¹ UBulusu nu Utimoti ne, befe wọ Alimasihu Uyesu gẹnẹ nu banị imẹ nbe fu ne yaba le nu ginyẹ kọ Alimasihu Uyesu umẹ nbele nu Ufilibi tẹ̀, si banị imẹ nbe vo banị ya guza ko aduwa, ni banị gatime kaba nẹ. ² Aniheli wa yi nẹnẹnẹ, si liyesi nu woze Usigapa ada weyi ada unịkpụkpụ Uyesu Alimasihu. ³ Ngode Usigapa utu umẹ nlika kẹnẹ be iye tẹ̀. ⁴ Utu unono ma tẹ̀ nẹ na yami ni liyesu nẹ. ⁵ Nmẹ ugode wa lutu gagwọ kẹnẹ nu lika kọ usigapa kẹ nyinẹ tọpọ ngbọgbọ be uzu wa nyẹmẹ tẹ̀ ⁶ nwụtụ gẹ̀dẹ uni mẹ utọpọ lika sesele nyinyẹ alimasihu we be. ⁷ Usiyi gyẹ gima wụ tẹ̀ gẹ̀dẹ nyinẹ le nu iye yami. gyi yẹnẹ nyinẹ vu bebolo nu gatimẹ kami wọ aniheli wọ Usigapa nu ga gọ ka gami, nu gawụlu ne, nu lika kọ Usigapa nẹ. ⁸ Gẹ̀dẹ Usigapa na uvu se nda yami wọ liyeba umẹ nnya nu lutu kẹnẹ tẹ̀, wọ alimasihu Uyesu. ⁹ Mamẹ aduwa gẹ̀dẹ liyeba kẹnẹ wa mọnyị epete nu ga kpu nu ga wagaba kana nẹ. ¹⁰ Mamẹ aduwa tẹ̀ gi nyine'a wulu nu ube umẹ uyi gyẹ tẹ̀ nẹ gi nyinẹ'a yi gyẹ nu uzuwọ Usigapa. ¹¹ Mamẹ aduwa gẹ̀dẹ nyinẹ elele nu lika usele kọ Uyesu nẹ nu ga yaba sesele ka Usigapa. ¹² Meye gẹ̀dẹ nyinẹ bamikọ yami nyinẹ kpụ gẹ̀dẹ ubemẹ utumi tẹ̀ ugigi lika kọ Usigapa nyantsi petẹ̀, ¹³ gebo ka gayitẹ̀ isoza yeyigọle gọngọ kpụ atsamgba yami wọ Uyesu. ¹⁴ Gayi te ugigi nbani kiki yeyi nyantsi nu alimasihu gebo atsamgba yami ba nyantsi ya lika gagẹ̀. ¹⁵ Banị́ idika nu ubibinẹ ba gẹnẹ lika kọ Usigapa gebo ka agu nu iye ibibinẹ bani idika nya iye sesele. ¹⁶ Banị ga gẹnẹ adẹmi nu nẹmẹ geba ka gẹ̀dẹ ma dẹ lika kọ Usigapa ibo. ¹⁷ Banị́ ide ba mẹ lika kọ Usigapa gebo ka iwuyaba bamẹ wọ akukwasi la banị imẹ kụka gẹ̀dẹ niba agimi liye kụ ndẹ nu atsamgba mẹtẹ̀. ¹⁸ Uvu ngyẹ? Lika kọ Usigapa ga gẹnẹ nu iyapụli nẹ si ya kwukwasi nde lika kọ Usigapa agẹẹtẹ̀ iye simi tsim, ¹⁹ nkpụ gẹ̀dẹ umẹni, wa gigi gima wa gana nu aduwa yẹnẹ gamẹ nu ibo gadẹ ka gumunu ka Uyesu nẹ ²⁰ Gebo ka iye gadẹ kami, ni iyapu ge sinẹ azi wa mọ mi la. Si geyi kami kyékyé mẹ nu zami zami nẹ Usigapa wa wọ uyaba nu iwụ yami ko gima na ko gima tsi. ²¹ Gẹ̀dẹ nu woze'ami nna alimasihu nnutsi nwa gaba tẹ̀ ²² Gana kami nu gụwụpa ugini bene lika usele makpụ uno nmẹ sula. ²³ Gybi ibe iva imẹ ibami nde nnabo nnẹ̀mẹ ngẹẹ nu alimasihu na'a ukyẹ. ²⁴ Gana kami nu gụwụpa uvu liyesi gebo kẹnẹ ²⁵ In nya gakpụ gẹ̀dẹ mana giyele za gebo ka gatimẹ ga gẹnẹ nu liyesi nu ga wulu nẹ ²⁶ Gebo ka ge kote gi kami dẹ nẹnẹ nẹ nyinẹ yi nu ginyẹ ka alimasihu Uyesu. ²⁷ Tuzu kẹnẹ gazu wa zaya banị lika kọ alimasihu Uyesu gẹ̀dẹ nba wa gapẹnẹ sị gawa gapẹnẹ la mewu gẹ̀dẹ nyinẹ vu udẹ̀ manu iye we simi nwu gẹ̀dẹ nyinẹ amẹ gyẹngyẹ za nu ga wulu ka ga timẹ kọ Usigapa. ²⁸ Nyinẹ aga mọ nzize wọ bani imẹ nba mọ ntsẹkẹ nẹnẹ nẹ tẹ̀ la gẹ̀dẹ uvu utu mozi wa gebye kaba tẹ̀ nuwoze nẹ uvu utumozi wa gana tẹ̀ game kọ usigapa utẹ̀. ²⁹ Amẹnẹ lika sesele gebo kọ alimasihu avu gebo ka gawutu nanẹ kiki la nde gebo ka liyẹ gamẹ gebo kana. ³⁰ Nyimẹ a paliyẹ̀ kan ki wami gi nyinẹ sewu gẹ̀dẹ mapa liyẹ̀ gbogbo be kyékyémẹ