ a wəi tutu gea man m'wəi ā d'a d'ubum tutu ā tɔ. Yoo kuwə tā à gang je səi nan tɨ. Kɨ nea an e nyan kɨ rang ɓaa, majə kadə Nubə ra səm nyan kɨ ngang ngain. ¹⁸ Naomie an titɨ kɨ Ruth ndaa njang də njann tɨ lə kaw sə'n ɓaa, əbə tɨ tam sə'n ta gə. ¹⁹ Ɓā de mbak de njiyə sár d'aw tee Béthlehem. Loo kɨ de tee Béthlehem ɓa ɓaa , ɓee bo malang kuwə tà igə də sɛl tədə k'an kɨ ei an-in də. Dinyə gə dəjii ədi nɛ̀, ke e Naomie kuwə mbain wa? ²⁰ E ilə də dətɨ ədə nɛ̀: i ɓari man Naomie le nɛ̀ i ɓari man Mara k'ɔr gir'n nɛ̀; nje nyan kumndoo, tədə Njetɔgmɔng adə m'ndi dann nyan kumndoo kɨ ngain tɨ. ²¹ M'in nɛ m'aw sǝ nyan gə jim tɨ ngain, nɛ̀ Njendisənon adə m'təl m'ree jim kare ɗang-ɗang, a ɓa tədə ri á i ɓari man Naomie ɓai loo kɨ Njendisənon tam tà utə'm mbəng eke Njetɔgmɔng ulə'm bajə dann kɛmkon tɨ wa? ²² Gir'n kɨ nɛ̀ a Naomie sə umə'n Ruth dinyə kɨ Moab, in-in kɛm ɓeekon kɨ Moab tɨ reei. Loo de tee Béthlehem ndɔ'n tɨ nɛ̀ nga, e ndɔ kɨ d'unn gir kujə kó kɨ de ɓarə'n ɔrjə.