¹ Banị́ ugalatiya wa! Ngyẹ i zwi ẹnẹ yapụ? wa si vu uyesu Almasifu kili, ya gene lika ka na la? ² Me ye gẹ̀dẹ ma kpụ, nyinẹ gu lika kọ usigapa, ni ga vini gi ibe izizi yọ Umusa nẹ go? wa vi ibe izizi yọ Umusa nyinẹ gula, nde nyinẹ gu lika gumẹ, a wu gebo kọ Uyesu tẹ̀. ³ Nyinẹ ni bubu tẹ̀ la? nyinẹ tọpọ nu utowezi sesele, nde nyinẹ ni va gẹẹ utowezi wa gụwụpa? ⁴ Nya mẹ liyẹ̀, ni ibe ni gedu nẹ sa, uvu usa? ⁵ Unị́ mẹ u gi ẹnẹ Ulufu usesele ni gatimẹ ka anyini nẹ, ni ginyẹ kẹnyẹ tẹ̀, umẹ ni gatimẹ ka ibe izizi nẹ go, ko ni ge wu ka ubagesikiya nẹ? ⁶ Ke ibilayi wulu nu usigapa ne uvu lika sesele gya te, ⁷ nu utowezi dede ye usi vu bebi yana. ⁸ lika ko usigapa gede bani kiki bawa gase gebo ko ubangaskiya. age ibilayi lika ka usigapa ni gbongbo, gede ni giye keye nbani wa lika sesele. ⁹ Gebo ka giyite bani me nba si wulu nu ubangaskiya ba vu bani ya alibalika ne. ¹⁰ Ula'anai lutu ka bani me nba ba ibe izizi yo umusa. Gebo gede aka gede ula'ana yi ni lutu ka bani me nba me ibe izizi yo umusa byi late" ¹¹ Wa va ami la gede bani me nba wa gase te ba wa gase gebo ka ibe izizi game la nde gebo ko ubangeskiya iya wa gase. ¹² Ibe izizi gaba u vu ubangeskiya la, nde unime u wa me lika ke ibe izizi u sa vu uni ibe izizi ga me. ¹³ Uyesu fune yi, ni ibe izizi yo ula'ana, nna vu ula'ana gebo keyi. Kanko me aka gede, ula'ana u vu unime ata za na nu uki te ¹⁴ gebo ka ga gede aliba lika me uyi nu lutu ke ibilayi te ya yi nu lutu ka bani me nbayi nu uyesu te gebo gede i gu uyesu nu utowezi a ga wulu na ne. ¹⁵ Bani yami ma ge ne lika gume ni ibe ye guwupa. Ubeme uni yapu sii aya unime u wa tse azana te la, gede uvu ube me ngongo wulu na ne te. ¹⁶ A me ibilayi anikewoli me u wofu ni uwo za na te. Wa vu anikewoli ni gongo ne byi la nde uni dede, ana uvu uyesu. ¹⁷ Ubeme nma gete u vu gede anabo ibe izizi me usigapa ge umusa te ivu deli ino ni ike tsyi ne, ngi me usigapa gi umusa ibe izizi tela; ¹⁸ Nde ga wa litse ko usigapa wa vu gebo ke ibe izizi la nde gebo ka anikewoli na. usigapa ume ibilayi anikewoli. ¹⁹ Nge iyi tse agi ibe izizi? gebo gede bani a zwu tuzu nu utowezi sesele tsye gi uyesu ibe be me usigapa me anikewoli te. Ibe izizi yame gatime gebo ko unime ude ni gaki-gaki te. ²⁰ Unime ude ni gaki-gaki te upe uni dede si gayi te usigapa u vu udede. ²¹ Ibe izizi yo umusa u vu gami tsi na alikewoli yo usigapa ne go? Wa yi te! gebo gede ibe izizi agi uni litse ko usigapala. Nte usigapa agi ma me anikewoli yo uyesu la. ²² Lika ko usigapa gede byii i vu bani uzunibi, usigapa gi ubina gi iya wa gase ni ga wulu nu uyesu ne. ²³ Tse gi uyesu abe be gase ya zu tuzu ni ibe izizi yo usigapa; ibe izizi wa tsine ke nya zutuzu te si lika ga ge. gbongbo tse uyesu bebe ²⁴ Ibe izizi ivu ibe me uwa tsine ke ya zutuzu te gbongbo tse be be gebo gede ya wa gase ni gawu ko ubangaskiya. ²⁵ Ke iba wa ubangaskiya nu uyesu mete, ibe izizi ya ya ntsi lutu keyi gala. ²⁶ I vu bebi yo usigapa ni ga wulu ke nu uyesu. ²⁷ Byi bani me ame ba ubatizima ni liye ko uyesu to uyo ulai. ²⁸ Si iya huda wa si bani me nba vu iyahudalate bani azu ne ba si bani me azune ba la te, belolo si benyine, ivu ube dede nu uyesu Almasihu. ²⁹ Uni me ude nu uyesu ufu nu usa wo ibbilayi me u wa wa gase gebo ka anikewoli yo usigapa.