¹ Uzu wa ufentakos banị gbyi aba be libo libo. ² Nyine n gule gudẹ̀ si fu ni nki tẹ, kụ ugbafu tẹ̀, lele gami gumẹ n ba le tẹ. ³ Nyine n gakulẹ gudẹ si fu tẹ, kụ wa giwa tẹ̀ ba nu atu ya ba gbyi. ⁴ Ulufu wa Usigapa zwi iwụ yaba, n ba si'a ge lika ni gakulẹ kọkọkọ nẹ kụ ulufu si niba nẹ tẹ̀. ⁵ Utu yẹ tẹ, a nya banị uyahudo dẹ mẹ n bale ni uliselima tẹ, banị nya n zizẹẹ ya Usigapa, ba fu ni nonono ni gasẹ gumẹ ⁶ Banị ba wu nsẹ yẹ ẹ, gbyi aba a kpụ utata ga la, gebo gẹ̀dẹ, gọngọ wu ke a gẹ̀ guke kana tẹ.̀ ⁷ Lika guyẹ tsi ba yapụ, n ba gẹ̀dẹ, ngẹ̀dẹ la, banị́ mẹ a vu banị ugalili ila m pa? ⁸ U yi gunẹ yi n ba ga ni'a le ike yayi.? ⁹ Fisiyawa si Imediyawa si elimawa, si Iyahuda si iyahuda si Ikfadokiya ni ginyẹ ka ufontus ni asiya. ¹⁰ Ni ginyẹ ka ufigiya si ubamfiliya, ni ginyẹ ni ginyẹ ka umsali si gubo ka ulibiya wa kpasa wa sul si baniza mẹ n ba fu ni uloma te,̣ ¹¹ Iyahuda si banị mẹ n ba tuba ni ginyẹ ka Iyahuda te,̣ Ikereti si Ilalabawa, gbyi iwu, kẹ ba gẹẹ ni guke keyi tẹ, ni lutu ka ibemẹ Usigapa mẹ tẹ. ¹² Gbyi aba, lika guyẹ tsi ba yapụ, n ba gẹ̀ idika gẹ̀dẹ, n gyẹ ka, iyi tẹ? ¹³ Nde idẹ̀ mẹ agbo gẹ̀dẹ, Beze'a meṇẹ ba. ¹⁴ Nde Ubilatu su likye ni ubo ni udẹ yẹnẹ u gẹ̀ ba gẹ̀dẹ nyinẹ banị uyahuda, si banị mẹ n ba le ni uliselima te,̣ nyinẹ a kpụ gẹ̀dẹ, nyinẹ zi gutakpụ e wu lika kami. ¹⁵ Avu beze uwa mẹnẹ banị́ mẹ la, uzu a sa mẹ uni e wu beze tẹ be la. ¹⁶ Uvu lika gumẹ anebi utowel gẹ̀ tẹ. ¹⁷ Usigapa gẹdẹ, ni izu ya gebye, ma e sine ulifu yami ni lutu ka banị bebyi ya ẹnẹ belọlọ si benyine ba mẹ anab tsi, bebyiki lolo yẹnẹ a pa ulakulu, itinibo ya ene be kulu bala. ¹⁸ Ma e si ne ulufu ami ni lutu ka babyi belọ́lọ̀ si babyi beyine yẹnẹ gi ba me anab tsi. ¹⁹ Ma'a me aka i tsitsi yapụ ni nki gapa ni tizẹ nẹ ni gada, beyii, giwa, si alifufu ya amu. ²⁰ E gine uzu gubi, gi e gine upya byii, tse gi uzu uni kpụkpụ wọ Usigapa e be. ²¹ Bnị mẹ n ba vala liyẹ ka Usigapa tẹ, ba'a wa ga na. ²² Banị lele, nyinẹ ewu Uyesu banị unazala, Unumẹ Usigapa tsini ẹnẹ na ni aka itsitsi yapụ ga mẹ tẹ, si aka mẹ Usigapa mẹ gatimẹ na'a nẹ u mẹ ni gaki gaki ka ẹnẹ tẹ, ke nyine si kpu te. ²³ Gebo ka ubemẹ ugozi ni kyẹ betẹ, si ga gozikpụ ka Usigapa, agi ẹnẹ na, nyinẹ ni ibo ya banị ibibi, nyine kye'a gapa, nnyinẹ gini wu'a ²⁴ Nde Usigapa