1
Umẹ uvu ga tọpọ ka lika kọ Usigapa wọ Uyesu Alimasihu, Ubyi ya Usigapa.
2
Kụ'a si ká nu utakada ya anabi Iseya tẹ̀. Pa, me né Utsagbani yami gitẹ ni gagu kẹnẹ, umẹ uwa gini'ẹ nẹ utumozi tẹ̀,
3
anya gulẹ a vala nu unọda, uwa gẹ̀dẹ, gini utumozi wa Ada Unị́kpụkpụ.
4
Uyahaya be wa mẹ ubatizima nu unọda, wa mẹ uwazi ya ga gini, gebo ka aka ibibi ga mọ.
5
Gbyi tịzẹ ka Uyahuda nu banị́ Urusẹlima nẹ, nbe be uwoza na, u mẹ ba ubatizima nu ukogi ya urudu. nba gẹ̀ aka ibibi yaba.
6
Uyahaya gyengye ni gugye ka tiyi kọ Ulakumi nẹ, U kyẹ̀ gupita kọ uleda nu utọ yana, ibe ilili yana uvu angba nu uzọ ya titẹ nẹ.
7
Uwa mẹ uwazi gẹ̀dẹ, "Anya Unị́ umẹ uwe be ni igi yami tẹ̀, unya ntsi pé mi umẹ ko ulị ya gudaba kana, ma tsị gima bana la.
8
Nimi ma mẹ'ẹ nẹ ubatizima nu uzọ nẹ, nde unị́ umẹ uwe be ni igi yami tẹ̀, wa mẹ'ẹ nẹ ubatizima ni gumunu utsa nẹ.
9
Uzu umẹ Uyesu be nu Unazarati ya Ugalili tẹ̀, Uyahaya mẹ'a ubatizima nu Ukogi ya Urudu.
10
Kụ Uyesu fu nu uzọ tẹ̀, nki gu'u ngumunu utsa si nu lutu kana, kụ guleku tẹ́.
11
N gulẹ fu ni nki, u gẹ̀dẹ, "Nyẹ'a vu ubyi umẹ n baliyeba kẹnyẹ tẹ̀. Iye simi nẹnẹ tsim."
12
Ngumunu tsa vo'a gẹnẹ unọda.
13
U dẹ nu unọda uzụ wogba, Usẹtan a mọ'a pa. U dẹ nu unọda ni fiye nẹ, Imaleka a mẹ gatimẹ a gi'a
14
Ni igi umẹ a mọ Uyahaya tẹ̀, Uyesu zwi tịzẹ kọ Ugalili uwa mẹ uwazi ya lika kọ Usigapa,
15
U gẹ̀dẹ, "Utu nu be, litsẹ ka Usigapa tsu-tsu be. Nyinẹ a gini, a wụlụ ni lika kọ Usigapa nẹ.
16
Kụ wa kyẹ̀ nu ukpukpuntu yọ uteku ya Ugalili tẹ̀, u pa Usaminu nu Anduru nẹ, unị́kọ yana nbe tse getse nu uteku, gẹ̀dẹ, ba vu banị́ ngbetu ga mọ'u.
17
Uyesu gẹ̀ ba gẹ̀dẹ nyinẹ a be, nnyinẹ'a bami, nimi me gine'ẹ nẹ, nnyinẹ a mọ'u banị́yapụ."
18
Nnẹyẹ nba nabo getse kaba nba ba'a.
19
Uyesu zụtuzụ gẹnyi, u pa ubyi yọ Uyahaya unị́kọ yana, nba'a gini getse nu gukpa kọ uzọ.
20
U vala ba, nba nabo unị́ umẹ uwa mọ tẹ̀, Uzebedi nu gukpa kọ uzọ nu banị́ gatimẹ ga mẹ kaba nẹ, nba ba'a.
21
Kẹ ba zwi ginyẹ kọ ukafanahum tẹ̀, nu uzụ ya Usati nẹ, Uyesu zwi guza ka aduwa u tsene ba.
