¹ Ni ngi ya iye ibo na ino ngini gee Uliselima ni Ubanaba, ige za ni Utitus ne ² N kolegi gẹ̀dẹ Usigapa tsini mi gè ma kolegi. Ngebe lika kọ Usigapa me nma me guke ikiki. (Nde nfune banị́ me nba vu ituzuge ipilili te in geba lika). N mete gebo gẹ̀dẹ be kpu gẹ̀dẹ avu aki ya ukawe nma tsa, ko ma tsa aki ya ukawe la. ³ Nde ko Utitus nme ude nimi ne nmete, uvu Ubeheline anya unime u mọ ni ntsi ne gẹ̀dẹ wa tsí galo te la. ⁴ Lika guye like ni woze "banịkwo ya mi de me nbe fu ni ginye kayi te, nbe be ni gewo gi niba apa ga dende kayi ni liye kọ Uyesu Alimasifu te. Ba ye gẹ̀dẹ niba a geneyi gi'iya vu befe ya ibe izizi. ⁵ Ya giba iyapu ko gegelenyi la, gebo gẹ̀dẹ lika kọ Usigapa ayi nẹnẹnẹ gi uka saki la. ⁶ Nde banị́ me nba vu banị́ pilili te (ibeme nba me te avu gyengye ni gegu kami la, Usigapa pye gongo la) banị́ me ngẹ̀dẹ ba vu banị́ isele te ba gimi gyengye pete la. ⁷ Gebo guye te, ba pa ku agimi gatume ka lika ka Usigapa ga ge giba nime atsí ba galo la te, kanko me agi Ubulusu lika Usigapa ga ge gi banị́ me atsi ba galo te. ⁸ Nde Usigapa, me ume gatume ni Ubulusu ne ugee lika kọ Usigapa ni banị́ me atsi ba galo te, usi gini aba nimi ne gima gee lika kana agi guke ikiki te. ⁹ Nna Uyakubu, Ukefasi, Uyahaya me a pa ba gẹ̀dẹ niba nba gini banị́ aduwa te, nba wulu ni aniheli me agimi te ne, nba gi gubo ulili ka lubo niyi ni ubaba ne. Bame kili gebo gẹ̀dẹ niyi ya geni guke ikiki gi niba agee ni banị́ me atsí ba galo te. ¹⁰ Nba gayi gẹ̀dẹ ya te banị́ litoloci. Ume nnya iye ya gatume te. ¹¹ Nde kẹ Ukefasi nu Antakiya te, nma ukana ni iyapu yana gebo gẹ̀dẹ ubeme ume te eyeliye la. ¹² Tse gi banị́ye ebe Ukefasi gima libe ni guke ikiki ne. Nde kẹ banị́ ye be te, unabo ibe gali niba ne, gebo gẹ̀dẹ wa mo nzize ya banị́ me nbe ye gẹ̀dẹ atsi ba galo te ne. ¹³ Banị́ kiki ya Iyahudawa ba like ukana. Ni gayi te Ubanaba ba lika kaba du. ¹⁴ Nde npa gẹ̀dẹ lika game kami wa ge gye ni lika kọ Usigapa ne la. Ngee Ukefasi ni iyapu yaba, "Nya vu Uyahudawa nde nya me lika kanko'a guke ikiki avu ya Iyahudawa la, nge nya me guke kiki ukpakpaki gẹ̀dẹ ba me lika kọ Iyahudawa. ¹⁵ Niyi ni iwu yeyi ne ivu Iyahudawa ni limó avu guke ikiki banị́ izunubi la. ¹⁶ Nyine akpu gẹ̀dẹ anya unime aza iwa gebo ka ibe izizi te la nde gebo kọ Ubangaskiya nu Uyesu Alimasifu. I gini wa Ubangaskiya ni Alimasifu Uyesu gebo gẹ̀dẹ ya wa gatse ni Ubangaskiya ni Alimasifu avu gebo ka ibe izizi la. Gebo gẹ̀dẹ nu gatume ka ibe izizi anya guwupa gume uwa'awa gese te la.̇ ¹⁷ Nde iye gase ni Alimasifu, si niyi du igima me aka ibibi, Usigapa wulu aka ibibi du ma? We ye ye la! ¹⁸ Nde ngini ibeme nzo ya pa be te, gamé, uyi ni ga gẹ̀dẹ ma ba ibe izizi la te. ¹⁹ Ni ibe izizi ye ntsí, ntsí ni ibe izizi , gebo gẹ̀dẹ ma na ni Usigapa. ²⁰ Ntsí za ni Alimasifu ne, avu nimi nma gi tela, nde Alimasifu ude ni guwupa kami. Tuzu gume nma zu kyekye me ni guwupa, ma ma ni Ubangaskiya wa ubyi ya Usigapa ne, ume ugi iwu iyana gebo kami te. ²¹ Ma vu tuva ni aneheli ya Usigapa ne la, gebo gẹ̀dẹ lika sele yana yi ni ibe izizi ne tsé, ngẹ̀dẹ Alimasifu tsí ba gyengye te.