¹ Eyan vare, wewe lu fe, ya vie̱ o̱hio̱ si imaghe lo̱ vade yie̱. ² E̱fe se̱ ai, bi ekhan i'ukpu se̱ le. ³ Igodi bi Isiliva se̱ wun o̱to̱n, o̱to̱n sian lo̱ chie̱n o̱se̱ reyie̱, o̱lo̱i egbe se̱ bi erian. ukhuai e̱fe ya khe̱i ewuan se̱. ⁴ Kho, egho luhai elian bia o̱vie̱ giare. egho luama hae ni elian kpa lie emi vbi ime, evie̱ sian ovi eho̱n si o̱lo̱mo̱e̱mai. ⁵ Udia vbi e̱ke̱in vbi O̱lagbo̱na vbi emi o̱do̱dan. wa wui udu se̱ gba khe̱ ̱ e̱de̱ la lo̱ gbe̱a. ⁶ Ugbo ehian elian fuan. O̱i khua obo̱. ⁷ Mo̱i izie̱ngbe imio̱n, se̱ vbo e̱ghe̱ li O̱lo̱mo̱e̱mai lo̱ re̱ vare. kho o̱lime o̱khe̱ e̱ghe̱ li ame̱ si igbao bi ikpuokho. ⁸ We̱we̱ li egbe se̱ mo̱i izie̱ngbe, si udu'khian, erimidi avare si O̱lo̱mo̱e̱mai ke sire. ⁹ Vba ke wo, imio̱n, re̱yi egbe vba. lai mie̱ kha ghae̱zo̱n vba, khi o̱lo̱ ghai'ezo̱n muzan vbi ukhue̱de̱. ¹⁰ Wui azoma, imio̱nme̱ re̱zavbi oya bi izie̱ngbe isi ekhe̱in itakpoto̱i, ea'a nian teta vbi eni si O̱lo̱simuan. ¹¹ Kaowoi, mai wui ea lian mo̱in ifundure re̱yi elemie̱in ihianba. Ugboho̱n vbi ifundure si Jobu, ugboe̱i ao si Oise̱le̱bua, ebo̱i mo̱i are̱hume̱n bi ifue̱ke̱n. ¹² Vbe̱ke̱in ere̱me̱n, imio̱nme̱, vbaiya ki eo̱, o̱khare̱vbi isi okhumieimi dai isi o̱li okhumoto̱i na, dai re̱yi areo̱ lo̱ ghe̱in. Ikpalo̱lo̱re̱ vbi iyo̱ zi e̱e̱ lutai ōichie̱n e̱e̱ bi o̱gho̱ lutai chie̱n o̱gho̱. lue o̱ defio̱vbi e̱ge̱ge̱in ighae̱zo̱n. ¹³ O̱so̱so vbivba rivbi oya bi eso̱n? o̱a liyo̱ lie - ero̱mo̱n. O̱so̱so vbivba moi egho̱ngho̱n vbudu? o̱a li yo̱ yare vbo̱khai. ¹⁴ O̱so̱so vbivba mo̱i o̱tome̱n? o̱a liyo̱ o̱iechi edio̱n si o̱se̱, lerē li ero̱mo̱n nai, yai ri evbi so'oi uhumi vbi eni si Oise̱le̱bua. Ero̱mo̱n si ajuduan lo̱ wui o̱a egbeda'an, bi O̱lo̱sumuan lo̱ wo̱i sore. Akhagaze kho̱ vbi o̱kho̱'o̱, Oise̱le̱bua lōre̱ humo̱i. ¹⁶ O̱hio̱so̱na, mi ome̱ si o̱kho̱'o̱ se̱ diare re̱yi egbevba, vbaya gbo li ero̱mo̱n yi egbe. lare̱ mie̱ khivba mie̱ amiegbe da'an. Ero̱mo̱n si o̱lo̱kpefua o̱ohiai re̱yi obia so̱i. ¹⁷ Elija o̱mo̱he labimai o̱. o̱li ero̱mo̱n le̱se̱n le̱se̱n khi ame̱n kharo̱n ame̱'imeti ro̱n vboto̱i vbe̱ke̱in ikpei ea bi ukin ehan. ¹⁸ O̱kese̱ Elijah chiegbo li'ero̱mo̱n. o̱li okhumeimi che ro̱in ame̱n, ain li okhumoto̱i keza khuai ikpeko̱mi dianre. ¹⁹ Imio̱nme̱, akhagaze khi o̱so vbivba o̱dada vbi e̱ke̱in ata, lo̱ vbe keza woi chiere. ²⁰ O̱ia liyo̱ o̱i e̱e̱n khi o̱lo̱win o̱li o̱kho̱ diare vbi ukpode̱ si udadami.