DCS-Mirror-krispy_gvl_mal_text

Loo kayai'n 2

¹ Ɗari nɛ̀, sǝi njekujǝ nyanmǝs gɨ, ndu kunn kɨ m'adǝ ² sǝi a nɛ̀, nɛ̀ sǝi uri mbi si ooi le, i taai sǝ kɛ̀m si lǝ kilǝ'n ribar dǝ rinm'tɨ le, Njendisǝnon le kosnjerɔ gɨ á tam ɓè, ma mulǝ sǝ ndu mann dann si'tɨ a, sǝ ma mann ndutɔr gɨ lǝ si; oiyo, ma m'ilǝ ndɔl dǝ si'tɨ tǝdǝ sǝi tai sǝ kɛ̀m si le. ³ An-in, ma tujǝ ko nyan gɨ lǝ si, a ma tusǝ yidǝ gɨ kum si tɨ, yidǝ nyan gɨ kɨ sǝi ujei dǝ nyan kujǝmǝs ngă a, d'a d'oto sei sǝ dǝ an'tɨ lǝ kaw sǝ si a tɔ. ⁴ È a sei a gǝri titɨ kɨ ne kuwǝ n'unn ndu'n n'adǝ si lǝ kadǝ mann ra lǝnn sǝ lebi to'n njang, Njendisǝnon lǝ kosnjerɔgɨ tam ɓè. ⁵ Mann ra lǝm sǝnn ngă è mann ra ndikumgajǝr a sǝ kɛ̀mlom a tɔ. E a è nyan kɨ m'adǝ'n lǝ kadǝ bǝlǝm; ɓa è aw sǝ bǝl kɛ̀m'tɨ tǝdǝ lǝm a, á ndǝb'n nonm'tɨ a tɔ. ⁶ ndu kunn kɨ ɔjǝ dǝ nganran kum tà ngă è tà't, tà nyan ra kɨ majǝle gea goto tà'n tɨ a tɔ. ⁷ tǝdǝ tà nekujǝ nyanmǝs ngă ngonm nyan gǝr, d'a dǝj ndu kunn tà'n tɨ a tɔ, tǝdǝ è ngonn njekulǝ lǝ Njendisǝnon lǝ kos njerɔ gɨ. ⁸ Nè sǝi ɔri ra si tu ndu kunn'tɨ i tǝli ndu kunn ngă kɨ rǝb koso lǝ kosdoogɨ bulǝ, sǝi tji mann ra lǝ levi a tɔ, Njendisǝno lǝ kosnjerɔ gɨ a tam ɓè. ⁹ È a m'a m'tǝl si kɨ doo kɨ nyan le sǝ rai kare tà kum kos doo bulǝ gɨ malamg tǝdǝ sei njei sǝ go rǝb gɨ lǝnn le a, si ɔri kum doogɨ loo kɔr kum tà'gɨ. ¹⁰ Ke j'aw sǝ ɓɔjè kuwǝ kare ɓǝrǝ luk-luk le wa? Tǝdǝ ri a j'ilei koj dǝ nan'tɨ yo kɨ nè le a lǝ kulǝ'n mbǝu dǝ mann ra'tɨ lǝ ɓɔ jei gɨ ngă bai wa? ¹¹ Juda ilǝ koj le, nyan ra kɨ yer a dǝ ra kɛ̀m ɓee kɨ Jerusalǝm a sǝ dǝ nang kɨ Israel'tɨ a tɔ, loo kɨ too minǝ kɨ d'adǝ Njendisǝnn a, kɨ è ndigǝ ngă, Juda an kɨ nya le. E um nan;tɨ sǝ ngonn mandǝ kɨ Nubǝ lǝnn è kɨ mba a tɔ. ¹² Njendisǝnon a ɔ doo kɨ ra nyan titɨ kɨ ɓè ngă kɔk è kɨ ɔg kum'n bi a, kɨ ra nyan a tɔ. E a ɔr'n kɛ̀ kǝi kubu gɨ lǝ Jakob, è a ɔr è kɨ njekunn nyan nojǝ kadǝ Njendisǝnon lǝ kos njerɔ gɨ. ¹⁴ Ɓaa sǝi edi nɛ̀: Ke è tǝdǝ ri wa? Tǝdǝ Njendisǝnon è nje kɔr go tà kɨ dan si't sǝ dinyǝn lǝi kɨ balsai'tɨ kɨ i ilǝ koj dǝn't le, nè né è bè gea è ngă è nje kore kadǝ sǝ dinyǝn kɨ sǝ go mann ra lǝi. ¹⁵ Doo kɨ nje ra nyan kɨ ɓè goto, sǝ gutɨ kale dǝ kɨ tà gir lǝ dǝ è kɨ maj. Doo kare bǝrǝ a ra: ɓaa ke è tǝdǝ ri wa? Tǝdǝ è sang gir koj kɨ Njendisǝnon unnndunn adǝ'm. Ɓè ɓaa undǝi kumkunju dǝ ra si'tɨ lǝ kadǝ doo kare bè ra majǝle sǝ diyǝn kɨ è taa sǝ balsa'n ngă le. ¹⁶ Tǝdǝ m'a m'ɔr tà mbatɨ nan ngă tchet Njendisǝnon, Nubǝ lǝ Israel á tam ɓè. Doo kɨ utɨ dǝ nyan ra tɔg sǝ kubu lǝnn. Njendisǝnon lǝ kos njerɔ gɨ á tam ɓè. Undei kumkunj dǝ tà girgɨ lǝ si kadǝ sei njékilǝ koj gɨ ngă le.