¹ Ubulusu Utsagbani wa Uyesu Alimasihu ni ga wulu ka Usigapa ne, gene vo banị́ me Usigapa fune te, me nba le ni Afisa n ba Uyesu pilili te ² Aneheli ni liyesi ne, ni woza Usigapa, Ada eyi ne Uyesu ³ A yaba liye kọ Usigapa Ada wa Uyesu ume ugiyi anibalika ya ulufu ni nki ⁴ Ni me i wulu ni Uyesu ne me te, Usigapa fune yi tse gi a me gase. Ufune yi gi ya yi tsa gi ya zu tuzu gume uwa nya uzaza ni gegu kana la te. ⁵ Gebo ka gayi te Usigapa su gẹ̀dẹ nna esu yi gi ya vu bebyi yana ni liyesi ne kẹ usi ye te ⁶ Ga gu keyi uvu gẹ̀dẹ Usigapa gu ganyi gebo ka ga gone ka aniheli yana. Ubeme ugiyi gufa ni gubo ka ubyi ana te. ⁷ Ni Uyesu i'wa gana, agini mò aka ibibi yayi ga mo ne gebo ka aniheli yana. ⁸ U giyi aniheli me gbii ssi ga kpu ⁹ Usigapa bana ugaskiya wa ubeme u yi ni iye yana te gi yi, usi'a iye te, ume te ni Uyesu. ¹⁰ Tu uba nu me u wa'a wu gatime kana lutu te, Usigapa wa bene ibe ya nki si tize ni Uyesu. ¹¹ A fune yi ni liye ka Uyesu gi ya vu ikube ua Usigapa ume ume gyengye kẹ usi kye te. ¹² Usigapa fune yi gẹ̀dẹ ya vu bebyi gebo gẹ̀dẹ ya vu ngbọgbọ me i tse yapu ba Uyesu te. ¹³ Ni ginye ka Uyesu nnyine wa lika kọ utata wu, lika gume u si ene iye gebo ka kọ Uyesu te, ni ginye ka na n nyine wulu azi'ene usenda ni ulufu utsaa me aa me ene anikowoli te ne. ¹⁴ Ulufu uye uvu ga wulu ka ikube yayi tse gi iya waa. Uyi te gebo ka ga yaaba ka liye kana. ¹⁵ Gebo guye te, tume nwu lika ka Ubangaskiya wa'ene ni Ada Uyesu, si ga ye gume nyine nya ni lutu ka banị́ tsaa ya Usigapa te ¹⁶ Ma me aduwa ni lutu ke ene zam, mae gode Usigapa ¹⁷ Ma me gẹ̀dẹ Usigapa, Ada eyi Uyesu Alimasihu, Ada wa uyaba, wa gi'ene ulufu ni ga kpu ka lika kana ne. ¹⁸ Ma me aduwa gẹ̀dẹ Usigapa epye iye ya'ene, gi nyine a kpu u be me u gigi a vala ene te, ni gibe kọ uyaba wa ikube ya banị́ itsa ya Usigapa nee ¹⁹ Ma me aduwa gẹ̀dẹ nyine akpu ntsi yana me iya nya ga bye la ni ginye kẹ yi banị́ me i wulu na'ane te. Kẹ gatime ka ntsi yana yi te. ²⁰ U si me gatime ni ntsi ni Uyesu tu me u likyene'a ki banị́ i-tsitsi uga dende ni gubo ulili kana ni nki ²¹ Ude'a ni nneme upe litse unonono te, liyė kana pe aye ya gase gume gbii. Uyesu waa vo banị́ ya kyekye me si ya egule bene. ²² Usigapa nabwo gyẹngyẹ gi Uyesu, ugini gẹ̀dẹ Uyesu wa vu gezuge ka gyẹngyẹ ya banị́ aduwa ²³ Guwupa kana vu aduwa, ligbene kana lele gbii kele-kele