¹ Ubulusu, uvu umatsi avu umatsi wa uniyapu ko wa lubo ka bani yapu la, nde wa Uyesu Almasihu ni Usigapa Ada ne, ume ulikena ni bani itsitsi te ne- ² si banikwo yami gbii, si bani aduwa ya Ugalatia ma ka me ve ne. ³ Aniheli ya Usigapa Ada yi si Ada nikpu-kpu nki Uyesu Alimasihu ebe weza ne, ⁴ ube ugi iwuya na gebo ka aka ibibiyayi gede wa fune yi ni lika touku ka gase gume, ni liye ka Usigapa ni Ada ni, ⁵ gayaba yi ni liye kana gbogbo age. Amin ⁶ Lika dama mi tsimi ume nyine gi iyanu aba lika diya kokiso te, gini damami gede nyine egiye ngi ata unime u vala ene ni aniheli ya Alimasihu te ne. ⁷ Avu lika ka Usigapa diya la, nde anya bani de me nbe bene gamints nbeye gede niba agine lika ka Usigapa te. ⁸ Nde niyi ko umaleka wa nki wa ge na lika ka nimasifu udiya koko ni ume imene tene, uvu utsuku. ⁹ Ku isi ge bete, ngini ma gene wa "nde unime u gene lika gude koko ni ubeme nyine wu tene uvu utsaku." ¹⁰ Kyekye me te, me ye udenda wa bani yapu go ko ya Usigapa, me ye gede bani aye lika kami go?Nyani me ye gede ayaba mi ma vu ubyi yatime ka Alimasihu la. ¹¹ Nde meye gede banikwo oyine a kpu gede lika gume nma gene te avu ya Usiyapu la. ¹² Ma gua ni uniyapu la, ma dini nla la. Nde ubomi ni ula kulu wa Uyesu Alimasihu. ¹³ Nyine guzi wu lika ni lutu kami ni Uyahudanci, ku ngi bani aduwa liye me aza anula ngini ma wu ba. ¹⁴ Gesugegesuge nsi ma ge ni ginye ka iyahudana ni bedu yami. Ni liye game ne bani de kwe gebo ka utaki ya adamine. ¹⁵ Nde uba Usigapa ufune mi ,ni ,ginye ka nmami. uvalami ni waze aniheli yana, ¹⁶ u gini tsini mi ubyi na gebo gede ma ge lika kana ni guke ikiki. Kukwa ma gigi gi ,,futsi ni beyi ne akpu te la. ¹⁷ Ma gee uliselima ni bani me nba topo gatume ka imatsi kimi te la. Ni gayite te ngee Arebiya, nneye nkolegi be Udimashku. ¹⁸ Ni ngi ya iye ita n gee uliselima gede nga kpu Ukefas, nde na ne izu bona ito. ¹⁹ Nde ma pa batsagba ko ude de la, nde Uyakubu unikwo wa Ada nikpukpunki kili npa. ²⁰ Ni ibeme nka vo ene te, ma gene ni gegu ka Usigapa, gede ma tsani la. ²¹ Ni neye nkye gee tize ka Usuriya ni Ukiliki ya ne. ²² Nde ni utu ye anya unime ukpumi ni ginye ka bani aduwa ya Uyahudiya me nbe le ni liye ka Alimasihu te la. ²³ Nde be wuwu kili age. "Umime ugima giyi te, kyekye me te wa ge lika ubangaskiya me ugima zua te. ²⁴ Mba yaba liye ka Usigapa gebo kami.