¹ Gebo ka ga bana Ualmasihu gii ga na. Gyengye ni ntsi nẹ gi nya kayi te te tẹ ni aka yo befu gala. ² Nyine, nimi Ubulusu gẹ̀dẹnya nabo atsi'e galo, nya wo uliba wo almasihu nnedẹdẹ lạ. ³ Ma gẹ nẹ wa gẹ̀dẹ, uni unabo atsia galo, wa gwo gẹ̀dẹ wa fulu-aba ibe izizi gbi. ⁴ Atsi'e efene ni banị ya Almasihu, gi agina ze-iwa ni ibe izizi gi nya ka gini wa aniheli kata gala. ⁵ Gebo ka ulufu, nu ubangeski ne uni leile gẹ̀dẹ ye ngye ye tse yapu yaba lika usesele. ⁶ Nu Uyesu Almasihu ugalo ga tsi ni galo ga tsi la nẹ wa vu gyengye la, nde gatime ko ubangeski ni ge ye. ⁷ Aki me nya tse tẹ, yi gyẹ go, gi wa wolu gi nya fulu-aba lika ka ukukwa la? ⁸ Aka mẹ ye fu nu unịmẹ uvala ene te la! ⁹ Guya ugenyi wa gigi gi ibe yeyi. ¹⁰ Nya ntsi nu Usigapa gi nye kẹ su ga kpu ni gọ-gọ la unịmẹ uni likana usa paliyẹ̀ ko wa vu ngwo. ¹¹ Baniko nga tsi-tsi yi nu galo ga tsi, ngyeyi atsi-tsi gyami? Nga yi tẹ liyè ko uki gapa ana funẹ. ¹² Wa banime nba wolu gye nẹ la mẹtẹ, uban gedẹ bẹ funa ibe yi iwu yaba. ¹³ Baniko, ivala enẹ vụ ya litukpa nde kẹ su litukpa kenye giwa vu wo aka tsuku la, nde ni geye nyina mẹ̀ gatime agi idiya. ¹⁴ Gebo gẹ̀dẹ ibe izizi gbi le nu ibeme agi ganu gẹ̀dẹ amẹ̀. ¹⁵ Nde nyine'a dẹidika galu ko nyine'a mini idiya, nyina mẹdẹ̀ gi nyina ka lulutu kẹ idiya la. ¹⁶ Nde ma gẹ̀ zutuzu mu ulufu, gi nye kẹ su geye ka guwupa ni aka ibịbị nẹ la. ¹⁷ Gebo gẹ̀dẹ geye ka aka ibịbị agwa ni ulufu ni la, si geye ko ulufu agwa ni aka ibịbị ne du la. Gebo gẹ̀dẹ Ibemẹ gbo-idiya, gi nya ka mẹ̀ ibe ube tẹ anu la. ¹⁸ Nde uvu ulufu uwa debo agẹnẹ̀, nya ba ibe izizi la. ¹⁹ Kyẹkyẹ mẹ tẹ gatimẹ̀ aka ibịbị ya guwupa, uvu' ikilaki, lika gamẹ̀ gwo la, gezida, ²⁰ bani gebo gamẹ, bani iva getse, tịpị gamo, gamitsi, agwu, ipịsị, ntsẹki, gamitsi gume uwo bene tipi tẹ, gayi kokoko, ²¹ agwu, beze gewu, gamitsi, ni aka yi li menẹ. Ma gini ga gẹ̀ nẹ, kẹ nsi gẹnẹ pa be tẹ, gebo gẹ̀dẹ banị me nba ma aka ye tẹ, ba wo ikwube yau umulki yo Usigapa zwi la. ²² Nde bani aka isesele yo ulufu uvu geye, nmo'ana, liyesi, liye ga mo, lika gakpu, lika sele, ubangeski, ²³ gaba sunu, iwu gamo-ibo, ibemẹ yayi la ibe izizi yayi la te. ²⁴ Bani mẹ nba vu go Uyesu Almasihu tẹ ba kyẹ aka ibịbị ya guwupa gapa ni geye kana nẹ bẹ. ²⁵ nu ulufu, nbeli gi ya zutuzu nu ulufu. ²⁶ Ika vu bani aka nikpu kpu, bani aka geye idiya, bani agwo gamẹ̀ idiya la.