likyenẹ'a, u fune ga baba ka gitsi ki'a, gebo gẹ̀dẹ gitsi a mo'a zi nu la. ²⁵ Gebo gẹ̀dẹ adawuda gẹ̀ ni lutu kana gẹ̀dẹ, ma pa Ada zam, gebo gẹ̀dẹ, Udẹ ni ukpasa wa gubo ulili ka Ada, gi n ka zene la. ²⁶ Gebo gede iye simi, gakullẹ kami a mẹ mwana. Iwụ yami ya yi mi ntsi nẹ ²⁷ Gebo gẹ̀dẹ nya nabo mi gi ma gẹẹ gugyẹ́ la, nya nabo uni ̣ tsa waanye, gi wavụ la. ²⁸ Nya pye itimozi wa ulayi gimi nya'a gigi gi iye ya e si mi, ni upisika wa nye. ²⁹ Banị kwo, maa gẹ̀ lika nẹnẹ nẹ, ni lutu ka Ada udawuda. U tsi e pu'a, bekune kana tsitsi yi ni gubo kẹ yi li. ³⁰ Gebo guye tẹ, uvu anebi, ukpu gẹ̀dẹ Usigapa mẹ ganu gẹ̀dẹ na a gigi gi ubyi ana udẹ wa vo tigọmọ ³¹ U gozi pa lika u gẹ̀ lika ni lutu ka ge likyẹ́ ka Uyesu ni bekune. ³² Uyesu mẹ, Usigapa likyenẹ'a, gbyi eyi kpụ tẹ. ³³ Gebo guye tẹ, ke a si likyene'a gẹnẹ gubo u lili ka Usigapa, U gi ulufu utsa ni woze wọ Ada, na ni u gigyi, u mẹni mẹ nyinẹ a pa, nyine gini e wu me tẹ. V 34 Udawuda wa go nki la, nde u gẹ̀dẹ u gẹ̀dẹ Usigapa gẹ̀ Usigapa am, dẹndẹ ni gubo ulili kami. ³⁵ Ma'a gigi bani ibibi yẹ nyẹ, a vu nni nnẹ ga ta kẹ nyẹ. ³⁶ Gebo guyẹ te ̣, gi gami ka Iseleila Uyesu mẹ nyinẹ kyẹ'a gapa mẹ tẹ. Usigapa gigi gi uvu Ada ni Alimasifu nẹ. ³⁷ Lika gu ye ku banị iye ke ba wu'a tẹ, n ba gẹ̀ Ubitilusu ni batsagba ikiki nẹ gẹ̀dẹ bani yami, a me gunẹ me? ³⁸ Ubitilusu gẹ̀ ba gẹ̀dẹ nyinẹ ẹ tuba gi a mẹ̣ ẹnẹ ubatizima gbyi ẹnẹ, ni liyẹ ka Uyesu gi a nyini aka ibibi yẹ ẹnẹ, gi a wa gamunu ka ulufu tsa. ³⁹ Gẹ̀dẹ anikọwọli iye vu yẹ ẹnẹ, ni babyi yẹ ẹnẹ nẹ, si banị mẹ n bale ni likpa nẹ tẹ, gbyi banị mẹ Usigapa eyi a vala tẹ. ⁴⁰ U gẹ̀ lika ni gedu nẹ u gi ba ntsi, gẹdẹ, nyinẹ ẹ fune iwụ yẹ ẹnẹ ni utu ubibi mẹ. ⁴¹ Nba si gwu lika kana, nyinẹ a mẹ ba ubaẗizima, etekiye n bani dubu ita gini gwu Uyesu. ⁴² Ba tsini ibe ni lutu gagwọ kẹnẹ, ni ginyẹ ka aduwa ni ibeleli ga myi nẹ ⁴³ N zịzẹ mọ gwongwo, batsagba yẹ mẹ aka i tsitsi yapụ. ⁴⁴ Gbyi banị mẹ n ba wulu tẹ, le lubo lubo, ba mẹ gyẹngyẹ za. ⁴⁵ Ba zunẹ ibemẹ n ba nya tẹ, n ba zaya gi gwongwo gbyii kẹ U gwo'a tẹ. ⁴⁶ Ga yapụkụ ga yapụkụ, ba zu tuzu za, ni guza ka aduwa, ba li ibe ni gam gam, n ba gini a za ibe ilili ni liyesinẹ, ba fulu a ba idika. ⁴⁷ Ba nyii Usigapa, wa ga nyii, ni woze'a banị gbyi. Usigapa si gbunu ba, banị n ba wa ga na tẹ zam.