22
Uvu ba lika ka anyini ni ibe itsetsene yana, wa'a tsene ba tẹ́, kụ unị́ ntsi tẹ̀, a vu kụ unị́ ibe ga ka tẹ̀ la
23
Nu guza ka aduwa a nya unị́ gumunu ubibi, u go ligba gbo.
24
uwa gẹ̀dẹ, ngyẹ udẹ niyi nẹ, uyesu ubanazarat? Nyẹ be gi nya lị yi go? Nkpụ unị́ umẹ nnya vu tẹ̀. nyẹ nya vu unị́ tsa ya usigapa.
25
Uyesu nata gumunu ubibi gẹ̀dẹ, yi kpọ, fu nu guwupa kana.
26
Kụ gumunu ubibi lu'a tịzẹ tẹ̀, u gumunu ubibi mẹ go ligba, nnẹyẹ u fu ni ginyẹ kana.
27
Uvu banị́ gbyi lika ka anyini tsim, nbe byi iwụ yaba gẹ̀dẹ ngyẹ tẹ̀? ibe itsetsene'ẹ pipa'ẹ no ẹ nya ntsi tẹ̀? Gbogbo uwa gi gumunu ibibi ganu, nba fulu'a ba'a!.
28
lika gụyẹ za gọ tịzẹ ka ugalili.
29
Kụ nabo guza ka aduwa tè, nba zwi gami ka usaminu nu Anduru, nba pa uyakubu nu uyahaya nẹ.
30
Ugwọ Usaminu uzi wa yi gẹlẹ la, ni ntẹnẹ nẹ. nba gẹ̀ Uyesu lika kana.
31
U be, u mọ gubo kana, u likyé na'a , ntẹnẹ yẹ nabo'a, uwa mẹ gatimẹ a giba.
32
Nu uzụganẹ ne, kụ uzụ kị̀ be tẹ̀, nbe be, gbyi banị́'a alizini.
33
Gbyi banị́ ile gọ nu ganu ka ukpaki.
34
U sẹ banị́ liba ni gedu nẹ, nu aba kọkọkọ nẹ, u gini fune alizini ipunu, nde wa wụlụ gi alizini gẹ̀ lika la, gẹ̀dẹ ba kpu'a.
35
U likyé nu ututu nẹ, nnẹ̀ki vu gubyi wa tẹ̀, u gẹẹ nnẹ̀ imẹ ngọngọ a dẹ mọ la tẹ̀, nnẹyẹ u mẹ aduwa.
36
Usaminu nu banị́ imẹ nbe le nanẹ tẹ̀ nẹ, a ye'a. Nba pa'a,
37
nba gẹ̀ a gẹ̀dẹ, ''Gọngọ a ye'ẹ''.
38
Ugẹ̀dẹ nbeli gi ya gẹẹ nnẹ̀ dika, ile imẹ igi yi gọ mẹ tẹ̀.
39
U gẹẹ gbyi tịzẹ ka Ugalili, uwa mẹ uwazi nu aza ya aduwa yaba, uwa fune alizini.
40
Unị́ ukputulu dẹ́ be uwoza ana. uwa mẹ'a tsuku-tsuku, u ni kuluso u gẹ̀dẹ '' Nya wụlụ nya sẹ mi.
41
U mẹ upkakpaki Uyesu tana gubo kana u da u gẹ̀'a gẹ̀dẹ N wụlụ, yi tsa.''
42
Nnẹyẹ ukputulu yẹ nabo, uwa ga sẹ.
43
Uyesu gẹ̀'a lika tsim, unabo'a, u gẹẹ kana.
44
U gẹ̀ a gẹ̀dẹ ''Ga gẹ̀ gọngọ tẹ̀ la, nde gẹẹ, nnya ga tsini iwụ yẹnyẹ nu Ufrisiti, nnya ga gi ibe ya ga sẹ, kụ umusa gi ganu tẹ̀ gi'a kpu."
45
Nde kụ fu tẹ̀, u sa gẹ̀ gọngọ tẹ́, u gẹ̀'a nnonono, gbogbo Uyesu a zutuzu baná ni ile yẹ la. u gẹẹ u ge gyengye nu nnẹ̀ imẹ ngọngọ a dẹ mọ la tẹ̀, banị́ be uwoza'a na ni nnonono.