¹ M'a m'ulǝ sǝ njekilǝmbǝr lǝm, tǝdɨ a gɔl rǝbǝ non'm tɨ kete, ɓa a tee pan kɛ̀m kǝi tɨ lǝ'n kɨ too sǝ ninǝ'n.Kuwǝɓee kɨ sei sangini nga, njè kilǝ mbǝr mann ra nga, a ree non, Njèndisǝnon lǝ kosnjerɔ gɨ a tam be. ² Ke nan a ɔsɨ gir ndoo ree lei w? Ndoo ree lǝ'n nga ke nan as nda dɔ wa? tǝdɨ ndo nɛ̀ nga a tana sǝ pɔr lǝ njé lɛn nyan gɨ be titɨ buu nar kɨ lɛn bè. ³ E a ndi nang a lɛn eke a ɔr yǝdɨ nar e ɔr sǝ ngann gɨ kɨ dingǝm lǝ Levi. A ɔr sǝ̈ dɨ titɨ ki d'ɔrǝ'n yǝdɨ nar lɔr sǝ nar nda bè, ɓa a unni nyan k'adɨ nojɨ gɨ lǝdɨ k'adi Njèndisǝnon sǝ dǝ najǝ'n. ⁴ Bè a nyan k'adɨ nojɨ lǝ nje kɨ Juda sǝ nje kɨ jerujalɛm a taa kum Njèndisǝnon titɨ ndo gɨ kɨ dǝsɨ ā titɨ ɓal gɨ kɨ kete bè a tɔ. ⁵ M'a m'ree ngɔr ra si tɨ tǝdɨ ta ngang, lǝ k'ɔr goo nyan ra mbǝli gɨ sǝ njé too sǝ nan kɨ kaiya tɨ kilǝ dǝ tɨ sǝ njekub ra gɨ kɨ sǝ goorǝbǝ'n le sǝ dè kɨ d'uwǝ nar lǝ njekulǝ gɨ dɔ d'ɔg dǝ, d'ulǝ kum njekei kingǝ sǝ ngonn al ndoo, dǝ ra majǝle sǝ mbaa gɨ nè dǝ ɓǝlǝm le sar Njendisǝnon lǝ kosnjerɔ gɨ tam ɓè. ⁶ Tǝdǝ man ngă ma Njendisǝnon m'tǝl rangndan le: ɓaa sǝi ngann Jakob gɨ, sǝi ngă pɔr rɔ sei rak-rak le. ⁷ Unn gir'n kɛ̀m ndɔ't lǝ bɔɔ si gɨ sǝi ǝbi sǝ ndu kunngɨ lǝm. Sǝi i tɔsi kum si baw-baw dǝ't le. I reeiramtị, ɓaa ma gea m'tǝl ree ra si'tɨ tɔ, Njendisǝnon lǝ kosnjerɔgǝ tam bè. Ɓaa seitami nè: kɨmbain kuwǝ j'a ji rai titɨ kɨ bain wa? ⁸ Ke doo as su kum Nubǝ wa? Nè sǝi i su-ui man, ɓaa ǝdi nè, ke è ri a jè su-ui wa? Dann nyan dɔg kunn tà kare sǝ nyan kadǝ nojǝ tɔ. ⁹ Madǝ ndɔl osodǝ si't tǝdǝ i su-ui ma girkojǝ doog-doogɨ malang. ¹⁰ I reei sǝ nyan dɔg kunn tà kare kǝi ngonm'n tɨ lǝ kadǝ nyan kusǝ to kǝi lǝm, i nanma ai-in, Njendisǝnon lǝ kosnjerɔgɨ a tam ɓè. Ke makuwǝ kum danran gɨ k'ɔr wɔk'tị dǝ sitɨ kadǝ ndutor taa ra si pǝl-pǝlkadǝ i ndiidann majǝ't le wa? ¹¹ Nyan kɨ a tuje ko lǝsi ngă ma'm ndangǝ'nɓaa a tujǝ kann nyan ndɔr le ndu kɨ ann le gea a ann kɛ̀m ndɔr gɨ kɨ lǝ si, Njendisǝnonlǝ kosnjerɔ gɨ a tam ɓè. ¹² Gir kojǝdoo gɨ malang d'a kǝd ɛ̀: to tanǝl ngaintǝdǝ dǝ nang lǝ si è ɓee ranel, Njendisǝnon lǝ kos njerɔ gɨ tam ɓè. ¹³ Tà tam si gang ngain sǝm Njendisǝnon tam ɓee ɓaa sǝi itami ǝdi nɛ: tà ri a jè tam jilǝ dǝi'tɨ wa? ¹⁴ Sǝi i tami ǝdi nɛ: ra kuiǝ kadǝ Nubǝ ngă è sǝ ndang kare, ke ria jingǝ tutɨ loo tɔskum j̀ baw-baw dǝ gutundu gɨ lǝ'n, sǝ njiǝ sǝ kumndoo tǝdǝ lǝ Njendisǝnon lǝ kosnjerɔgɨ wa? ¹⁵ Ɗarinè, jè gǝr k'adǝ nje tira gɨ ndii dann ranǝl tɨ; oiyo, nje kɛ̀myer gǝ dǝ tɨ kɔdǝ tɨ, oiyo dǝ mann Nubǝ, ɓaa nyan kare gea ra dǝ le. ¹⁷ D'adǝ dǝ lǝm gǝ, Njendisǝnon lǝ kos njerɔ gɨ tam bè, d'a dǝ lǝm gɨ, ɔjǝ dǝ ndɔ kɨ muwǝ dǝ nja : ma k'an kumndoo lǝ, titɨ kɨ ɓɔ ngonn an'n kumndoo lǝ ngonn kɨ ra kulǝ adǝm. ¹⁸ Ɓaa' a ai-in loo to gai lǝ nje ra nyan danne sǝ nje kɛ̀m yer, njera nyan k'adǝ Nubǝ sǝ è kɨ ra nyan adǝ le nja kare bai.